जनमोर्चाले खाता खोल्यो, दुर्गा पौडेल निर्वाचित

पुनर्निर्माण प्राधिकरण छाडेर उम्मेदवार बनेका पोखरेल ठूलो मतान्तरले पराजित
गिरुप्रसाद भण्डारी

प्यूठान — उनले लोकतान्त्रिक गठबन्धनका उम्मेदवार डा. गोविन्दराज पोख्रेललाई फराकिलो मतअन्तरले हराउँदै जित हात पारिन् । पौडेलले ४७ हजार पाँच सय १४ मत पाएकी छन् ।

प्रतिनिधि सभामा राजमोले प्यूठानबाट खाता खोलेको छ । वाम गठबन्धनकी उम्मेदवार राजमोकी दुर्गा पौडेल प्रतिनिधि सभा सदस्यमा निर्वाचित भएकी छन् । प्रतिद्वन्द्वी पोख्रेलले ३१ हजार दुई सय ८६ मत ल्याए । मतअन्तर १६ हजार दुई सय २८ छ ।

जिल्लाका मुख्य ठूला दल एमाले र माओवादी केन्द्रकी साझा उम्मदेवार पौडेल जिल्लाबाट पहिलो पटक निर्वाचित महिला सांसद भएकी छन् । उनी नेकपा मसालका महामन्त्री मोहनविक्रम सिंहकी पत्नी हुन् । 

प्रतिद्वन्द्वी पोख्रेल राष्ट्रिय पुर्ननिर्माण प्राधिकरणका ‘सिईओ’ पदबाट राजीनामा दिएर निर्वाचनमा होमिएका थिए । पोख्रेलले स्थानीय निर्वाचनमा कांग्रेसले  पाएको मतभन्दा झण्डै १५ हजार मत बढी थपे पनि विजयी हुन सकेनन् । 

प्रकाशित : मंसिर २५, २०७४ ०७:०८
प्रतिक्रिया
पठाउनुहोस्
ADVERTISEMENT
ADVERTISEMENT

विजयी जुलुसमा झडप

कान्तिपुर संवाददाता

रौतहट — विजय जुलुसमा आइतबार मधेसी गठबन्धन र कांग्रेस कार्यकर्ताबीच झडप भएको छ । स्थिति नियन्त्रणमा लिन प्रहरीले हवाई फायर र अश्रुग्यास प्रहार गर्‍यो ।


निर्वाचन क्षेत्र २ को प्रदेश सभा ‘ख’ का संघीय समाजवादी फोरमका उम्मेदवार रामकिशोरप्रसाद यादवको विजय जुलुसमा कांग्रेस कार्यकर्ताले राजपुर नगरपालिका–५ मा ढुंगामुढा गरेपछि झडप भएको प्रहरीले जनाएको छ । झडपलाई नियन्त्रणमा लिन प्रहरीले ३ राउन्ड हवाई फायर र ८ राउन्डभन्दा बढी आश्रुग्यास प्रहार गरेको जिल्ला प्रहरी प्रमुख एसपी यज्ञविनोद पोखरेलले बताए । स्थानीयका अनुसार झडपमा दुवै पक्षका आधा दर्जनभन्दा बढी घाइतेभएका छन् ।
यस्तै जितको खुसीमा पटका पड्काउने क्रममा इशनाथ नगरपालिका–८ मनसरीस्थित एक घरमा आगलागी भएपछि घरधनी र कांग्रेस कार्यकर्ताबीच झडप भएको छ । समयमै आगलागी नियन्त्रणमा लिइनाले ठूलो क्षति नभएको प्रहरीले जनायो । प्रहरी टोलीले दुवै पक्षलाई तितरवितर पारेर अवस्था साम्य पारेको थियो ।

प्रकाशित : मंसिर २५, २०७४ ०७:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT