१ सय ४० ज्येष्ठ नागरिकको सामूहिक सम्मान
काठमाडौँ — भक्तपुरको ठिमीस्थित एक निजी विद्यालयले नगरका सय बढी ज्येष्ठ नागरिकलाई सम्मान गरेको छ । डेन्स इन्टरनेशनल सेकेण्डरी स्कुलले अभिभावक दिवसका अवसरमा शनिबार ज्येष्ठ नागरिकलाई सम्मान गरेको हो ।
स्कुलले ९९ वर्षीय बद्रिप्रसाद दाहाल, ९१ वर्षीय मनमाया न्यौपाने, ९२ वर्षीय कृष्णकुमारी कार्की, ७९ वर्षीय धर्मनन्द आचार्यसहित १ सय ४० जनालाई त्यस अवसरमा सम्मान गरिएको थियो । उनीहरुलाई नेकपाका नेता एवं पूर्वप्रधानमन्त्री माधवकुमार नेपालले दोसल्ला र प्रमाणापत्रबाट सम्मान गरेका थिए ।
ज्येष्ठ नागरिकप्रति समाज र नागरिकको सम्मानभाव बढोस् भन्ने उद्देश्यका साथ सम्मान गरिएको स्कुलका प्रिन्सिपल दिनेश मैनालीले बताए ।
प्रतिक्रिया