लट्ठी प्रहारबाट मृत्यु
भक्तपुर — मादक पदार्थ सेवन गरी आफ्नै साथीले बाँसको लट्ठी प्रहार गर्दा एक जनाको मृत्यु भएको छ । सूर्यविनायक नगरपालिका–८ सिपाडोलस्थित एसएस पोल्ट्री फार्ममा काम गर्ने रोल्पा रुन्टीगढी–३ का ३७ वर्षीय गंगाराम दमाईको शुक्रबार मृत्यु भएको प्रहरीले जनाएको छ ।
दमाईलाई सँगै काम गर्ने रोल्पा लुङ्ग्री–६ का २१ वर्षीय धनबहादुर परियारले मादक पदार्थ सेवनपछि भएको विवादमा लट्ठी प्रहार गरेको महानगरीय प्रहरी परिसर भक्तपुरका प्रवक्ता डीएसपी रेवतीरमण पोखरेलले बताए ।
प्रहारबाट सख्त घाइते दमाईको उपचार क्रममा भक्तपुर अस्पतालमा मृत्यु भएको उनले जनाए । परियारलाई प्रहरीले पक्राउ गरेको छ ।
प्रकाशित : कार्तिक ५, २०७५ ०७:३६प्रतिक्रिया