कतारमा अनेसास–नवोदितको ७६ औं डवली
काठमाडौं — अन्तराष्ट्रिय नेपाली साहित्यिक समाज र नवोदित साहित्यिक वाचनालय कतारको ७६ औं डवली दोहामा सम्पन्न भयो ।
मैथिली साहित्यका धरोहर महाकवि बिध्यापतिको ५६९ औं स्मृति परेकोले डवली विशेष रहेको थियो । डवलीमा झन्डै दुई दर्जन सर्जकले आआफ्ना रचना प्रस्तुत गरेका थिए ।
डवलीका विशिष्ट श्रोता सतिशकुमार यादबले प्रवासमा रहेर नेपाली साहित्यप्रति आर्कषित हुनु सुखद भएको वताए । सर्जकले आफ्ना रचना मार्फत देशप्रेम, घरदेशको चुनावी माहोल र प्रवासको पीडा प्रस्तुत गरे ।
प्रकाशित : पुस २, २०७४ १८:१२