चुनाव सकियो, प्रचार सामग्री हटेन

कान्तिपुर संवाददाता

अछाम — अन्तिम मतपरिणाम सार्वजनिक भएको २ साता बित्दासमेत जिल्लाका राजनीतिक दलहरूले प्रचार सामग्री हटाएका छैनन् ।

प्रतिनिधि र प्रदेशसभा चुनावका क्रममा दलहरूले बजार क्षेत्र पूरै रंगीचंगी हुने गरी टाँगेका प्रचार सामग्री नहटाउँदा फोहोर बढेको छ । सार्वजनिक स्थल, पसल, घरमा टाँसिएका पर्चा–पम्प्लेट अझै छरपस्ट अवस्थामै छन् ।

Yamaha


मंगलसेन, साँफबेगर, बयलपाटा, जयगढ, विनायक, कमलबजार, तुर्माखाँद, चौखुट्टेलगायत बजार क्षेत्रमा लगाइएका प्रचार सामग्री दलहरूले हटाएका छैनन् । निर्वाचन आयोगले जुन पार्टी वा उम्मेदवारले प्रचार सामग्री टाँसेको हो सोही दल वा उम्मेदवारले हटाउनुपर्ने व्यवस्था गरे पनि कसैले यसको सुनुवाइ नगरेको मुख्य निर्वाचन अधिकृत धर्मराज पौडेल बताए । उनले प्रचार सामग्री नहटाएको पाइए आचारसंहिता उल्लंघनमा कारबाही गर्ने व्यवस्था आयोगमा सुरक्षित रहेको पनि बताए ।

प्रकाशित : पुस ११, २०७४ १९:०३
ADVERTISEMENT
प्रतिक्रिया
पठाउनुहोस्
ADVERTISEMENT

हात्तीको ताँती [फोटोहरु]

चितवनमा हात्ती महोत्सव सुरु
विमल खतिवडा

चितवन — पर्यटकीय नगरी सौराहामा मंगलबारबाट १४ औं चितवन हात्ती महोत्सव सुरु भएको छ । महोत्वस सुरु हुनुअघि विभिन्न समुदायको झाँकीले सडक ढाकिएको थियो । विभिन्न समुदाय आआफ्नो भेषभुषामा सजिएर महोत्सवमा उपस्थित भएका थिए । बाघमारा मध्यवर्ती सामुदायिक वनको चौरमा आयोजित महोत्सवमा हात्तीको ताँती लागेको छ । अधिकांश हात्तीलाई सिंगारेर उपस्थित गराइएको छ । १५ गते सम्म चल्ने महोत्सवमा सबैभन्दा बढी रुचाइएको हात्तीहरुबीचको पिकनिक कार्यक्रम हो । त्यस्तै छावाहरुबीचको फुटबल, हात्ती पोलोले थप आकर्षण थप्ने छ । हात्तीबीचको सौन्दर्यता प्रतियोगिता पनि दर्शकलाई नयाँ लाग्छ । यो वर्ष गाडा, टांगा र डुंगा प्रतियोगिता नभएपनि हात्ती बाथिङ प्रतियोगिताले दर्शकको मन जित्ने छ । नदीभित्र बसेर हात्तीले सुडबाट पानी छ्यापेर नुहाइरहेको दृश्यले सबैको ध्यान खिच्ने छ । महोत्सवको प्रधानमन्त्री शेरबहादुर देउवाले उद्घाटन गरे । पहिलो दिन मंगलबार हात्ती फाष्ट वाक प्रतियोगिता भयो । छाबाबीच फुटबल र हात्तीपोलो ‘शो खेल’को रुपमा आयोजना गरिएको थियो । बुधबारबाट सबै प्रतियोगिता हुने छ ।


प्रकाशित : पुस ११, २०७४ १८:३९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT