म्यानमारको पानी पर्व काठमाडौंमा

कान्तिपुर संवाददाता

काठमाडौँ — गालामा चन्दनको लेप, हातमा पहेंलो फूल । बुट्टेदार चाँदीको भाँडोबाट फूल डुबाउँदै शनिबार राजधानीमा नेपालीहरुले म्यान्मारको पानी पर्व (थिङयान) मनाए । नेपाल-म्यान्मार फ्रेन्डसीप काउन्सिलले हरेक वर्ष यो पर्व मनाउँदै आएको छ । दुई देशको नृत्य तथा गीत प्रस्तुतिसहित मनाइएको पर्वमा यसपटक नेपाली नयाँ वर्षको समेत सन्दर्भ जोडेको काउन्सिलका अध्यक्ष शंकर घिमिरेले बताए ।

अप्रिल महिनामा फुल्ने पहेंलो 'गडाउ पा' फूललाई पानीमा चोबेर एकअर्काको शरीरमा छर्किंदै मनाइने पर्व प्रेम र सद्‍भावसँग जोडिएको उनले बताए । 'यो नेपालीहरुको होली जस्तै हो', उनले भने, 'म्यान्मारका नेपालीहरूले समेत मनाउने यो पर्वले दुई देशको सांस्कृतिक सम्बन्ध बलियो बनाउँदै आएको छ ।' त्यही भएर आफूहरूले काठमाडौंमा पनि पर्वलाई निरन्तरता दिएको उनले जनाए ।

Citizen


उनका अनुसार यो पर्वमा चाँदीको बुट्टेदार भाँडोमा पानी राखेर, त्यसैमा बास्नादार पफ्र्युम छर्किएर जमुनाको फूलले एकअर्काको काँधमा छ्याप्ने गरिन्छ । 'काँधमा पानी छयाप्नुलाई शुद्धताको प्रतीक मानिन्छ,' काउन्सिलका सचिव लुतली ज्ञवालीले भने । कार्यक्रममा म्यान्मारका राजदूत तिरी प्यान्ची ऊ तुन ने लिन, श्रीलंकाका राजदूत स्वर्ण परेरा, स्रष्टा युवराज नयाँघरे लगायत पनि सहभागी थिए ।

प्रकाशित : वैशाख १, २०७६ २१:१४
ADVERTISEMENT
प्रतिक्रिया
पठाउनुहोस्
ADVERTISEMENT

गुल्मीमा बन्दै गरेको पक्की पुल भाँचियो, ५ घाइते 

माधव अर्याल

पाल्पा — गुल्मीको मुसीकोट नगरपालिकाअन्तर्गत बडिघाट खोलामा निर्माणाधीन पक्की पुल भाँचिदा ५ जना घाइते भएका छन् । मुसीकोट नगरपालिका-३ र ७ को सिमानाअन्तर्गत बडिघाट खोालको झेदीमा निर्माणाधीन पुल आइतबार अपराह्न ४ बजेतिर भाँचिएको हो ।

पुल भाँचिदा निर्माण व्यवसायी चितवनका ऋषिराज इटानी, मुसीकोट नगरपालिका निवासी रामबहादुर राना, रुद्र बहादुर कार्की, गणेश राना र तुलबहादुर राना रहेको प्रहरीले जनाएको छ । घाइतेहरुलाई उपचारका लागि बागलुङको हटिया लगिएको छ । घाइतेमध्ये निर्माण व्यवसायी इटानीको अवस्था गम्भीर छ ।
५८ मिटर लामो पक्की पुल ढलान गर्ने क्रममा अचानक बेस भाँचिएको जिल्ला प्रहरी कार्यालय गुल्मीका प्रहरी निरीक्षक रवीन्द्र बहादुर खड्काले जानकारी दिए । यो पक्की पुल तीन वर्षअघि ५ करोड १७ लाख लागतमा निर्माण सुरु भएको हो ।

दुई पिल्लरसहितको पुल ढलान गर्दा अचानक ढलेको स्थानीयले बताएका छन् । पुल निर्माण गर्ने जिम्मा वाइपी जनबुद्ध निर्माण सेवा काठमाडौंले पाएको हो । पुल समयमै निर्माण सम्पन्न हुन नसक्दा पुनः म्याद थपेर काम गरिँदै थियो ।

प्रकाशित : वैशाख १, २०७६ २१:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT