माटोको ढिस्कोले पुरिएर एक महिलाको मृत्यु 

कान्तिपुर संवाददाता

भक्तपुर — मध्यपुर थिमि-६ कुण्डोलस्थित घरको जग हाल्ने क्रममा माटोको ढिस्कालेले पुरिएर एक महिलाको मृत्यु भएको छ । प्रहरीका अनुसार मङ्गलबार दिउँसो सिन्धुपाल्चोक सुनखानी गाउँपालिका-५ घरभई कुण्डोलस्थित अम्मरबहादुर पराजुलीको घरको जग हाल्ने क्रममा ढिस्कोले पुरिएर पुरानो थिमि बस्ने ३५ वर्षीया रोजनी खड्काको मृत्यु भएको छ ।

ढिस्कोले पुरिएर सख्त घाइते खड्काको उपचारको क्रममा मध्यपुर अस्पतालमा मृत्यु भएको भक्तपुर प्रहरी प्रवक्ता डीएसपी रेवतीरमण पोखरेलले बताए ।

घटनामा सिन्धुपाल्चोक सुनखानी-५ का ३८ वर्षीय दावा तामाङ घाइते भएका छन् । घाइतेको मध्यपुर अस्पतालमै उपचार भइरहेको प्रहरीले जनाएको छ ।

प्रकाशित : जेष्ठ २८, २०७६ १८:५९
प्रतिक्रिया
पठाउनुहोस्

छोरीमाथि करणी आरोपमा पक्राउ

कान्तिपुर संवाददाता

काठमाडौँ — आफ्नै १८ वर्षीया छोरीमाथि करणी गरेको आरोपमा प्रहरी परिसर ललितपुरले एक जनालाई पक्राउ गरेको छ । छोरीको परिचय खुल्ने कारणले प्रहरीले उनको नाम पनि गोप्य राखेको छ । परिसर ललितपुरका प्रवक्ता डिएसपी नारायण चिमोरियाका अनुसार सोमबार छोरीले दिएको जाहेरीका आधारमा बाबु पक्राउ परेका हुन् ।

प्रहरीका अनुसार पक्राउ परेका बाबुले आफू ५ वर्षअघि भौतिक पूर्वाधार तथा यातायात मन्त्रालयमा सहसचिव रहेको र त्यतिबेला निलम्बित भएको बताएका छन् । तर, प्रहरीले उनको दाबीलाई पुष्टि गरिसकेको छैन ।

प्रवक्ता डिएसपी चिमोरियाका अनुसार मंगलबार मात्रै ५ दिन थुनामा राखेर अनुसन्धान गर्न जिल्ला अदालत ललितपुरबाट अनुमति लिइएको छ । प्रहरीले उनीमाथि जबर्जस्ती करणी उद्योगमा मुद्दा चलाउने प्रक्रिया अगाडि बढाएको जनाएको छ ।

प्रकाशित : जेष्ठ २८, २०७६ १८:५२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT