'गढीमाईमा बलि नदिइने निर्णय छैन्'

लक्ष्मी साह

बारा — हरेक पाँच बर्षमा बरियारपुरमा लाग्दै आएको मेलामा 'बलि नदिइने' निर्णय नभएको गढीमाई मेला व्यवस्थापन समितिका पदाधिकारीहरुले बताएका छन् । गढीमाईमा 'बलि नदिइने' विषयको समाचार केही अन्तर्राष्ट्रिय समाचार माध्यमबाट सार्वजनिक भएपछि समितिका पदाधिकारीहरुले त्यसलाई खण्डन गरेका छन् ।


पशु कल्याण सञ्जाल नेपाल (एडब्लुएनएन) को समन्वय र आग्रहमा भारतको राजधानी दिल्लीमा आयोजित एक कार्यक्रममा भाग लिन गत शनिवार समितिका सचिव मोतिलाल कुसवाहा र गढीमाईको मुल पुजारी मंगल चौधरी पुगेपछि 'बलि नदिइने' सार्वजनिक भएपछि उनीहरुले यस्तो स्पष्ट पारेका हुन् ।
'सुरुदेखि नै बलि दिने विषयमा घोषणा गरेका छौं, न त रोक्ने घोषणा गरेका छौं,' मेला व्यवस्थापन समिति (गढीमाई ट्रष्ट) का अध्यक्ष रामचन्द्र साहले बुधवार कान्तिपुरसित भने, 'बलि नदिइने संस्थागत निर्णय पनि छैन् । र कसैले गढीमाईको आस्थाप्रति जबर्जस्ती पनि गर्नु हुन्न् । बलि दिन आएपछि बलिको हामीले व्यवस्थापन मात्र गरेका छौं ।' बलि दिने/नदिने आस्था राख्नेप्रति भर पर्ने उनको भनाइ छ ।
उनी भन्छन् 'जहाँसम्म मेला लाग्ने बर्षको माघे संक्रान्ति र फागु पुणिर्मामा बलि दिइने चलन छ, त्यो हामीले गढीमाई मन्दिर परिसर भित्र नदिइ पुजारीको घरमा बलि दिन गत माघमा निर्णय गरेका छौं । बलि रोकेका छैनौं ।' हरेक पाँच बर्षको मंसिरमा लाग्ने मेलामा भने बलि गढीमाई मन्दिर क्षेत्रमै दिइदै आइएको छ । 'दिल्लीको कार्यक्रममा आफु सहभागी हुन नसक्ने भएपछि निमन्त्रणालाई सम्मान गरी पत्र पठाएका हौं,' उनले भने, 'आयोजक संस्थासित भावनात्मक सम्बन्ध रहिरहोस् भन्ने उदेश्यले आफुले पत्र लखेकोले यसलाई आफ्नो अनुकुलमा नअथ्र्ययाउन आग्रह गर्दछौं ।'
समितिका अध्यक्ष साह दिल्ली कार्यक्रममा जान नसक्दा उनले आयोजक संस्थालाई जानकारी दिन पत्रमा 'एडब्लुएनएनसित हाम्रो पुर्वत मित्रवत् सम्बन्ध रहने छ' लेखेका छन् । यो संस्था २०७१ को मेलामा बलि रोक्न प्रयास गर्दै आएको थियो । 'त्यति बेला बलि रोक्न भारतीय फोनबाट धम्कीसमेत आएको थियो,' अध्यक्ष साहले भने, 'फोन धम्की आउनु, आफु अनुकुल पत्र लेख्न लगाएर सार्वजनिक गर्नु र देश बाहिरको कार्यक्रममा बाहिर लान निमन्त्रणासँगै प्रतिनिधि लिएर जानु रहस्यमय लागेको छ ।' दिल्लीमा पुगेका समितिका सचिव कुसवाहा र मुल पूजारी चौधरी फर्केका छैनन् ।

प्रकाशित : श्रावण १३, २०७२ १७:४५
प्रतिक्रिया
पठाउनुहोस्
ADVERTISEMENT
ADVERTISEMENT

हतियारसहित पक्राउ

रवीन्द्र उप्रेती

महोत्तरी — भारतबाट हतियारसहित नेपाल प्रवेश गरेका एक युवालाई प्रहरीको विशेष टोलीले पक्राउ गरेको छ । पक्राउ पर्नेमा डाम्हीमडै २ का २५ वर्षीय छोटु भन्ने रामअनेक झा छन् ।


प्रहरी उपरीक्षक शौरभ राणाका अनुसार जलेश्वरबाट पश्चिमतर्फ जाने बखडी सडकमा बुधवार अपरान्ह स्थानीय प्रहरी र हेटौडास्थित मध्य क्षेत्रीय प्रहरी कार्यालयबाट आएको विशेष टोलीले झालाई पक्राउ गरेको हो । साइकलबाट जाँदै गरेका उनलाई चेक जाँच गर्दा पेस्तोल फेला परेपछि नियन्त्रणमा लिइएको हो ।
झाको साथबाट 'अटो पिस्टन' लेखिएको 'नाइन एमएम' को पेस्ताोल थान १ , त्यस्मा लाग्ने गोली २ र म्याग्जिन १ थान बरामद भएकेा छ । प्रहरीले उनका साथबाट सय-सय ग्रामका २ पोका गाँजासमेत बरामद गरेको जनाएकेा छ ।
पक्राउ परेका झाले हथियार भारतको कुन स्थानबाट के प्रयोजनको लागि ल्याएकेा खुल्न सकेको छैन । यस सम्वन्धमा आवश्यक अनुसन्धान भईरहेकेा जिल्ला प्रहरी अपराध अनुसन्धान शाखाले जनाएकेा छ ।

प्रकाशित : श्रावण १३, २०७२ १७:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT