मतपेटिका बोकेको गाडी लक्षित बम विस्फोट

प्रताप विष्ट

हेटौडा — मतदान सकेर मतपेटिका जिल्ला सदरमुकाम हेटौंडा ल्याउने क्रममा २ स्थानमा अज्ञात समूहले बम विस्फोट गराएका छन् ।बम विस्फोटबाट स्कटिङमा गरिरहेको प्रहरीको गाडीमा क्षति पुगेको छ । तर मानवीय क्षति पनि भएको छैन । मतपेटिका पनि सुरक्षित रहेको छ ।

मतदान सकेर मतपेटिका जिल्ला सदरमुकाम हेटौंडा ल्याउने क्रममा २ स्थानमा अज्ञात समूहले बम विस्फोट गराएका छन् ।
बम विस्फोटबाट स्कटिङमा गरिरहेको प्रहरीको गाडीमा क्षति पुगेको छ । तर मानवीय क्षति पनि भएको छैन । मतपेटिका पनि सुरक्षित रहेको छ ।
मनहरी गाउँपालिका—२ त्रिरत्न प्राविको मतदान केन्द्रको मतपेटिका सदरमुकामतर्फ ल्याउने क्रममा ठाडो खोलामा बम विस्फोट गराएका थिए । विस्फोटबाट प्रहरीको भ्यानमा क्षति पुगेको प्रहरी नायब उपरीक्षक दिलीपराज झाले बताए ।
यसैगरी मनहरी गाउँपालिका १ स्थित चकरीमकरीको मतदान केन्द्रवाट मतपेटिका ल्याउने क्रममा गोठ खोलामा प्रेसर कुकर बम विस्फोट गराइएको थियो ।
विस्फोटबाट मतपेटिकाको स्कटिङ गरिरहेको प्रहरीको भ्यानलाई सामान्य क्षति पुर्‍याएको थियो । मतपेटिका र मतदानमा खटिएका कर्मचारी र प्रहरी सुरक्षित रहेको प्रहरीले जनाएको छ ।

प्रकाशित : मंसिर २१, २०७४ १९:३८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

समृद्ध नेपाल निर्माणमा सहमतिबाट दलहरु अगाडि बढ्ने उपराष्ट्रपतिको विश्वास

कान्तिपुर संवाददाता

काठमाडौं — उपराष्ट्रपति नन्दबहादुर पुनले प्रतिनिधिसभा र प्रदेशसभाको निर्वाचन उल्लासमय वातावरणमा महोत्सवका रुपमा सम्पन्न भएकामा खुशी लागेको बताएका छन् ।

उपराष्ट्रपति पुनले बिहीबार सम्पन्न भएको मतदानपछि सन्देश दिँदै आजको दिन नेपाली इतिहासमा ऐतिहासिक एवं गौरवपूर्ण दिन भन्दै दोस्रो चरणको निर्वाचनमा सहभागी भएर आफ्नो सार्वभौम मताधिकार प्रयोग गर्ने सम्पूर्ण मतदातामा धन्यवाद ज्ञापन गरेका छन् । उनले लामो समयदेखिको राजनीतिक संक्रमणकाल पूर्णरुपमा अन्त्य भई राजनीतिक स्थायित्व आरम्भ भएको, देश आर्थिक समृद्धिको नयाँ युगमा प्रवेश गरेको तथा संविधानको पूर्ण कार्यान्वयन प्रक्रिया सुरु भएकामा खुसी व्यक्त गरेका छन् ।

निर्वाचन शान्तिपूर्ण सम्पन्न भएकामा उपराष्ट्रपतिले निर्वाचन आयोग, सरकार, राजनीतिक दल, राष्ट्रसेवक कर्मचारी, सुरक्षा निकाय, पर्यवेक्षक, सञ्चारकर्मीलगायत सबैलाई धन्यवाद दिँदै संविधान कार्यान्वयनका लागि राजनीतिक दल र त्यसका शीर्ष नेतृत्वले खेलेको ऐतिहासिक भूमिकाको सराहना गरेका छन् । राजनीतिक परिवर्तनकारी संघर्ष र संविधानको कार्यान्वयनमा जस्तै समृद्ध नेपाल निर्माणमा पनि राजनीतिक दलहरु संविधानभित्र रही आपसी सहमति र सहकार्यका माध्यमबाट अगाडि बढ्ने विश्वास उपराष्ट्रपतिले व्यक्त गरेका छन् ।

- रासस

प्रकाशित : मंसिर २१, २०७४ १९:३८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT