म्यानमारको पानी पर्व काठमाडौंमा

अप्रिल महिनामा फुल्ने पहेंलो 'गडाउ पा' फूललाई पानीमा चोबेर एकअर्काको शरीरमा छर्किंदै मनाइने पर्व प्रेम र सद्‍भावसँग जोडिएको उनले बताए । 'यो नेपालीहरुको होली जस्तै हो', उनले भने, 'म्यान्मारका नेपालीहरूले समेत मनाउने यो पर्वले दुई देशको सांस्कृतिक सम्बन्ध बलियो बनाउँदै आएको छ ।' त्यही भएर आफूहरूले काठमाडौंमा पनि पर्वलाई निरन्तरता दिएको उनले जनाए ।

उनका अनुसार यो पर्वमा चाँदीको बुट्टेदार भाँडोमा पानी राखेर, त्यसैमा बास्नादार पफ्र्युम छर्किएर जमुनाको फूलले एकअर्काको काँधमा छ्याप्ने गरिन्छ । 'काँधमा पानी छयाप्नुलाई शुद्धताको प्रतीक मानिन्छ,' काउन्सिलका सचिव लुतली ज्ञवालीले भने । कार्यक्रममा म्यान्मारका राजदूत तिरी प्यान्ची ऊ तुन ने लिन, श्रीलंकाका राजदूत स्वर्ण परेरा, स्रष्टा युवराज नयाँघरे लगायत पनि सहभागी थिए ।