एनसीसीएस र हिबिकुबीच सम्झौता
काठमाडौँ — नेसनल कलेज अफ कम्प्युटर स्टडिज (एनसीसीएस) र जापानको ओसाकास्थित हिबिकु कम्पनीबीच विद्यार्थीरूलाई जापानमा क्षमता वृद्घि र बौद्धिक विकासका लागि लैजाने सम्झौतामा हस्ताक्षर भएको छ । सम्झौतापत्रमा एनसीसीएसका तर्फबाट कलेजका प्रबन्धनिर्देशक सन्तोषराज मास्के तथा हिबिकुका तर्फबाट अध्यक्ष सिनिचिरु यामानोले हस्ताक्षर गरेका हुन् ।
सम्झौताअनुसार हिबिकुले एनसीसीएसमा अध्ययनरत विद्यार्थीहरूका लागि जापानी भाषाको कक्षा सञ्चालन गर्नेछ भने कलेजले कम्पनीको प्रोजेक्टमा रही इन्टर्नसिप गराउनुपर्नेछ ।
त्यसपछि हिबिकुले अन्तर्वार्ता लिई एन फोर लेभल उत्तीर्ण गरेका विद्यार्थी छनोट गरी जापान लैजानेछ । यसका लागि हिबिकुका तर्फबाट नेपाल प्रतिनिधिमा आईजीसी टेक्नोलोजी रहेको छ ।
प्रकाशित : फाल्गुन ६, २०७५ ०८:५२