फोरम महासचिव रामसहाय यादव भारी मतले विजयी
बारा — संघीय समाजवादी फोरम नेपालका महासचिव रामसहाय यादव प्रतिनिधि सभा सदस्यका लागि भारी मतले विजयी भएका छन् ।
निर्वाचन क्षेत्र नम्बर २ बाट उनी नेपाली कांग्रेसका केन्द्रीय सदस्य राधेचन्द यादवलाई १२ हजार ३ सय ९५ मतको फरकले पराजित गर्दै विजयी भएका हुन् । उनले २८ हजार १ सय ८५ मत ल्याए । राधेचन्दले १५ हजार ७ सय ९० मत ल्याए ।
पहिलो संविधान सभाका सामानुपातिक सभासद बनिसकेका रामसहाय फोरम अद्र्धभुमिगत अवस्थामा रहँदादेखि नै पार्टी महासचिव हुन् । उनी जिल्लामा इमान्दार नेताको छबि बनाएका हुन् । उनका निकटम राधेचन्द दुई कार्यकाल जिल्ला पार्टी सभापति र दुई पटक निर्वाचित सांसद भइसकेका नेता हुन् ।
प्रकाशित : मंसिर २४, २०७४ १२:४६