प्रतिनिधि र प्रदेशसभा चुनाव मतपरिणाम : ३ सय ८८ क्षेत्रको सार्वजनिक

कान्तिपुर संवाददाता

काठमाडौं — प्रतिनिधिसभाको प्रत्यक्षतर्फका १ सय ६५ निर्वाचन क्षेत्रमध्ये सोमबार बिहान ११ बजेसम्म १ सय ४२ निर्वाचन क्षेत्रको अन्तिम मत परिणाम सार्वजनिक भएको छ । अब २३ क्षेत्रको नतिजा बाँकी छ ।

परिणाम आएकामध्ये वाम गठबन्धनले १ सय ४ स्थानमा विजय हासिल गरेको छ । गठबन्धनको प्रमुख घटक नेकपा एमालेले ७३ र माओवादी केन्द्रले ३१ स्थानमा जित हासिल गरेका छन् । नेपाली कांग्रेसले १८ तथा राष्ट्रिय जनता पार्टी, संघीय समाजवादी फोरम र नयाँ शक्ति पार्टी, राष्ट्रिय प्रजातन्त्र पार्टीलगायतले २० स्थानमा जितेका छन् । एमालेले ९, माओवादीले ३, नेपाली कांग्रेसले ४ र अन्यले ७ स्थानमा अग्रता लिइरहेका छन् ।

७ वटै प्रदेशको कुल ३ सय ३० निर्वाचन क्षेत्रमध्ये सोमबार बिहानसम्म २ सय ८४ स्थानको परिणाम आइसकेको छ । त्यसमध्ये एमालेले १४६, माओवादीले ६३ र कांग्रेसले ३७ सिटमा जित हात पारेको छ । राजपा, फोरम र अन्यले ३८ स्थान जितेका छन् । एमालेले १७, माओवादीले १०, कांग्रेसले ६ र अन्यले ८ स्थानमा अग्रता लिइरहेका छन् । प्रदेशसभातर्फ ४६ स्थानको बाँकी छ ।

विस्तृत परिणामका लागि । तल दिइएको लिंक क्लिक गर्नुहोस् ।

https://election.ekantipur.com/

प्रकाशित : मंसिर २५, २०७४ ११:२९
ADVERTISEMENT
प्रतिक्रिया
पठाउनुहोस्

मतसंकेत मधुरो भएपछि संखुवासभा मतगणना स्थगित

दीपेन्द्र शाक्य

संखुवासभा — स्वस्तिक चिन्हको विषयलाई लिएर संखुवासभामा मत गणना स्थगित भएको छ । सोमबार बिहान ५ बजेबाट मतगणना स्थगित भएको हो ।

मतपत्रमा लगाइएको मतसंकेत मधुरो भएपछि बदर मतको संख्या बढ्दै गएपछि दलहरुबीच विवाद सुरु भएको हो । मतगणनाका क्रममा सदरमत बदर र बदरमत सदर गर्दे गएपछि पछिल्लो पटक बिवाद आएको हो । आइतबार राति पनि स्वस्तिक चिन्हको बिषयलाई लिएर ४ घण्टा मतगणना रोकिएको थियो । कांग्रेसले हालसम्मको बदरमत पुन: गणनाको माग गर्दे निर्वाचन आयोगमा उजुरी गरेको छ ।

कांग्रेसका प्रतिनिधिसभा उमेदवार दीपक खड्काले बदरमतलाई पुन मतगणनाको माग गरेका छन् । एमालेका उम्मेदवार राजेन्द्र गौतमले रोकिएको मतगणना सुचारु गर्न माग गरेका छन् । प्रदेशसभा क को पनि मत गणना रोकिएको छ । कांग्रेसका एजेन्टलाई नबोलाई मतपेटिका खोलेपछि विवाद चुलिएको हो । मतगणकले एजेन्ट नखोजी मतपेटिकाको सिल तोडेको कांग्रेसले आरोप लगाएको छ । सर्वदलिय बैठकले गरेको निर्णयलाई नमानी मुख्य निर्वाचन अधिकृतले आफूखुसी मत बदर गरेको कांग्रेसको आरोप छ ।

प्रतिनिधिसभामा एमालेका राजेन्द्र गौतमले २८ हजार ८ सय ४४ मत ल्याएका छन् भने कांग्रेसका दीपक खड्काले २७ हजार ६ सय ३७ मत ल्याएका छन् । यसमा २ हजार ७ सय मत बदर भएको छ । प्रदेशसभा 'क' मा माओबादीका पूर्णप्रसाद राईले १४ हजार ८ सय ४३ र कांग्रेसका टंकप्रसाद राईको १३ हजार १ सय २८ मत छ । प्रदेश 'ख' मा एमालेका तुलसी न्यौपानेको १२ हजार ८ सय १२ र कांग्रेसका दीपककुमार लिम्बूको १२ हजार ३ सय ८७ मत रहेको छ ।

प्रकाशित : मंसिर २५, २०७४ १०:४०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT