कक्षा ११ को परीक्षा सर्‍यो

‘निर्वाचनकै भोलिपल्ट परीक्षा गराउन सम्भव नहुने भएकाले असार ८ गतेबाट संचालन गर्ने निर्णय भएको छ,’ परीक्षा नियन्त्रक डम्मर बतासले बुधबार भएको निर्णय सुनाउँदै कान्तिपुरसित भने, ‘परीक्षा तालिका यथावत छ । त्यसैअनुसार असार १८ परीक्षा सम्पन्न हुनेछ ।’

बोर्डले आफ्नो वेबसाइटमा परीक्षाको संशोधित तालिका सार्वजनिक गरेको छ ।

‘कक्षा ११ को साधारण (संगीत र संस्कृत विषय समूहसमेत) तथा प्राविधिक विषय समूहतर्फका नियमित तथा आंशिक परीक्षार्थीहरुको वार्षिक परीक्षाको समय तालिका परीक्षा संचालन समितिको निर्णयअनुसार २०७४ असार १ गतेबाट संचालन गर्ने गरी सूचना प्रकाशित गरिएकोमा,’ भनिएको छ, ‘२०७४ जेठ ३१ गते हुने स्थानीय तहको निर्वाचनलाई मध्यनजर गरी पुन:संशोधित कार्यक्रम बमोजिम संचालन गरिने भएकाले सम्बन्धित सबैको जानकारीका लागि यो सूचना प्रकाशित गरिएको छ ।’