निर्वाचन क्षेत्र नं २ मा एमालेले इतिहास रच्दै प्रतिनिधिसभा तथा दुवै प्रदेशसभा सिटमा विजयी भएको छ । २०४८ पछि तीनपल्ट कांग्रेस र दुईपल्ट नेमकिपाले पालैपालो जितेको क्षेत्रमा वाम गठबन्धनका एमाले उम्मेदवार महेश बस्नेतले जितेका हुन् ।
अधिकांश वरिष्ठ नेताहरूले पराजय भोगिरहेका बेला कांग्रेस सभापति एवं प्रधानमन्त्री शेरबहादुर देउवा २०४८ देखिको आफ्नो किल्ला जोगाउन सफल भएका छन् । ७२ वर्षीय देउवाले २८ हजार ४४ मतसहित अपराजित यात्रा कायम राखे । प्रतिनिधिसभा सदस्यमा छैटौं पटक जित हात पारेका उनले माओवादी केन्द्रका सचिवालय सदस्य खगराज भट्टलाई ६ हजार ९ सय २९ मतान्तरले हराए । भट्टले २१ हजार एक सय १५ मत पाएका थिए ।
एमाले चितवन जिल्ला अध्यक्ष कृष्णभक्त पोखरेल फराकिलो मत अन्तरले विजयी भएका छन् । क्षेत्र नम्बर २ बाट प्रतिनिधिसभा सदस्यमा पोखरेलले कांग्रेसका वहालवाला शिक्षा राज्य मन्त्री शेषनाथ अधिकारीलाई १७ हजार ३ सय ५६ मत अन्तरले पराजित गर्दै विजयी भएका हुन् ।
काठमाडौंका १० निर्वाचन क्षेत्रमध्ये प्रतिनिधिसभामा ६ जना एमाले उम्मेदवार विजयी भएका छन् । ४ क्षेत्रमा कांग्रेसले जित हासिल गरेको छ । कांग्रेसले आइतबार रातिसम्म देशभर प्रतिनिधिसभामा १३ क्षेत्र जित्दा काठमाडौंमा मात्रै ४ सिट ल्याएको हो ।
धनुषाका चार प्रतिनिधिसभा सदस्य पदका लागी सम्पन्न निर्वाचनमा दुईमा मधेस केन्द्रित दलका नेताहरु विजयी भएका छन् भन्ने एकमा माओवादी केन्द्र तथा अर्कोमा मधेस केन्द्रित दलका नेता अगाडि छन् ।
प्रदेश नम्बर ५ अन्तर्गतको नवलपरासी पश्चिममा प्रतिनिधिसभा १ मा बाम गठबन्धनका तर्फबाट सूर्य चुनाव चिन्ह लिएर उम्मेदवार बनेका स्वतन्त्र राजनीतिक समूहका नेता ह्रृदयेश त्रिपाठी विजयी भएका छन् ।
मधेसी दलको पकड मानिएको रौतहट निवाचन क्षेत्र नं. १ मा मधेसी गठबन्धन प्यानल सहित विजयी भएको छ । त्यस्तै निर्वाचन क्षेत्र नं. ३ मा पनि बाम गठबन्धन प्यानल सहित विजयी भएको छ ।
जिल्लाका नौ क्षेत्रमध्ये आठ स्थानमा विजयी भएको बाम गठबन्धनले आइतबार घोराहीमा विजय र्याली गरेको छ । र्यालीमा बाजागाजा, नाचगान र अविराबरण गर्दै घोराहीका बिभिन्न भागको परिक्रमा गरिएको थियो ।
नेपाली कांग्रेसका वरिष्ठ नेता रामचन्द्र पौडेल तनहुँ १ बाट पराजित भएका छन् । वाम गठबन्धन तर्फबाट एमालेका कृष्णकुमार श्रेष्ठसँग नेता पौडेल पराजित भएका हुन् । श्रेष्ठले ३४ हजार ४ सय ९२ मत ल्याएर विजयी भएको मुख्य निर्वाचन अधिकृत कार्यालयले जनाएको छ ।
कांग्रेसको ऐतिहासिक क्षेत्र मानिने बाँकेको प्रतिनिधिसभा क्षेत्र २ मा संघीय समाजवादी फोरम नेपालका इस्तियाक राई विजयी भएका छन् । उनले वाम गठबन्धन र लोकतानित्रक गठबन्धनका उम्मेदवारहरुलाई भारी मतले पराजित गरेका हुन् ।
जिल्लाको निर्वाचन क्षेत्र नम्बर २ को प्रदेशसभा (क)मा सात हजार एक सय ६६ मतान्तरमा वाम गठबन्धनका युवराज दुलाल विजयी भएका छन् । १३ हजार पाँच सय २१ मत ल्याएका लोकतान्त्रिकका उम्मेद्वार विकास तामाङलाई शरदले २० हजार ६ सय ८७ ल्याएर हराएका हुन् ।
प्रदेशसभा ख बाट वाम गठवन्धनका उम्मेदवार माओवादी केन्द्रका कृष्णध्वज खड्का विजयी भएका छन् । नेपाली कांग्रेस प्यूठानका सभापति अम्मरप्रसाद भण्डारीलाई फराकिलो मत अन्तरले पराजित गर्दै उनी विजयी भएका हुन् ।
निर्वाचन क्षेत्र नं. ३ को प्रतिनिधिसभा सदस्यमा कांग्रेसका अभिषेकप्रताप शाह विजयी भएका छन् । उनले २० हजार १ मत प्राप्त गरि विजयी भए । उनका निकटतम प्रतिद्वन्द्वी संघीय समाजवादी फोरमका मंगलप्रसाद गुप्ताले १५ हजार ८ सय २६ मत प्राप्त गरेका थिए ।
प्रदेशसभा सदस्यमा पाँचथर क्षेत्र नं १ बाट वाम गठबन्धनको तर्फबाट नेकपा एमालेका उम्मेदवार गणेशकुमार काम्वाङ विजय भएका छन् । उनी लोकतान्त्रिक गठबन्धनको तर्फबाट उम्मेदवार नेपाली कांग्रेसका सभापति नरेन्द्रकुमार केरुङसित ४ हजार ९ सय ६२ मतको फराकिलो अन्तरले जितेका हुन् ।
सुनसरी क्षेत्र नम्बर १ को ‘क’ बाट बामगठबन्धनका एमाले उम्मेदवार प्रदीप भण्डारी विजयी भएका छन् । ३७ बर्षसम्म शिक्षण पेशामा रहेर हालै अवकास लिएका भण्डारी एमालेका पुराना बौद्धिक नेता मानिन्छन् । उनले १९ हजार २ सय ४३ मत प्राप्त गरेका छन् ।
८ प्रदेशमध्ये ३ वटा प्रदेशको अन्तिम मत परिणाम सार्वजनिक भएको छ । मत परिणामअनुसार प्रदेशसभातर्फ वाम गठबन्धन २ वटा स्थानमा र संघीय समाजवादी फोरम १ स्थानमा विजयी भएका छन् । निर्वाचन क्षेत्र नम्बर ३ को (क)मा वाम गठबन्धनबाट माओवादी केन्द्रकी पोलिटव्युरो सदस्य ज्वालाकुमारी साह कांग्रेसका रामानन्द यादवलाई फराकिलो मतान्तरले हराउँदै विजयी भएकी छिन् ।
दाङ क्षेत्र नं. १ क बाट प्रदेशसभा सदस्यमा माओवादी केन्द्रका इन्द्रजीत थारु ५ हजार ८ सय ९३ मतान्तरले विजयी भएका छन् । उनले १७ हजार २ सय ८५ मत प्राप्त गरेका छन् भने उनका प्रतिद्वन्द्वी कांग्रेसका प्रदीप थापाले ११ हजार ३ सय ९२ मत प्राप्त गरेका छन् ।
प्रतिनिधिसभा क्षेत्र नम्बर २ बाट सोमप्रसाद पाण्डे विजयी भएका छन् । वाम गठबन्धनमा नेकपा एमालेबाट उम्मेदवार बनेका पाण्डेले ३४ हजार ८९९ मत ल्याएर विजयी भएका छन् । उनले कांग्रेस उम्मेदवार हरिप्रसाद नेपाललाई १० हजार ३ सय ४५ मतान्तरसहित विजयी भएका हुन् । कांग्रेस उम्मेदवार नेपालले २४ हजार ५ सय ५४ मत प्राप्त गरेका छन् ।
निर्वाचन आयोगले सुरु गरेको समानुपातिकको मतगणनामा एमालेले अग्रता लिएको छ । एमालेले कांग्रेसले भन्दा करिव ४ हजार मत बढी ल्याएको हो । माओवादी केन्द्र तेस्रो स्थानमा छ ।
नुवाकोट प्रतिनिधिसभा १ मा वाम गठबन्धनका उम्मेदवार माओवादी केन्द्रका नेता हितबहादुर तामाङ विजयी भएका छन् । उनी नेपाली कांग्रेसका नेता एवं पूर्वअर्थमन्त्री रामशरण महतलाई पराजित गर्दै निर्वाचित भएका हुन् ।
दाङ क्षेत्र नं. ३ बाट प्रतिनिधिसभा सदस्यमा एमालेका हिराचन्द्र केसी ६ हजार ५ सय ५७ मतान्तरले विजयी भएका छन् । उनले ४० हजार २ सय ८७ मत प्राप्त गरेका छन् भने उनका प्रतिद्वन्द्वी कांग्रेस केन्द्रीय सदस्य तथा पूर्वसिँचाइ मन्त्री दिपक गिरीले ३३ हजार ७ सय ३० मत प्राप्त गरेका छन् ।
दाङ क्षेत्र नं. ३ बाट प्रतिनिधिसभा सदस्यमा एमालेका हिराचन्द्र केसी ६ हजार ५ सय ५७ मतान्तरले विजयी भएका छन् । उनले ४० हजार २ सय ८७ मत प्राप्त गरेका छन् भने उनका प्रतिद्वन्द्वी कांग्रेस केन्द्रीय सदस्य तथा पूर्वसिँचाईमन्त्री दिपक गिरीले ३३ हजार ७ सय ३० मत प्राप्त गरेका छन् ।
प्रदेश सभा सदस्यमा पाँचथर क्षेत्र नं 'ख' बाट वामगठबन्धनको तर्फबाट नेकपा माओवादी केन्द्रका उम्मेदवार ईन्द्रबहादुर आङबो लिम्वू निर्बाचित भएका छन् । उनी लोकतान्त्रिक गठबन्धनको तर्फबाट उम्मेदवार नेपाली कांग्रेसका सुरेन्द्रकुमार दाहालसित ४ हजार ७ सय ९१ मतको फराकिलो अन्तरले विजयहासिल गरेका हुन् ।
निर्वाचन क्षेत्र नं. ३ (ख) प्रदेशसभा सदस्यमा कांग्रेसका वीरेन्द्रकुमार कनोडिया निर्वाचित भएका छन् । उनले माओवादी केन्द्रका जावेदआलम खालाई पराजित गरेका छन् । कनोडियाले ६ हजार ६ सय ७९ मत प्राप्त गरेका थिए । उनको प्रतिद्वन्द्वी खाले ६ हजार ३ सय ७ मत प्राप्त गरेका थिए ।