कमल थापालाई अध्यक्ष बनाउने सहमति तोडियो, लोहनीले गरे उम्मेदवारी घोषणा
काठमाडौं — कमल थापालाई सर्वसम्मत अध्यक्ष बनाउने सहमति तोड्दै राप्रपाका राष्ट्रिय अध्यक्ष प्रकाशचन्द्र लोहनीले उम्मेदवारी घोषणा गरेका छन् ।
राप्रपाको एकता महाधिवेशन शुक्रबारदेखि काठमाडौंमा सुरु हुँदैछ ।
कमल थापालाई सर्वसम्मत अध्यक्ष बनाउने सहमति तोड्दै राप्रपाका राष्ट्रिय अध्यक्ष प्रकाशचन्द्र लोहनीले उम्मेदवारी घोषणा गरेका छन् ।
राप्रपाको एकता महाधिवेशन शुक्रबारदेखि काठमाडौंमा सुरु हुँदैछ । एकतन्त्रिय पद्धतिबाट पार्टीलाई कब्जा गर्न खोजिएको भन्दै लोहनीले उम्मेदवारी घोषणा गरेका हुन् ।
पार्टीको चुनावी चिन्ह र शक्ति सन्तुलनप्रति लोहनीको असन्तुष्टि छ । बुधबार साँझ लोकेन्द्रबहादुर चन्दको निवासमा भएको सहमति अनुसार पार्टी चल्ने नदेखेपछि आफूले उम्मेदवारी दिएको उनले बताए । उपाध्यक्ष र महामन्त्री कम्तिमा दुईजना निर्वाचित हुनुपर्ने लोहनीको भनाइ छ ।
‘पहिले चुनावी चिन्ह हलो हुनेछ भनेर सहमति गरियो, आज आएर एकलौटी रुपमा चिन्ह र शक्ति सन्तुलनको विषयलाई वेवास्ता गर्दै अघि जान खोजिएको छ, यसमा मेरो गम्भिर असन्तुष्टि छ,’ महाधिवेशन घोषणा हुने केही घण्टाअघि रिपोर्टर्स क्लवमा शुक्रबार भएको पत्रकार सम्मेलनमा उनले भने, ‘पहिलेको सहमति नमान्ने र पछिल्लो सहमति मात्रै मान्नुपर्छ भन्ने हुन्छ? यस्तो एकतन्त्रिय पार्टीको निर्माण राप्रपाका लाखौँ कार्यकर्ताले चाहेका छैनन् ।’
प्रकाशित : फाल्गुन ६, २०७३ ११:१९