मुस्ताङबाट प्रदेशसभा (क) मा एमाले उम्मेदवार विजयी

विनोद त्रिपाठी

मुस्ताङ — मुस्ताङका एमाले उम्मेदवार इन्द्रधारा विष्ट मुस्ताङ प्रदेशसभा (क) बाट सदस्यमा विजयी भएका छन् । प्रतिनिधि र प्रदेश सभा निर्वाचनमा विजयी प्रमाणपत्र प्राप्त गर्ने उनी पहिलो उम्मेदवार हुन् ।

प्रमुख निर्वाचन अधिकृत बलराम त्रिपाठीले उनलाई विजयी भएको प्रमाणपत्र दिए ।

Yamaha

विष्टले ११६७ र उनका प्रतिद्वन्द्वी कांग्रेसका युवा उम्मेदवार मिक्युर गुरुङले ६५७ मत ल्याएका छन् । यहाँको १ हजार ८ ३६ मत मध्ये १२ मत बदर भएको अधिकृतको कार्यालयले जनाएको छ ।

विष्ट लोमान्थाङका सामाजिक अभियन्ता हुन् । पेशाले उनी व्यापारी हुन् ।

विष्ट स्थानीय तहको निर्वाचनमा लोमान्थाङ गाउँपालिका प्रमुखमा उठेर पराजित भएका थिए ।

उनी कांग्रेसका सुवर्णकुमार विष्टसँग पराजित भएका थिए । त्यतिबेला उनी स्वतन्त्रबाट चुनाव लडेका थिए । उनी साउनमा एमाले प्रवेश गरेका हुन् ।

Esewa Pasal

प्रकाशित : मंसिर २२, २०७४ ०१:१४
प्रतिक्रिया
पठाउनुहोस्

रोल्पामा वाम गठबन्धनको अग्रता

काशीराम डाँगी

रोल्पा — पहिलो चरण अन्तर्गतमंसिर १० मा सम्पन्न प्रतिनिधि र प्रदेश सभा निर्वाचनको मत गणनाको नतिजा अनुसार रोल्पामा वाम गठबन्धनका उम्मेदवारहरुले अग्रता हासिल गरेका छन् ।

प्रतिनिधि र प्रदेश सभाको मत गणना जारी भएलगत्तै पहिलो पटक सार्वजनिक गरिएको नतिजाअनुसार दुवै तहमा वाम गठबन्धनका उम्मेदवार अगाडि देखिएका हुन् । 

मुख्य निर्वाचन अधिकृतको कार्यालयका अनुसार प्रतिनिधि सभा निर्वाचनका बाम गठबन्धनका उम्मेदवार वर्षमान पुनले ६ सय ९६ मत प्राप्त गर्दा कांग्रेसका अमरसिंह पुनले ३ सय ४३ मत प्राप्त गरेका छन् । अहिलेसम्म गणना गरिएको प्रतिनिधि सभाको निर्वाचनको मत संख्या १ हजार १ सय ४८ मध्ये ५२ वटा मत बदर भएको छ ।  

प्रदेश सभा निर्वाचन क्षेत्र क बाट वाम गठबन्धनका उम्मेदवार कुलप्रसाद केसीले २ सय ९३ मत प्राप्त गरेका छन् भने कांग्रेसका शेरबहादुर महराले २ सय ७९ मत पाएका छन् । यस्तै प्रदेश ख का वाम गठबन्धनका उमेदवार दीपेन्द्रकुमार पुनले ५ सय १३ मत पाउदा कांग्रेसका खगेन्द्र हमालले १ सय ३७ मत प्राप्त गरेका छन् । रोल्पामा वाम गठबन्धनबाट प्रतिनिधि सभामा १ र प्रदेश सभामा २ जना उम्मेदवार माओवादी केन्द्रकै छन् । 

प्रदेश क मा ७ सय ३८ मत खस्दा ७८ मत बदर भएको छ भने प्रदेश ख मा ७ सय १९ मत खस्दा ४० मत बदर भएको मुख्य निर्वाचन अधिकृत बासुदेवलाल श्रेष्ठले बताए । उनका अनुसार निर्वाचन सुरक्षाका दृष्टिकोणले अति नै संवेदनशील मानिएको रोल्पाको थबाङ केन्द्रका मत गणना गरेर गणना थालिएको । गणनाको नतीजा हरेक २ घण्टामा सार्वजनिक गर्ने भनिएपछि पहिलो पटकमा तीन घण्टापछि सार्वजनिक गरिएको छ । 

निकै कडा सुरक्षासहित रोल्पामा बिहीबार बेलुकी ५ बजेबाट मत गणना सुरु गरिएको हो । गणना स्थललाई तारबारले घेरिएको छ भने ७ वटा सीसीटीभी क्यामेराबाट अवस्थाको निगरानी गरिएको सुरक्षा अधिकारीले जनाएका छन् ।

प्रकाशित : मंसिर २१, २०७४ २२:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT