प्रतिनिधिसभा र प्रदेशसभा निर्वाचन २०७४
मंसिर २२, २०७४

प्रतिनिधिसभा र प्रदेश 'क' मा एमाले भारी मतले विजयी

मंसिर १० मा भएको मतदानको मतगणना बिहीबार सांझ ९:२५ बजेदेखि सुरु भएको मतगणनाको अन्तिम परिणाम बमोजिम डोल्पा प्रदेश 'क' र प्रतिनिधिसभामा वाम गठबन्धनबाट एमालेका उम्मेद्वारहरु भारि मततान्तरका साथ विजय भएका छन् ।

बाजुराको दुवै प्रदेशमा एमालेका उम्मेदवार बिजयी

प्रदेशसभा ‘क’ र ‘ख’ दुबैमा बाम गठबन्धनका तर्फबाट एमाले उम्मेदवारहरु बिजयी भएका छन् । पछिल्लो मतपरिणाम अनुसार प्रदेश ‘ख’ का प्रकाश शाहले कांग्रेस उम्मेदवार पदमबहादुर शाहीलाई ३ हजार २ सय ९ मतको अग्रतामा बिजय प्राप्त गरेका हुन् । शाहले १८ हजार १ सय ८६ मत प्राप्त गरे भने कांग्रेस उम्मेदवार शाहीले १४ हजार ९ सय ७७ मत प्राप्त गरेका छन् ।

कोइरालाको विरासतमा वाम गठबन्धनको अग्रता

प्रतिनिधि र प्रदेशसभाको सपन्न निर्वाचनको मतगणना विराटनगरस्थित आदर्श विद्यालयमा शुक्रबार बिहान १० वजेबाट भइरहेको छ । मुख्य निर्वाचन अधिकृतको कार्यालयले दलहरुको सहमतिमा पहिले प्रतिनिधिसभाको मतगणना सुरु गरेको हो । कोइरालाको विरासत मोरङको ६ वटै प्रतिनिधिसभा क्षेत्रमा वाम गठबन्धनका उम्मेदवारले अग्रता लिएको छ ।

२६ वर्षपछि दोहोरिए छक्कबहादुर

पुराना वामपन्थी नेता छक्कबहादुर लामा हुम्लाबाट २६ वर्षपछि प्रतिनिधिसभा सदस्यमा दोहोरिएका छन् । तर, उनले वाम गठबन्धनबाट नभई स्वतन्त्र उम्मेदवारका रुपमा चुनाव जितेका हुन् । लामाले प्रतिद्वन्द्वी कंग्रेसका मंगलबहादुर शाहीलाई ४७ मतको अन्तरले पराजित गरेका हुन् ।

डोल्पा प्रदेश क मा ८१ % मत प्राप्त गरेर एमाले विजयी

मंसिर १० मा भएको मतदानको मतगणना बिहीबार साँझ ९:२५ बजेदेखि सुरु भएको मतगणनाको अन्तिम परिणाम बमोजिम डोल्पा प्रदेश क मा वाम गठबन्धनबाट एमालेका उम्मेद्वार ८१ प्रतिशत मत प्राप्त गरेर विजयी भएका छन् । प्रतिनिधिसभा सदस्यको मत परिणाम पनि केहीबेरमा आउने अनुमान गरिएको छ ।

ADVERTISEMENT

बाजुरा प्रदेश ‘क’मा एमालेका रेग्मी विजयी

बाजुरा प्रदेश ‘क’मा एमालेका वलदेश रेग्मी विजयी भएका भएका छन् । उनले ९ हजार ८ सय ४० मत पाउँदा कांग्रेसका जनककुमार गिरीले ८ हजार ३ सय ११ पाए ।

ADVERTISEMENT

मतपेटिका बोकेको गाडीलाई लक्षित गरी बम विस्फोट

जिल्लाको भित्री मधेसअन्तर्गत पर्ने परशुराम नगरपालिकाका मतपेटिकालाई सदरमुकाम ल्याउने क्रममा बाटोमा बम विस्फोट भएको छ । तर कुनै क्षति भएको छैन ।

दार्चुलामा चार हजार मतान्तरले वाम अगाडि

दार्चुला पहिलो चरण मंसिर १० गते भएको निर्वाचनको मत परिणाम आउने क्रम जारी रहेको छ । प्रतिनिधिसधामा एक मात्र निर्वाचन क्षेत्र रहेको यहाँ वाम गठबन्धनका उम्मेदवार ४ हजार ८९ मतान्तरले अगाडि रहेको छ । प्रदेशसभा पनि वाम गठबन्धनका उम्मेदवारहरु अगाडि रहेका छन् ।

रुकुम पूर्वको प्रदेशसभा 'ख'मा पनि माओवादी उम्मेदवार निर्वाचित

प्रदेशसभा सदस्यको 'ख' निर्वाचन क्षेत्रमा पनि नेकपा माओवादी केन्द्रकै पूर्णबहादुर घर्ती निर्वाचित भएका छन् । निकटतम प्रतिस्पर्धी नेपाली कांग्रेसका दत्तबहादुर बस्नेतलाई पराजित गरी घर्ती प्रदेशसभा सदस्यमा निर्वाचित भएका हुन् ।

रुकुम पूर्वको 'क'मा माओवादीका ओली विजयी

प्रदेशसभा सदस्य 'क' निर्वाचन क्षेत्रको अन्तिम मत परिणाम पनि सार्वजनिक भएको छ । अन्तिम मत परिणामअनुसार माओवादी केन्द्रका तेजबहादुर ओली विजयी भएका छन् ।

महिला छापामारदेखि पहिलो प्रतिनिधिसभा सदस्यसम्म

तत्कालीन नेकपा माओवादीले २०५२ सालमा सुरु गरेको सशस्त्र युद्धको पहिलो छापामारदेखि औपचारिक राजनीति थालेकी नेकपा माओवादी केन्द्रकी नेतृ कमला रोकाको यात्रा प्रतिनिधिसभा सदस्यसम्म पुगेको छ ।

ADVERTISEMENT

गणना आजदेखि

प्रदेश ४ का ५ जिल्लामध्ये पूर्वी नवलपरासीमा सर्वाधिक ७१ प्रतिशत मतदान भएको छ । कास्कीमा ६७ प्रतिशत मत खसेको प्रारम्भिक अनुमान गरिएको क्षेत्रीय निर्वाचन अधिकारी गंगालाल सुवेदीले बताए । उनका अनुसार स्थानीय तहको निर्वाचनमा भने ७५ प्रतिशत मत खसेको थियो ।

छरितो मतपत्रले सहज

विगतका निर्वाचनमा एउटै मतपत्रमा धेरै उम्मेदवार र चुनाव चिह्न समावेश हुँदा मतदाता समस्यामा पर्थे । ठूलो मतपत्रमा आफुले चाहेको चिह्न खोज्न, छाप लगाउन र पट्याउनसमेत झन्झट थियो ।

मधेसमा उत्साह

प्रदेश २ का ८ वटै जिल्लामा उल्लासमय वातावरणमा मतदान सम्पन्न भएको छ । यस प्रदेशका हरेक जिल्लामा प्रतिनिधिसभाका ४ र प्रदेशसभाका ८ गरी ९६ जनाका लागि मतदान भएको हो ।

उर्लिए मतदाता

प्रदेश १ का सात जिल्लामा बिहीबार प्रतिनिधिसभा र प्रदेशसभा सदस्य चयन गर्न भएको मतदानमा उत्साहपूर्ण सहभागिता देखिएको छ । चिसो मौसम र धान थन्क्याउने चटारोबीच ग्रामीण क्षेत्रका मतदान केन्द्रमा बिहानको समयमा मतदाताको उपस्थिति पातलो थियो ।

प्रदेशसभाले मतदातामा उत्साह

वीरेन्द्रनगर १० नयाँगाउँकी ५८ वर्षीया स्यानी थारू मतदान गरेर फर्किंदा निकै उत्साही देखिन्थिन् । मत त उनले धेरैपटक दिइन् तर यसपटक नेताहरूले छुट्टै प्रदेश सरकार बन्ने भनेका छन् । सुर्खेतमै प्रदेश सरकार बनेपछि आफूलाई हेर्लान् भन्ने आशामा उनले खुसीसाथ मतदान गरेकी हुन् ।

निर्वाचन शान्तिपूर्ण : गृह

प्रतिनिधिसभा र प्रदेशसभाको बिहीबार भएको दोस्रो चरणको निर्वाचन शान्तिपूर्ण भएको छ । छिटफुट विस्फोट र झडपका घटना भए पनि निर्वाचन शान्तिपूर्ण भएको गृह मन्त्रालयले जनाएको छ । प्रहरीले सर्लाही र स्याङ्जामा भएका झडप नियन्त्रण गर्न हवाई फायर गरेको छ ।

विदेशी कूटनीतिज्ञ र पर्यवेक्षक खुसी

प्रदेशसभा तथा प्रतिनिधिसभा निर्वाचनको प्रत्यक्ष अनुगमन गरेका कूटनीतिज्ञ र अन्तर्राष्ट्रिय पर्यवेक्षकहरूले निर्वाचन शान्त र भयरहित ढंगले सम्पन्न भएको भन्दै खुसी व्यक्त गरेका छन् ।

सिन्धुपाल्चोक २ मा शेरबहादुरलाई पशुपति शमशेरको टक्कर

सिन्धुपाल्चोकको प्रतिनिधि सभा क्षेत्र नम्बर २ मा शेरबहादुर तामाङ थोरै मतले मात्र राप्रपा प्रजातान्त्रिकका पशुपति शमशेर जबराभन्दा अघि छन् । अघिल्लो निर्वाचनमा जबरालाई हराएका तामाङ ४९० मतले अघि छन् ।

मुस्ताङमा एमालेको वर्चस्व, प्रदेशमा थकाली विजयी

सदरमुकाम जोमसोम रहेको प्रदेश (ख) मा एमालेका महेन्द्र थकाली विजयी भएपछि मुस्ताङमा एमालेले वर्चस्व जमाएको छ । थकालीले २५ सय ८४ मत प्राप्त गरेका छन् ।

मनाङमा एमालेलाई पहिलोपटक प्रतिनिधि सभामा सफलता

मनाङबाट पहिलोपटक एमाले उम्मेदवार प्रतिनिधि सभा सदस्य पदमा निर्वाचित भएका छन् ।पूर्व राज्यमन्त्री समेत रहेका कांग्रेस उम्मेदवार टेकबहादुर गुरुङलाई २ सय ८९ मतले उछिन्दै एमाले उम्मेदवार पोल्देन छोपाङ गुरुङ निर्वाचित भएका हुन् ।

रुकुम पूर्वमा माओवादी केन्द्रले खाता खोल्यो, प्रतिनिधि सभाका लागि रोका विजयी

रुकुम पूर्वको प्रतिनिधि सभा सदस्यमा माओवादी केन्द्रकी कमला रोका विजयी भएकी छन् । कुल सदर मतमध्य १४ हजार ४ सय ३४ मत ल्याइ रोका विजयी बनेकी हुन् ।

धादिङमा मतगणना जारी, वाम गठबन्धन अगाडि

धादिङ जिल्लाका छवटै क्षेत्रमा मतगणना कार्य जारी छ । दुई प्रतिनिधिसभा र चार प्रदेशसभा गरी छवटा क्षेत्र रहेको धादिङ जिल्लाको सबै क्षेत्रमा बागठबन्धन अगाडि रहेको छ ।

मनाङ प्रदेश (क) मा कांग्रेसका चिन्तबहादुर घले निर्वाचित

कांग्रेसले हिमाली जिल्ला मनाङबाट खाता खोलेको छ । कांग्रेस उम्मेदवार चिन्तबहादुर घलेले प्रदेश सभा क बाट एमालेका धोर्जे डण्डुल गुरुङलाई १ सय २ मतअन्तरले हराएका छन् । विजयी घलेले ९ सय ९८ मत प्राप्त गरेका छन् ।