दलका प्रतिनिधि र मतगणना खटिएका कर्मचारीबीच विवाद भएपछि काठमाडौं महानगरपालिका ३२ नम्बर वडाको मतगणना रोकिएको छ । निर्वाचन आयोगले बुधबारदेखि ११ स्थानमा मतगणना गरिरहेको थियो ।
राष्ट्रिय परीक्षा बोर्डले कक्षा ११ को परीक्षा एक साता पछाडि सार्ने निर्णय गरेको छ । स्थानीय तहको दोस्रो चरणको निर्वाचनले गर्दा आगामी असार १ गतेबाट हुने भनिएको परीक्षा साता पछाडि सारिएको हो ।
यसअघिका सम्झौता कार्यान्वयन, चिकित्सा शिक्षा ऐन आफूले दिएको सुझाव समेटेर माथेमा प्रतिवेदनको मर्मअनुसार संसदबाट अविलम्व पारित हुनुपर्ने, प्रधानन्यायधीश सुशीला कार्कीविरुद्ध लगाइएको महाअभियोग फिर्ता लगायतका मागसहित डा.केसीले १० जेठदेखि अनसन बस्ने घोषणा गरेका हुन ।
एमाले अध्यक्ष केपी ओलीको वडामा कांग्रेसका उम्मेदवार विजयी भएका छन् । सूर्यविनायक नगरपालिका २ बालकोटमा नेपाली कांग्रेसका कमलनाथ आचार्य सहित चार सदस्य विजयी भएका छन् ।
कालिकोटको खाँडाचक्र नगरपालिकामा नेकपा एमालेका जशीप्रसाद पाण्डे विजयी भएका छन् । उनले २२०५ मत ल्याउँदै माओवादी केन्द्रका लक्ष्मीप्रसाद चौलागाईंलाई पराजित गरेका हु्न् । चौलागाईंले १४६१ मत ल्याए ।
प्रमुख प्रतिपक्षी एमालेले चुनावका क्रममा सत्ता गठबन्धनका तर्फबाट केही स्थानमा आपराधिक र अराजनीतिक गतिविधि भएको भन्दै संसदीय छानविन समिति गठनको माग गरेको छ ।
नेपाल प्रहरीको केन्द्रीय अनुसन्धान ब्युरोले भारतमा प्रतिबन्धित ५ सय र १ हजारका झण्डै चार करोड भारतीय रुपैयाँ काठमाडौंका विभिन्न स्थानबाट बरामद गरेको छ ।
महालक्ष्मी नपा- १, २, ३, ४ र ५ मा एमाले विजयी भएको छ । १ नम्बर अध्यक्षमा नन्दकुमार न्यौपाने, २ मा रामबहादुर सुवेदी, ३ मा कुवेर केसी, ४ मा लक्ष्मण रोका क्षेत्री र ५ मा राजकुमार सिलवाल छन् ।
राष्ट्रिय जनता पार्टी (राजपा) का नेताहरुले जेठ ३१ को दोस्रो चरणको चुनाव सार्ने प्रस्ताव गरेका छन् । कांग्रेससँग बुधबार भएको बार्तामा राजपाका नेताहरुले यस्तो प्रस्ताव ल्याएका हुन् । तर, कांग्रेस नेताहरुले त्यसलाई अस्वीकार गरेका छन् ।
मतगणनाको दिननै स्थगित भएको इन्द्रावती गाउँपालिकामा जेठ ४ गते पुन मतदान गरिने भएको छ । बैशाख ३१ मा जम्मा भएको ६ सय ५८ मतदान जलाएर फेरि मतदान गरिने जिल्ला निर्वाचन आयोगले जनाएको छ ।
स्थानीय तह निर्वाचनको मतपरिणाममा एमाले र कांग्रेस अगाडि देखिएका छन् । दलहरूबीच प्रतिस्पर्धात्मक देखिएको नतिजामा बुधबार दिउँसो साढे १ बजेसम्मको गणनाअनुसार एमाले पहिलो, कांग्रेस दोस्रो र माओवादी केन्द्र तेस्रो स्थानमा छन् ।
नेकपा एमालेको मेची महाकाली अभियानका क्रममा सप्तरी जिल्लाको मलेठमा प्रहरीको गोली लागी मृत्यु भएका पाँचजनालाई नेपाल सरकारले बुधबार औपचारिक रुपमा सहिद घोषणा गरेको छ । मन्त्रिपरिषद्को निर्णयअनुसार उपप्रधान एवं गृहमन्त्री विमलेन्द्र निधिले बुधबार सप्तरी सदरमुकाम राजविराजमा आयोजित कार्यक्रममा पाँचैजनालाई सहिद घोषणा गरिएको जानकारी दिए ।
जाजरकोटको बारेकोट विशेष गाउँपालिकाको अध्यक्षमा कांग्रेसका महेन्द्रबहादुर शाह विजयी भएका छन् । उपाध्यक्षमा माओवादी केन्द्रकी उमा शाही विजयी भएकी छन् । कांग्रेसका शाहले २ हजार १ सय ४८ मत ल्याएका छन् ।
मतदान सकिएको तीन दिनपछि लमजुङको क्व्होलासोंथर गाउँपालिकाको मतगणना सुरु भएको छ । वैशाख ३१ गते आइतबार ५ बजे मतदान कार्य सकिएकोमा बुधबार बिहान ११ बजेदेखि मतगणना सुरु भएको हो । क्व्होलासोंथर गाउँपालिकाका निर्वाचन अधिकृत यादवप्रसाद भुसालले सामान्य अवस्थामा मतगणना सुरु भएको बताए ।
ललितपुर महानगरपालिकाको उपमेयरमा एमाले र राप्रपाबीचको तालमेल निरर्थक देखिएको छ । मेयरमा एमाले उम्मेदवारलाई सघाउने शर्तमा राप्रपाले उपमेयरमा उमेदरवार दिएको थियो । तालमेलअनुसार, एमालेले राप्रपालाई समर्थन गरी उम्मेदवारी नै दिएन । तर परिणाम ठीक उल्टो देखियो । सूर्यमा मत खस्ने क्रम पछिल्लो मतगणनाका क्रममा समेत जारी छ ।
दुई दिनअघिसम्म रञ्जु तिलाङ्गीको परिचय समाजसेवी र सामाजिक विभेदविरोधी अभियन्ताको थियो । अब उनले नयाँ परिचय पाएकी छन्– नेत्री । त्यो पनि कम उमेरमा विजयी भएर । ललितपुर महानगरपालिका वडा नं ३ मा एमालेबाट दलित महिला सदस्य कोटामा २३ वर्षीया रञ्जु निर्विरोध निर्वाचित भएकी हुन् ।
मतदाता परिणाम जान्न आतुर भए पनि स्थानीय तह पहिलो चरणको मतदानको तेस्रो दिनसम्म मतगणनाको गति ज्यादै सुस्त देखिएको छ । कम मतदाता रहेका केही स्थानको मात्र अन्तिम परिणाम आएको छ । चारैवटा महानगरपालिकालगायत अधिकांश ठूला सहर र बजार क्षेत्रको मतगणना सुस्त छ ।
वैशाख ३१ गते स्थगित भएको बुधबार स्थानीय तहको निर्वाचन नमोबुद्ध ४ र धुलिखेल १२ मा अहिले हुँदैछ । एक युवकको मृत्युको बिषयलाई लिएर स्थगित भएको नमोबुद्ध नगरपालिका ४ को निर्वाचन बुधबार हुन लागेको हो । यसअघि धुलिखेल १२ मा पनि राप्रपाका तर्फबाट वडा सदस्य पदका उम्मेदवार सुकुलाल तामाङको मृत्यु भएपछि स्थगित भएको निर्वाचन पनि भइरहेको छ ।
संसद्मा तेस्रो हैसियतमा रहेको सत्ता नेतृत्वकर्ता माओवादी केन्द्र स्थानीय तह चुनावमा उही हैसियतमा दोहोरिने प्रारम्भिक संकेत प्रारम्भिक मतगणनामा देखिएका छन् । माओवादी केन्द्रले भने प्रतिकूल परिस्थिति र आन्तरिक/बाह्य चुनौतीबीच हुँदैन भनिएको चुनाव गराउन सक्नुलाई नै आफ्नो राजनीतिक विजयका रूपमा अथ्र्याएको छ ।
व्यवस्थापिका संसदमा चौथो ठूलो राजनीतिक दल राष्ट्रिय प्रजातन्त्र पार्टीले पहिलो चरणको स्थानीय तहको निर्वाचनमा अपेक्षितभन्दा कम मत पाएको छ । मंगलबार रातिसम्म उक्त पार्टीले डोल्पाको २ पदमा बाहेक कतै पनि विजय पाउन सकेको छैन । अन्यत्रको मतगणनामा समेत उक्त पार्टी निकै पछाडि छ । यद्यपि दोस्रो चरणमा परेका क्षेत्रमा परिणाम आफ्नो पक्षमा आउने विश्वास नेताहरूले गरेका छन् ।
त्रिपुरासुन्दरी गाउँपालिका १ नम्बर वडाध्यक्षमा नेपाली कांग्रेसका ८० वर्षीय कर्णबहादुर खडका विजयी भएका छन् । साविकको घोर्थलीको ४ देखि ९ वडा मिलाएर उक्त वडा गठन गरिएको थियो । माओवादी केन्द्रका ३६ वर्षीय उम्मेदवार कुमार खत्रीलाई १ सय १३ मतले पछि पारेका थिए ।