शारदा नगरपालिकामा मतगणना स्थगित

बिप्लब महर्जन

सल्यान — शारदा नगरपालिकाको मतगनना मंगलबार बेलुकीदेखि स्थगित भएको छ । स्थगित भएको मतगनना अहिलेसम्म सुरु हुन सकेको छैन ।

एमालेलगायत अन्य दलले मतपत्र गनना गर्ने क्रममा लापरबाही गरेको र वडा नं ४ को मतपत्र अनुसार १८७ हुनु पर्नेमा १७४ मात्र भएको आरोप लगाउदै मतगनना स्थल छाडेर हिडेपछि मतगनना रोकिएको थियो । मतपत्र पुन गनना गर्नुपर्ने दबाब दिएको एमाले लगायतका अन्य दलले मतगनना स्थलमा सिलबन्दी लगाएको मंगलबार बेलुकी दलहरुको बैठकमा कुनै सहमती नभएकाले निर्वाचन आयोगमा पत्र लेखेर पठाएको मुख्य निर्वाचन अधिकृत माधबेन्द्रराज रेग्मीले बताए । आयोगले जे निर्देशन दिन्छ, त्यही हुन्छ उनले भने ।
मतगणना सञ्चालनको लागि बुधबार बिहान ८ बजेतिर पुन बैठक बस्ने बुझिएको छ ।

Yamaha

प्रकाशित : जेष्ठ ३, २०७४ ०७:३९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सल्यानको दार्मा गापामा माओवादी केन्द्र अध्यक्ष र उपाध्यक्षमा विजयी

बिप्लब महर्जन

सल्यान — जिल्लाको नौ स्थानीय तहमा जारी मतगणनाअनुसार दार्मा गाउँपालिकामा माओवादी केन्द्रका नीमबहादुर केसी अध्यक्षमा र टीका शर्मा ओली उपाध्यक्षमा विजयी भएका छन् ।

केसीले प्रतिद्वन्द्वी कांग्रेसका रामचन्द्र केसीलाई ९ सय २३ मतले फरक पार्दै पराजित गरेका हुन् । केसीले ३ हजार ६ सय ९४ मत ल्याएका थिए भने उनका प्रतिद्वन्द्वी केसीले २ हजार ७ सय ७१ मत ल्याएका थिए । उपाध्यक्षमा  लडेकी माओवादी केन्द्रकी ओलीले ३ हजार ६ सय ९५ मत ल्याएकी थिइन् भने प्रतिद्वन्द्वी एमालेका दलबहादुर केसीले २ हजार ६ सय १९ मत ल्याएका थिए । 

बाँकी आठ स्थानीय तहमा मत गणना भइरहेको निर्वाचन कार्यालयले जनाएको छ । 

प्रकाशित : जेष्ठ २, २०७४ १४:४९
पूरा पढ्नुहोस्
प्रतिक्रिया
पठाउनुहोस्
ADVERTISEMENT