जलेर १६ महिनादेखि थलिएका राउटे ट्रमा सेन्टरमा भर्ना

फातिमा बानु

काठमाडौं — आगोले जलेर १६ महिनादेखि थपिएका राउटे कपिल शाहीलाई उपचारका लागि ट्रमा सेन्टरमा भर्ना गरिएको छ । गत वर्षको पुषमा आगो ताप्ने क्रममा २० वर्षीय कपिल जलेर घाइते भएको उनका पिता कपिल राउटे मुखिया वीरबहादुर शाहीले बताए । घाइते शाही अछामको भैरवस्थान हुन् ।

बेल्जियमका डाक्टर लुक बुकुरसहितको टोलीले राउटे शाहीलाई उद्दार गरी बिहीबार काठमाडौं ल्याएको उद्दार टोलीका सदस्य लोक दाहालले बताए । उनलाई राउटे उत्थान प्रतिष्ठान र उपराष्ट्रपति नन्दबहादुर पुनका छोरा दिपेश पुनको पहलमा उपचारको लागि काठमाडौं ल्याइएको हो ।

शाहीको अवस्था अहिले निकै गम्भीर रहेको उनको उपचारमा संलग्न डाक्टर अपाल लामिछानेले बताए । आगोले पोलेर शाहीको पाखुरा, ढाड र पेटका भागमा घाउ भएको छ । 

राउटे समुदायले  झारफूक र जडिबुटी उपचारमा मात्रै विश्वास राख्ने भएकोले लामो समयसम्म  शाहीको अस्पतालबाट उपचार हुन  नसकेको राउटे उत्थान प्रतिष्ठानकी अध्यक्ष सत्यदेवी अधिकारीले बताइन् । ‘बल्लबल्ल फकाएर यहाँसम्म ल्यायौं’, अधिकारीले भनिन्,‘ उपचारको लागि अस्पताल जान मान्दैनन् ।’ घटना भएको दिनदेखि नै कपिल उठ्नै नसक्ने गरी ओछ्यान परेको उनका पिताले बताए । 

प्रारम्भिक अवस्थामा रगत र मृगौला जाँचेर हेर्दा भने अवस्था सामान्य रहेको डा. लामिछानेले बताए ।  शाहीको उपचार गर्न लामो समय र धेरै खर्च हुने लामिछानेको अनुमान छ ।‘ आजैबाट शल्यक्रिया शुरु हुन्छ, धेरैवटा शल्यक्रिया पश्चात मात्रै केही भन्न सकिन्छ’, उनले भने ।

सरकारले लोपोन्मुख जातिको सम्पूर्ण उपचार निशुल्क गर्ने व्यवस्था गरेको छ । शाहीको उपचारका सम्पूर्ण उपचार खर्च अस्पतालले निशुल्क गर्ने ट्रमा सेन्टरका डा.पियुष दाहालले बताए ।

 

प्रकाशित : वैशाख ८, २०७४ १६:३३
प्रतिक्रिया
पठाउनुहोस्
ADVERTISEMENT

निर्वाचन अधिकृत चढेको गाडीमा ढुंगामुढा

नवलपरासी — जिल्ला सदरमुकाम नजिकको पाल्ही नन्दन गाउँपालिकामा निर्वाचन कार्यालय स्थापनाको लागि निरीक्षणमा गएका निर्वाचन अधिकृत चढेको गाडीमा मधेसी दलका कार्यकर्ताले ढुंगामुढा गरेका छन् ।

पाल्ही नन्दन गाउँपालिकाकाको कुस्मामा निर्वाचन अधिकृतको कार्यलय स्थापनाका लागि गएकी निर्वाचन अधिकृत शशी पौडेल चढेको निजी बा १५ च ४६५१ नम्बरको स्कार्पियो गाडीमा ढुंगामुढा गरेका हुन् । त्यो गाडी पाल्ही नन्दन गाउँपालिकाले कार्यालय प्रयोजनका लागि भाडामा लिएको हो । 
नन्दन गाउँपालिका चार दिनपछि कुस्मामा निर्वाचन कार्यालय स्थापना गर्नका लागि शुक्रबार दिउँसो निरीक्षण गरेर फर्किंनलाग्दा स्थानीय मधेसी दलका कार्यकर्ताले ढुंगामुढा गरेका हुन् । प्रहरीले आक्रमणबाट गाडीको सिसा फुटेको जानकारी दिएको छ । निर्वाचन अधिकृतसहितको टोलीले भागेर ज्यान जोगाएको स्थानीयले बताए ।
  
कुस्सा गाविसमा निर्वाचन कार्यालय स्थापना गर्न सुरक्षाकर्मीसहित टोली गएको थियो । गाविसको कार्यालयमा स्थानीय बासिन्दाले निर्वाचन कार्यालय खोल्न नदिने भन्दै बिहीबार ताला लगाएको थिए । स्थानीयले गाउँपालिकाको काम गर्न अवरोध नगर्ने तर, निर्वाचन कार्यालय स्थापना हुन नदिने भन्दै बिहीबार बिहान तालाबन्दी गरेका थिए । 

जिल्ला प्रशासन कार्यालयका प्रतिनिधि र सुरक्षाकर्मीसहित पुगेको टोलीले कार्यालय स्थापना गर्न ताला फोडेका थिए । टोली फर्किंदै गर्दा स्थानीयले ढुंगामुढा गरेका हुन् । नवलपरासीका प्रहरी उपरीक्षक राजेन्द्र चौधरीले आक्रमणकारीको खोजी भइरहेको बताए । 

प्रकाशित : वैशाख ८, २०७४ १६:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT