बम पड्काउनु पुतलीको खेलौना हैन : ओली

डिल्लीराम खतिवडा

उदयपुर — एमालेका अध्यक्ष केपी ओलीले निर्वाचनलाई भाँड्न नसकेपछि बम आतंक मच्याइएको आरोप लगाएका छन् । केही दिनयता उम्मेदवारलाई लक्षित गरी भइरहेका श्रृखंलाबद्ध बम विस्फोटका घटना निर्वाचनविरोधी तत्वहरुले निर्वाचन हुने भएपछि मतदातालाई त्रसित बनाउन मात्र खोजेको बताए ।

वाम गठबन्धन निर्वाचन परिचालन समिति उदयपुरले शनिबार गाईघाटमा गरेको बृहत् चुनावी सभालाई सम्बोधन गर्दै अध्यक्ष ओलीले बम पड्काउनुलाई पुतलीको खेलौना नठान्न आग्रह गरे । बम पड्कँदैमा लटरम्म धान नफल्ने भएकाले हिंसाको राजनीति त्यागेर निर्वाचनलाई सहयोग गर्न ओलीले अनुरोध गरे । वाम तालमेलसम्बन्धी प्रसंगमा अध्यक्ष ओलीले देशलाई स्थिरता कायम राख्न वाम तालमेल अहिलेको आवश्यकता भएको बताए । 

देशविकासका लागि स्थिर सरकार वर्तमान आवश्यक भएको बताउँदै उनले भने, ‘समृद्ध नेपाल निर्माणका लागि चुनावपछि पार्टी एकीकरण गर्ने गरी अहिले वाम तालमेल गरिएको हो ।’

कांग्रेसप्रति लक्षित गर्दै ओलीले दुई तिहाईको सरकार बनाउँदा समेत कांग्रेसले मुलुक समृद्धशाली बनाउन नसकेको आरोप लगाए ।‘लोकतन्त्रको नाममा कांग्रेसले लुटतन्त्र मच्याएको छ’पूर्वप्रधानमन्त्री समेत रहेका ओलीले भने, ‘लुटतन्त्रलाई रोक्न वामपन्थी एकता गर्छु भन्दा कांग्रेस अत्तालिएको छ ।’ 

कांग्रेसका सभापति एवम् प्रधानमन्त्री शेरबहादुर देउवाको शासन व्यवस्थाप्रति लक्षित गर्दै अध्यक्ष ओलीले देउवा ‘पितातुल्य महाराज धिराज’भन्दै शासन सत्ता राजालाई बुझाउने व्यक्ति भएको आरोप लगाए । उनले निर्वाचनपछि सामाजिक सुरक्षाभत्तालाई २ हजारबाट बढाएर ५ हजार पुऱ्याउने आश्वासन दिए । ‘सेना, प्रहरी, कर्मचारीको २५ प्रतिशत तलब कसले बृद्धि गऱ्यो,’ प्रश्न गर्दै उनले भने, ‘अशक्त, असहाय, वृद्धवृद्धा, बेसहरालाई माया गर्ने वामपन्थी मात्र हो ।’

प्रकाशित : मंसिर १६, २०७४ १८:२५
ADVERTISEMENT
प्रतिक्रिया
पठाउनुहोस्
ADVERTISEMENT

गाउँपालिका कार्यालयमा नेकपाले झुन्ड्यायो आफ्नो साइनबोर्ड र झन्डा

कान्तिपुर संवाददाता

डोल्पा(दुनै) — नेपाल कम्युनिष्ट पार्टी डोल्पाका कार्यकर्ताले मुड्केचुला गाउँपालिकाको साइनबोर्ड हटाएर आफ्नो पार्टीको व्यानर टाँस्नुका साथै झन्डा हालेका छन् ।

सदरमुकाम दुनैदेखि ४० कोष टाढा कार्यालय रहेको मुड्केचुला गाउँपालिकाको कार्यालयबाट गाउँपालिकाको साइनबोर्ड नेकपाका केही कार्यकर्ताले तानेर लगेका छन् । गाउँपालिकाको साइनबोर्ड लिएर त्यस ठाउँमा मुड्केचुला गाउँ जनसरकारको कार्यालय नेकपा, नुर्क डोल्पा लेखिएको व्यानर टाँसेर गएका थिए । यसका साथै गाउँपालिकाको कार्यालयमा हालिएको नेपालको राष्ट्रिय झन्डा तानेर लगी आफ्नो पार्टीको झन्डा हालेरको मुड्केचुला गाउँपालिकाका अध्यक्ष दत्तबहादुर शाहीले बताए ।

प्रहरी नेकपाको व्यानर र झन्डा अहिले हटाइसकेको गाउँपालिकाको कार्यालय नर्कुबाट फोनमा अध्यक्ष शाहीले बताए । उनका अनुसार राष्ट्रिय झन्डा तत्काल हालिएको छ भने नयाँ साइनबोर्ड अर्डर गरिएको छ ।

प्रकाशित : मंसिर १६, २०७४ १८:१८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT