कडा रोगका बिरामीलाई २ अर्ब

भिषा काफ्ले

काठमाडौँ — सरकारले ८ वटा कडा रोग लागेका बिरामीको उपचारमा विपन्न नागरिक उपचार कार्यक्रममार्फत एक वर्षमा झन्डै साढे दुई अर्ब रुपैयाँ खर्च गरेको छ ।

गत वर्ष २१ हजार ८ सय १६ बिरामीले उपचार खर्चबापत २ अर्ब ४३ करोड ४४ लाख ३८ हजार ७ सय ४९ रुपैयाँ अनुदान लिएको जानकारी स्वास्थ्य सेवा विभागको नर्सिङ तथा सामाजिक सुरक्षा शाखा टेकुले दिएको छ । ०७३/७४ मा कडा रोगको उपचारमा १७ हजार ४ सय ७१ जनाले
१ अर्ब ३३ करोड ७ लाख ५२ हजार ५ सय ५१ रुपैयाँ सरकारी अनुदान प्राप्त गरेका थिए ।


क्यान्सर, मुटु, मिर्गाैला, स्पाइनल इन्जुरी, हेड इन्जुरी, पार्किन्सन र अल्जाइमरलाई कडा रोग मानेर सरकारले उपचारमा विपन्न नागरिकलाई अस्पतालको बिल भर्पाईअनुसार अनुदान दिने गरेको छ । शाखाले उपलब्ध गराएको तथ्यांकअनुसार कडा रोग लाग्नेमा सबभन्दा बढी क्यान्सरका बिरामी छन् ।

Yamaha


१० हजार ६ सय ८ जना क्यान्सरका बिरामीले उपचार गराएबापत अनुदान रकम लगेको विभागका फोकल पर्सन प्रकाश घिमिरेले बताए । ४ हजार ६ सय ६१ मिर्गौला रोगी, ४ हजार २ सय ७६ मुटु रोगी र १ हजार १ सय १४ सिकलसेल एनिमियाँका बिरामीले अनुदान लगेका छन् ।


स्पाइनल इन्जुरीका ५ सय ३९, हेड इन्जुरीका ५ सय २१, पार्किङसनका ७७ र अल्जाइमरका २० बिरामीले उपचारबापत अनुदान लगेको शाखाले जनाएको छ । सरकारले मिर्गाैला रोगबाहेक अन्य रोगका बिरामीलाई उपचार खर्चबापत प्रतिबिरामी एक लाख रुपैयाँ उपलब्ध गराउँदै आएको छ । मिर्गाैला रोगका बिरामीलाई भने फरकफरक कार्यविधिअनुसार अनुदान दिँदै आएको छ । डायलासिस गर्ने बिरामीलाई १ पटकको २५ सय रुपैयाँका दरले आजीवन अनुदान दिँदै आएको छ ।


सामान्यत: मिर्गाैला फेल भएका बिरामीले सातामा कम्तीमा दुईपटक डायलासिस गर्नुपर्ने हुन्छ । प्रत्यारोपण हुनै नसक्ने बिरामीलाई सरकारले प्रतिवर्ष औषधिका लागि एक लाख रुपैयाँ दिने गरेको छ ।


मिर्गाैला प्रत्यारोपण गर्ने बिरामीका हकमा भने प्रत्यारोपण खर्चबापत अस्पताललाई ४ लाख, प्रत्यारोपणपछि एक वर्षका लागि औषधि खर्च १ लाख र प्रत्यारोपणअघि प्रयोगशाला शुल्क ५० हजार उपलब्ध गराउँदै आएको छ ।


गत वर्ष ४ हजार २ सय ९८ जनाले होमो डायलासिस र २ सय ४९ जनाको प्रत्यारोपण भएको छ भने १ सय १४ जनाले औषधि उपचार खर्च लिएका छन् । विपन्न नागरिक उपचार अनुदानबाट ५ वर्षमा ६१ हजार ५ सय ९८ बिरामीले अनुदान लगेको जानकारी घिमिरेले दिए । आर्थिक वर्ष ७०/०७१ मा ८ सय १३, ०७१/०७२ मा ६ हजार ९५, ०७२/०७३ मा ८ हजार ३, ०७३/०७४ मा १७ हजार ४ सय ७१ र ०७४/०७५ मा २१ हजार ८ सय १६ जनाले कडा रोग उपचारबापत सरकारबाट अनुदान लगेका छन् ।

प्रकाशित : भाद्र १५, २०७५ ०९:२८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

बिमस्टेक सम्मेलनः राष्ट्र तथा सरकार प्रमुखलाई सोल्टीमा 'रिट्रिट'

कृष्ण आचार्य

काठमाडौँ — बिमस्टेक सम्मेलनमा सहभागी राष्ट्र तथा सरकार प्रमुखलाई सोल्टी होटलमा 'रिट्रिट' दिइएको छ । नेपाल सरकारको आयोजनामा शुक्रबार बिहान सम्मेलनस्थल सोल्टीमा रिट्रिट दिइएको हो । रिट्रिटमा सातै देशका राष्ट्र तथा सरकार प्रमुखको सहभागिता रहेको छ ।

तस्बिरः हेमन्त श्रेष्ठ

सोल्टीमा रिट्रिट दिए पनि नेपाल सरकारले भदौ १५ गते अर्थात सम्मेलनको दोस्रो दिन गोकर्ण रिसोर्टमा रिट्रिट दिने तयारी गरेको थियो। तर वर्षाका कारण चाबहिल–जोरपाटी–गोकर्ण सडक द्रुत गतिमा सुधार गर्न नसकेपछि सोल्टीमै रिट्रिट दिने तालिका बनाइएको हो।

चाबहिल–जोरपाटी–गोकर्णको सडक अवस्था तत्काल सुधार गर्न नसकेपछि सरकारले सम्मेलन आयोजना स्थलमै ‘रिट्रिट’ गर्ने भएको हो। ‘यस पटक होटल सोल्टीमै हुने भएको छ,’ परराष्ट्र मन्त्रालयका प्रवक्त्ता भरतराज पौड्यालले भने। परराष्ट्रका अधिकारीहरुले प्राविधिक कारणले आयोजना स्थलभन्दा बाहिर रिट्रिट हुन नसकेको जनाए।

राससका अनुसार सदस्य मुलुकका राष्ट्राध्यक्ष/सरकार प्रमुखलाई आवासको व्यवस्था गरिएको स्थानीय ताहाचलस्थित सोल्टी होटलको पौडी पोखरी परिसरमा आयोजना गरिएको रिट्रिटमा सबै देशका राष्ट्राध्यक्ष/सरकार प्रमुख तथा उनीहरूका जीवनसाथी पनि सहभागी छन् ।

रिट्रिटमा बिहानको खाजाको प्रबन्ध गरिएको छ । सदस्य देशका राष्ट्राध्यक्ष/सरकार प्रमुखका निम्ति एउटा मुख्य टेबल र सोही टेबल नजिक उनीहरूका श्रीमती/श्रीमान्लाई बेग्लै टेबलको व्यवस्था गरिएको परराष्ट्र मन्त्रालयले जनाएको छ । आफ्नै भाषामा अभिव्यक्त गर्न चाहने राष्ट्राध्यक्ष/सरकार प्रमुखका लागि दोभाषेको पनि व्यवस्था गरिएको छ ।

बिमस्टेकका अध्यक्ष एवं प्रधानमन्त्री केपी शर्मा ओली तथा उनकी धर्मपत्नी राधिका शाक्यले रिट्रिटस्थलमा सदस्य मुलुकका राष्ट्राध्यक्ष/सरकार प्रमुख तथा उनीहरूका जीवनसाथीलाई स्वागत गरिन् । त्यसअघि पञ्चकन्याले पनि उनीहरुलाई पुष्पगुच्छासहित स्वागत गरेका थिए ।

रिट्रिटमा बिमस्टेक राष्ट्रका बाह्य मामिला/विदेशमन्त्री/राज्यमन्त्री पनि सहभागी छन् । उनीहरूलाई परराष्ट्रमन्त्री प्रदीपकुमार ज्ञवालीले स्वागत गरेका थिए । त्यसैगरी उक्त एकान्त भेटमा सहभागी बाह्य मामिला/विदेश मन्त्रालयका सचिवलाई परराष्ट्र सचिव शङ्करदास वैरागीले स्वागत गरेका थिए ।

नितान्त निजी एवं एकान्त भेटका निम्ति रिट्रिटस्थलमा सदस्य देशका विशिष्ट अतिथि र उच्चपदस्थ अन्य पाहुना आउँदा पृष्ठभूमिमा सबै देशका राष्ट्रिय धुन मन्द र मधुर ध्वनिमा बजाइएको थियो । रिट्रिटका क्रममा बिहानी खाजाको कार्यक्रम पूरा भएपछि राष्ट्राध्यक्ष/सरकार प्रमुखका लागि केही समय व्यक्तिगत कुराकानीका निम्ति छुट्याइएको र रिट्रिटका उत्तराद्र्धमा सामूहिक तस्बीर खिचाउने कार्यक्रम रहेको शिष्टाचार महापाल दीपक अधिकारीले बताए ।


यो पनि पढ्नुहोस्ः

यस कारण भएन गोकर्ण रिसोर्टमा रिट्रिट



प्रकाशित : भाद्र १५, २०७५ ०९:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT