यस वर्षको फागु सुरु

रासस

काठमाडौ — वसन्तपुरमा विधिपूर्वक आज चिर ठड्याइएसँगै यस वर्षको फागु पर्व सुरु भएको छ ।भक्तपुरको बाँसघारीबाट ल्याइएको बाँस तथा गुहेश्वरीबाट ल्याइएको मयल रुखको हाँगालाई आइतबार बिहान विशेष पूजा गरी ठड्याइएको हो ।

वसन्तपुरमा विधिपूर्वक आज चिर ठड्याइएसँगै यस वर्षको फागु पर्व सुरु भएको छ ।
भक्तपुरको बाँसघारीबाट ल्याइएको बाँस तथा गुहेश्वरीबाट ल्याइएको मयल रुखको हाँगालाई आइतबार बिहान विशेष पूजा गरी ठड्याइएको हो ।
सो अवसरमा स्थानीयवासी तथा नेपाली सेनाको सहभागितामा गुर्जुको पल्टनले सलामीसमेत दिएको थियो ।
असत्यमाथि सत्यको विजय हुने मान्यताका साथ प्रतीकात्मक रूपमा चिर उठाउने र एकसातापछि फागु पूर्णिमाका दिन सो चिर ढलाएर टुँडिखेलमा पुर्‍याई दहन गर्ने परम्परा रहेको स्थानीयवासी राजन महर्जनले बताए ।
हिरण्यकश्यपुका पुत्र प्रह्लादलाई हत्या गर्ने उद्देश्यले होलिका आगोमा जाँदा होलिकाको दहन भई प्रह्लाद बाँचेको पौराणिक कथा सन्दर्भलाई लिएर होली मनाइने गरिन्छ । काठमाडौँ लगायतका पहाडी भेगमा फागु पूर्णिमाका दिन होली खेलिन्छ भने तराई क्षेत्रमा पूर्णिमाको भोलिपल्ट यो पर्व मनाइन्छ ।

प्रकाशित : फाल्गुन २५, २०७० २०:१४
प्रतिक्रिया
पठाउनुहोस्

सिरहामा भएको पत्रकार आक्रमणको विरोध

काठमाडौं — नेपाल पत्रकार महासंघ सिरहा शाखाको अधिवेशनका बेला भएको प्रहरी हस्तक्षेपको प्रेस चौतारी नेपालले भर्त्सना गरेको छ ।


गैरपत्रकारलाई सदस्य दिएकोविरुद्धमा आवाज उठाउने जिल्लाका क्रियाशिल पत्रकारहरु रामभरोषी महतो, दिनेश देव, दिलिप सिंह, सुरेन्द्र कामती, शम्भू यादव तथा मिथिलेश यादवमाथि आक्रमण भएको प्रेस चौतारीले विज्ञप्तीमार्फत जनाएको छ ।
'नीति तथा नियमकाविरुद्ध लाग्नेहरुलाई सही मार्गमा ल्याउन प्रयत्न गर्ने पत्रकारहरुलाई नै आक्रमण गर्नु प्रहरी प्रशासनको नालायकी काम हो,' महासचिव माधव नेपालद्वारा जारी विज्ञप्तीमा भनिएको छ, 'विकृति र विसंगतिका विरुद्ध आवाज उठाउने ती पत्रकारहरु घाइते छन् । उनीहरुको उपचारको ब्यवस्था गर्नसमेत प्रेस चौतारी नेपाल माग गर्दछ ।'

प्रकाशित : फाल्गुन २५, २०७० १९:५३
पूरा पढ्नुहोस्
प्रतिक्रिया
पठाउनुहोस्