लागूऔषधसहित ७ पक्राउ

कान्तिपुर संवाददाता

काठमाडौँ — लागूऔषध चरेसको अवैध ओसारपसार तथा कारोबारमा संलग्न भएको आरोपमा प्रहरी परिसर काठमाडौं र लागूऔषध नियन्त्रण ब्युरोले तीन-तीन जनालाई पक्राउ गरेको छ । ब्युरोले मनोद्विपक लागूऔषधसहित एक महिलालाई पनि पक्राउ गरेको हो । 

प्रहरी परिसर काठमाडौंले बलम्बुबाट १५ केजी चरेससहित दिनेश कार्की, सुनिता तिम्सेना र विश्वास थापालाई पक्राउ गरेको छ । उनीहरूले धादिङबाट चरेस किन्ने र काठमाडौंमा बेच्ने योजना बनाएको प्रहरीले जनाएको छ । ब्युरोले भने सुनसरी इटहरीका राजकुमार गुरुङ, झापा मेची नगरपालिका ४ का सञ्जय दर्जी र मनोज दर्जीलाई १७ केजी चरेससहित झापाको टोकला बगानबाट पक्राउ गरेको हो । यस्तै, ब्युरोले मनोद्विपक लागूऔषध डाइजेपाम, बुप्रोनोर्फिन र फेनारगनसहित ५० वर्षीया सावित्री श्रेष्ठलाई पक्राउ गरेको छ । उनको साथबाट ६ सय ७० एम्पुल डाइजेपाम, ५ सय ६१ एम्पुल बुप्रोनोफिर्न र ५ सय ६० एम्पुल फेनारगन बरामद गरिएको छ ।

सावित्री लामो समयदेखि नियन्त्रित लागूऔषधको कारोबारमा संलग्न भएको र उनले भारतीय बजारबाट लागूऔषध ल्याएर बेच्ने गरेको ब्युरोले बताएको छ । ब्युरोका अनुसार सावित्रीका दुई छोरासमेत लागूऔषध सेवनकर्ता हुन् ।

प्रकाशित : जेष्ठ ८, २०७६ १९:२८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

खानेपानीमा २० लाख हिनामिना : प्रतिवेदन

कान्तिपुर संवाददाता

संखुवासभा — खाँदबारी खानेपानी उपभोक्ता तथा सरसफाई संस्थाले २० लाख ३ हजार हिनामिना गरेको प्रतिवेदन सार्वजनिक गरेको छ । संस्थाले पत्रकार सम्मेलन गरेर प्रतिवेदनमा अनियमितता भएको जानकारी दिएको हो । विभिन्न सञ्चार माध्यममा अनियमितताको समाचार प्रकाशन र प्रशारण भएपछि समितिले बुधबार प्रतिवेदन सार्वजनिक गरेको हो ।

सबैभन्दा बढी रकम काउन्टर सहायक सुरेश ढकालले अनियमितता गरेको अध्यक्ष नरेन्द्र राईले जनाए । ढकालले १३ लाख ९५ हजार ४७ रुपैयाँ अनियमितता गरेको प्रतिवेदनमा उल्लेख छ । लेखापाल लक्ष्मण पराजुलीले ६२ हजार ६ सय २७ र प्रशासन सहायक जुनिता कार्कीले ५ लाख ४५ हजार अनियमितता गरेको राईले बताए । लेखापाल लक्ष्मण र प्रशासन सहायक जुनिताले अनियमितता गरेको रकम दाखिला गरिसकेको समितिले जनाएको छ ।

काउन्टर सहायक ढकालले पानीको महसुल तर्फबाट उठाउन प्रयोग गरेको रसिदको अर्ध कट्टीमा लुकाएर र अर्ध कट्टीमा रद्ध लेखेर ६ लाख ५६ हजार ४ सय अनियमितता गरेको प्रतिवेदनमा उल्लेख छ ।

आव ०७५/७६ मा सफ्टवेर प्रणालीको विलमार्फत २ लाख २८ हजार १ सय हिनामिना गरेको उनले बताए । त्यसैगरी ढकालकै जिम्मेवारीमा राखिएको ०७४/७५ मा समेत पाँचवटा रसिद बुक गायव बनाएको उनी माथि समितिको आरोप छ । एक बुकमा ५० प्रति रसिद रहेको संस्थाले जनाएको छ । अन्य बिलमा उठेको न्यूनतम र अधिकतम रकम अंकलाई आधार मानेर पाँचवटा रसिदबाट ५ लाख ५ हजार अनियमितता भएको हुनसक्ने लेखा प्रतिवेदनमा उल्लेख गरिएको छ । गायब भएका ती रसिदबाट ५ लाख ५ हजार असुल्ने प्रतिवेदनमा सुझाव दिइएको छ ।

मंगलबार रकम दाखिला गर्न अन्तिम म्याद भए पनि काउन्टर सहायक ढकालले रकम नबुझाएको अध्यक्ष राईले बताए । अब कानुनी प्रक्रियामा गएर रकम असुल्ने छौं,' उनले भने, पटक-पटक मौका दिइसकेका छौं, अझै रकम बुझाउन उहाँ आउनु भएन ।' लेखापाल लक्ष्मणले सफ्टवयर प्रणाली र प्रशासन सहायक जुनिताले ५ प्रतिशत अनुदानको रकम नदेखाएको प्रतिवेदनमा उल्लेख छ ।

उनीहरूलाई समितिले ४ महिनाअघि नै निलम्बन गरेको थियो । खानेपानी कार्यालयमा आर्थिक हिनामिना व्यापक भएको गुनासो आए पनि महसुल र उपभोक्ताबाट उठाएको रकमको छानबिन गर्न गत माघ १५ गते तत्कालीन खाँदबारी नगरपालिकाका लेखा अधिकृत रुद्रमणि श्रेष्ठ समेतको टोलीलाई जिम्मेवारी दिएको थियो । खानेपानी आयोजनाले नगर विकास कोषबाट २० करोड २ लाख ऋण लिइएको थियो । आयोजनाको निमार्णमा ४५ करोड ५१ लाख खर्च भइसकेको समितिले जनाएको छ ।

प्रकाशित : जेष्ठ ८, २०७६ १९:१८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT