घूस लिएको आरोपमा मालपोत कर्मचारी पक्राउ

विमल खतिवडा

चितवन — जिल्ला प्रशासन कार्यालयका कर्मचारी र प्रहरीको संयुक्त टोलीले मालापोत कार्यालय चितवनका कर्मचारीलाई घूस लिएको आरोपमा शुक्रबार दिउँसो पक्राउ गरेको छ । सेवाग्राहीलाई छिटो छरितो रुपमा सेवा दिनु पर्नेमा उल्टै घूस लिएको भन्दै प्रहरीले कार्यालयका नायव सुब्बा मनोज निरौला, कम्प्युटर अपरेटर प्रदीप पौडेल र लेखनदास फणिन्द्रराज तिवारीलाई पक्राउ गरेको हो ।

चण्डिभन्ज्याङका बीर्खलाल गुरुङको बुवाको नाममा रहेको जग्गा आमाको नाममा नामसारी गर्ने क्रममा ६ हजार ५ सय घूस लिएको गुनासो आएपछि प्रहरीले उनीहरुलाई पक्राउ गरेको हो ।

गुरुङले बिहीबार पैसा नदिइ काम नहुने भनेपछि ६ हजार ५ सय दिएका थिए । पैसा लिएपछि शुक्रबार काम नहुने भन्दै कर्मचारीले घर फर्काउन खोजेपछि उनले प्रहरीलाई खबर गरेका थिए । पक्राउ परेकासँग अनुसन्धान थालिएको जिल्ला प्रहरी कार्यालय चितवन प्रहरी प्रमुख एसपी दीपक थापाले बताए ।

प्रकाशित : वैशाख ८, २०७४ १४:२८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मोर्चाका कार्यकर्ताले विथोले निर्वाचन शिक्षा तालिम, १३ जना प्रदर्शनकारी प्रहरी नियन्त्रणमा

श्यामसुन्दर शशि

जनकपुर — निर्वाचन कार्यालय धनुषाले शुक्रबार जनकपुर १४ मुजेलियाको सभाकक्षमा आयोजन गरेको निर्वाचनसम्बन्धी तालिम संयुक्त लोकतान्त्रिक मधेसी मोर्चाका नेता तथा कार्यकर्ताहरुले विथोलेका छन् । यस क्रममा प्रहरीले १३ जनालाई नियन्त्रणमा लिएका थिए ।

मुजेलियास्थित सडक डिभिजन कार्यालयको सभाकक्षमा आयोजित मतदाता शिक्षा तालिम चलिरँहदा बिहान साढे १० बजे मोर्चाका नेता कार्यकर्ताहरु त्यहाँ पुगी तालिम विथोल्ने प्रयास गरेका थिए । यस क्रममा सुरक्षामा खटेका सुरक्षाकर्मी तथा मोर्चाका नेता कार्यकर्ताबीच सामान्य झडप समेत भएको थियो । प्रहरीले नवगठित राष्ट्रिय जनता पार्टी सम्बद्ध सञ्जय सिंह, परमेश्वर साह, सतिशलाल दास, प्रमोदकुमार यादवलगायत १३ जनालाई नियन्त्रणमा लिएको थियो ।

११ बजे पक्राउ परेका मोर्चाका नेता तथा कार्यकर्ताहरुलाई जिल्ला प्रहरी कार्यालय धनुषाले अढाई घण्टापछि रिहा गरेका थिए । मोर्चा नेताहरु जिल्ला प्रहरी कार्यालय ल्याएलगत्तै प्रदर्शनकारीहरुको भीड जिल्ला प्रहरी कार्यालय अगाडि लाग्न थालेको थियो । उनीहरुले आफ्ना नेताको रिहाइको माग गर्दै चर्का नाराबाजी गरेका थिए ।

प्रदर्शनकारीहरुलाई तितरबितर पारेपछि, कडा सुरक्षाबीच अपरान्ह पुन: तालिम सुरु गरिएको थियो तर, मोर्चाका नेता कार्यकर्ताहरुले जनकपुर–ढल्केवर सडक अवरुद्ध गरी प्रदर्शन गर्न थाले पछि तालिम रोकिएको थियो ।

विघटित सद्भावना पार्टी जिल्ला अध्यक्ष सञ्जय सिंहले स्थानीय तह निर्वाचनलाई लक्षित गरी गरिने जुनसुकै कार्यक्रमलाई विथोल्ने चेतावनी दिएका छन् ।

प्रकाशित : वैशाख ८, २०७४ १४:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT