भारतीय भूपू सैनिकलाई तीस करोड पेन्सन बाँडियो

गोरखा, लमजुङ, तनहुँ र धादिङमा रहेका भूपू सैनिकलाई निवृत्तिभरणबापत रु ३० करोड वितरण गरिएको गोरखा भारतीय भूपू सैनिक सङ्घ गोरखाका अध्यक्ष तेजबहादुर गुरुङले जानकारी दिए । गत फागुन २९ गतेदेखि आजसम्म निवृत्तिभरणको रकम वितरण गरिएको हो ।

गोरखामा मात्रै ११ हजारभन्दा बढी भारतीय भूपू सैनिक छन् । तीमध्ये सात हजारले काठमाडौँस्थित गोरखा भारतीय क्याम्पबाट पेन्सन लिने गर्छन् । गोरखामा मासिक १५ हजार रुपैयाँदेखि ७३ हजार रुपैयाँसम्म पेन्सन बुझ्ने भूपू सैनिक रहेका छन् । रासस