गृहमन्त्री निधिको ट्वीटप्रति आयोगको असन्तुष्टि

निधिले सोमबार बिहान आफ्नो ट्वीटमा निर्वाचन आयोगको तयारी र सुरक्षा प्रबन्ध मात्रै स्थानीय निर्वाचनका लागि प्रयाप्त नहुने भन्दै निर्वाचनको सफलतका लागि राजनीतिक सहमति अपरिहार्य रहेको भनेका छन् । समाजिक सञ्जालमा निधीले लेखेको उक्त विषय विवादित बनेको छ ।

प्रमुख प्रतिपक्षी दल एमालेदेखि धेरैले त्यसमा चासो राख्दै सरकारले निर्वाचन नचाहेको आरोप समेत लगाएको छ । आयोगले पनि निधीको उक्त अभिव्यक्तिप्रति असन्तुष्टि व्यक्त गरेको हो । 

The EC & security arrangement aren't sufficient;political settlements through dialogues among the parties is must for successful elections.

— Bimalendra Nidhi (@BimalendraNidhi) April 16, 2017

आयोगले निर्वाचन सम्बन्धी तयारीमा कुनै प्रकारको कमी नरहेको जनाएको छ । विज्ञप्तीमा आयोगले आवश्यक नियम निर्देशिका तयार गरिएको, मतदाता नामावली फाइनल गरी वेव साइटमा राखिएको, मतदाता परिचय पत्रको छपाई अन्तिम चरणमा रहेको, मुख्य निर्वाचन अधिकृतको कार्यालय जिल्ला जिल्लामा स्थापना भइसकेको जस्ता तयारीको विवरण समेत उल्लेख गरेको छ । 

निर्वाचनको सम्पूर्ण व्यवस्थापन गर्ने कार्य आयोगबाट पूरा भएको अवस्थामा गृहमन्त्री निधीद्वारा निर्वाचन सम्बन्धी तयारी प्रर्याप्त नभएको ट्वीट आएकोप्रति आयोग आश्चर्य चकित भएको विज्ञप्तीमा भनिएको छ ।