कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

'बूढी पोल्ने' पर्व मनाइयो

बैतडी — असोज संक्रान्तिका दिन बैतडीलगायत सुदूरपश्चिममा 'बूढी पोल्ने' पर्व मनाइयो । राक्षसी पुतनालाई भगवान् श्रीकृष्णले मारेको उत्सवका रूपमा असोज १ मा यो पर्व मनाइँदै आएको छ ।


यस पर्वमा गाईबस्तुको हेरचाह गर्ने गोठालाले भाद्र संक्रान्ति दिन साना रूख काटेर दोबाटोमा गाड्ने र एक महिनापछि असोज संक्रान्तिमा त्यसलाई काँडादार घाँसबाट पुतनाको आकृति बनाई जलाउने चलन छ । पुतला दहनका लागि काँस, अमि्रसोलगायत पाँच जातका घाँसले बेरेको राँको बनाएर बूढी पोल्ने ठाउँमा लाने चलन छ । पुतलाको खरानीको तिलक गाईबस्तुलाई लगाइदिने गरिन्छ ।
'बूढी' पोल्दा शरीरमा आउने लुतो फाल्ने भन्दै गोठलाहरू काँक्रोलगायत फल चपाउँदै थुक्ने गर्छन् । पुतला दहन गरे घरपालुवा पशुलाई कुनै रोग नलाग्ने धार्मिक विश्वास छ । यो पर्व सुदूरपश्चिमका बैतडी, दार्चुला, डडेल्धुरा र बझाङ तथा भारतको उत्तराखण्डमा मनाइन्छ । राति देउडा खेलेर रमाइलो गर्ने र गाउँमा उत्पादित फलफूल बाँडेर खाने चलन छ ।

प्रकाशित : आश्विन ३, २०७१ ०८:४६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?