नयाँ वर्षमा मात्रै फूल्ने भनिएको सुनाखरी ५ दिन अघि नै फूल्यो

फूलबारी मेला : जहाँ विवाह गरे दाम्पत्य जीवन सफल हुने विश्वास छ
भरत जर्घामगर

सिरहा — चौधौं शताब्दीका प्रतापी राजा सलहेसको सम्झनामा सिरहाको लहान नगरपालिका २२ स्थित ऐतिहासिक स्थल फूलबारीमा शुक्रबार भव्य मेला लागेको छ । नववर्षको दिन लाग्दै आएको मेला भर्न सिरहा, सप्तरी, उदयपुर, धनुषा र भारतका विभिन्न स्थानबाट हजारौं भक्तजन आउने क्रम बढेको मेला व्यवस्थापन समितिले जनाएको छ ।

वि.स. १३२५ मा प्रतापी राजा सलहेश र उनकी प्रेमी मालिनीबीचको प्रेम विवाहको लागि प्रसिद्ध सलहेश फूलबारीमा प्रेमविवाह गर्दा दाम्पत्य जीवन सफल हुने जनविश्वास रहिआएको छ। चुरे क्षेत्रमा हराउँदै गएका वनस्पति समेत यो क्षेत्रमा छन्।

मन्दिरमा हात्तिमा चढेको सलहेस र दिना मालिनीको मूर्ती छ। प्रत्येक वर्ष वैशाख १ गते फुलवारीमा लाग्ने मेला भर्न आउने धर्मालम्बीहरु फूल फूल्ने रुखलाई समेत पूजा गर्छन्।

Yamaha

सेतो सुनाखरीको फूल वैशाख १ गतेमात्र फुल्ने र त्यही फूलको माला बनाई मालिनीले सलहेसलाई लगाइदिएको किम्बदन्ती छ।

यहाँका लोकनाचहरुमा राजा सलहेशको वर्णन र गीत अनि लोकगाथामा उनका पराक्रमको वर्णन गरिएको पाइन्छ। मिथिला संस्कृतिका लोकगाथाका नायकहरुमा सलहेसको नाम अग्रणी छ। मिथिला समाजमा सलहेसको गाथा गीत तथा नृत्यहरु प्रशस्त छन्। व्यापारीक केन्द्र लहान बजारदेखि चार किलोमिटर पश्चिम पूर्व–पश्चिम राजमार्गअन्तर्गत भोटिया टोल चौंकदेखि दक्षिणमा अवस्थित ऐतिहासिक तथा धार्मिक फूलबारीमा सिरहा, सप्तरी, धनुषा, महोत्तरी, सर्लाही र उदयपुरसँगै भारतका विभिन्न स्थानबाट फुलवारीको अवलोकन गर्न आगन्तुकहरु आइरहन्छन।

नयाँ वर्षको वैशाख १ गतेमात्र माला आकारको फूल फुल्ने जनविश्वास रहँदै आएको लहान नगरपालिका–२२ स्थित ऐतिहासिक, धार्मिक स्थल फूलबारीमा यसवर्ष पाँच दिनअघि नै फक्रिएको छ। फूलबारीमा प्रत्येक नयाँ वर्षका दिनमात्र उक्त फूल फुल्ने धार्मिक विश्वास थियो।

फूलबारीको मध्यभागमा रहेको मन्दिर नजिकको दुई हारमको बोटमा पाँचदिन अघि सुनाखरी फुलेको थियो। मन्दिरका पुजारी नागेश्वर धामीका अनुसार अरु वर्ष नव वर्षको एकदिन अघिसम्म कोपिला मात्रै देखिन्थ्यो र नववर्षको दिन माला आकारमा ढकमक्क फक्रिन्थ्यो।

विज्ञका अनुसार नेपालमा आठ थरी सुनाखरी पाइन्छ। वनस्पति विभागले हालै गरेको अनुसन्धानका अनुसार, मालिनीको मालाको रुपमा फुल्ने उक्त फूल चाँदीगाभा सुनाखरी प्रजाती हो। जुन १ हजार ५ सय मिटरसम्मको उचाईमा पाइन्छ। यसको काण्डबाट विभिन्न किसीमको शक्तिवर्धक र कोषीय अंगको वृद्धि हुने खालका औषधीहरु बनाइन्छन्।

प्रकाशित : वैशाख १, २०७४ १७:४६
प्रतिक्रिया
पठाउनुहोस्
ADVERTISEMENT

रौतहटमा २ को मृत्यु

पवन यादव

रौतहट — जिल्लाको छुट्टाछुट्टै स्थानमा शुक्रवार भएको छुट्टाछुट्टै घटनामा परी २ जनाको मृत्यु भएको छ । मृत्यु हुनेमा राजपुर गाउपालिका १ पिप्राभगवानपुरका ३२ वर्षीय रामप्रवेश यादव र ईसनाथ गाउपालिका बस्ने बुलिम आलमकी अढाई वर्षीय छोरी रहेकी छन् ।

 

आफ्नै खेतमा विद्युतीय मोटरबाट खेतमा सिचाई गर्ने क्रममा करेन्ट लागेर यादवको मृत्यु भएको जिल्ला प्रहरी कार्यालय रौतहटका डिएसपी नविनकृष्ण भण्डारीले बताए । करेन्टलागेर गम्भिर घाईते भएका यादवलाई उपचारको लागि गौर अस्पताल पुर्‍याईएको थियो । अस्पताल पुर्‍याईएका यादवलाई चिकित्सकले मृत घोषणा गरेका थिए । 

यस्तै आफ्नै घर आँगनमा खेल्ने क्रममा लडेर बालिकाको मृत्यु भएको स्थानीयले बताएका छन् । बालिकाको आफ्नै कारणले मृत्यु भएको प्रहरीले जनाएको छ । 

प्रकाशित : वैशाख १, २०७४ १७:३८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT