भक्तपुर — महानगरीय प्रहरी वृत्त जगातीले सल्लाघारीमा गाँजा फडानी गरेको छ । लागूपदार्थ दुर्व्यसनी न्यूनिकरणका लागि प्रहरी भक्तपुर-१ सल्लाघारीस्थित हनुमन्ते खोला किनारमा उम्रिएको करिब ३५ सय बोट गाँजा फडानी गरी नष्ट गरेको प्रहरी निरीक्षक झलक शर्माले बताए ।
प्रहरी साझेदारी कार्यक्रमअन्तर्गत वृत्त जगातीले लागूपदार्थ दुर्व्यसनी न्यूनिकरण, अवैध घरेलु मदिरा बिक्री वितरण रोकथाम अभियान थालेको उनले बताए ।