देउवाले भने, 'एमालेले साथ नदिए पनि संशोधन विधेयक पारित हुन्छ'
काठमाडौं — कांग्रेस सभापति शेरबहादुर देउवाले संसदमा दर्ता भएको संविधान संशोधन विधेयक एमालेले साथ नदिए पनि दुई तिहाईबाट पारित हुने विश्वास व्यक्त गरेका छन् । कांग्रेस केन्द्रीय चुनाव प्रचार समितिद्वारा शनिबार बिहान आयोजित कार्यक्रममा देउवाले भने,‘हामी चाहन्छौ, एमालेले यसमा सहयोग गरोस् । एमालेका संशोधनको विषय छन् भने पनि ल्याउनुहोस् । त्यसलाई समेत समेटर सहमति खोजौं ।’
कांग्रेस सभापति शेरबहादुर देउवाले संसदमा दर्ता भएको संविधान संशोधन विधेयक एमालेले साथ नदिए पनि दुई तिहाईबाट पारित हुने विश्वास व्यक्त गरेका छन् ।
कांग्रेस केन्द्रीय चुनाव प्रचार समितिद्वारा शनिबार बिहान आयोजित कार्यक्रममा देउवाले भने,‘हामी चाहन्छौ, एमालेले यसमा सहयोग गरोस् । एमालेका संशोधनको विषय छन् भने पनि ल्याउनुहोस् । त्यसलाई समेत समेटर सहमति खोजौं ।’ विधेयकमा साथ नदिए पनि संसदीय प्रकृया रोक्न नमिल्ने देउवाले बताए । संसद अवरोध नगर्न आग्रह गर्दै देउवाले भने,‘मन नपरेमा विपक्षमा मतदान गर्नुहोस् र संसद अवरोध गरेर मुलुकलाई बन्धकमा राख्न मिल्दैन ।’
कांग्रेस वरिष्ठ नेता रामचन्द्र पौडेलले कांग्रेसले मधेस र आम जनताको भावना समेटर जान लागेको बताए । उनले दुई चरणमा स्थानीय तह निर्वाचन गर्ने तालिका आइसकेकाले फेरि एकचरणमा गर्ने कुरा संभव नहुने बताए । ‘निर्वाचन तोकिएकै मितिमा दुई चरणमा हुन्छ’पौडेलले भने,‘अब यसमा ढुक्क हुनुहोस् ।’
प्रकाशित : वैशाख १६, २०७४ १२:०९