सगरमाथा आधारशिविर ‘सम्पर्क अधिकृत’ विहीन

कुम्भराज राई

ओखलढुंगा — सगरमाथा आरोहण धमाधम भईरहेकै बेला आधार शिविर सरकारी सम्पर्क अधिकृत विहीन भएको छ । कतिपय सम्पर्क अधिकृतहरु आधारशिविर नै नपुगि फर्किएका छन् । कतिपयले भने आधार शिविर पुग्ने बित्तिकै विभिन्न वहाना देखाएर फर्किएपछि सम्पर्क अधिकृत विहिन भएको हो ।

‘सगरमाथा आधार शिविरमा एकजना पनि सम्पर्क अधिकृत छैन । यदाकदा दुई चार जना आईपुगे पनि सगरमाथा प्रदुषण नियन्त्रण समितिको कार्यालयमा हाजिर गर्छन् अनि त्यहि दिन फर्किन्छन् ।’ हिमालयन उद्दार संघका आधार शिविर प्रमूख लाक्पानोर्बु शेर्पाले भने, ‘कारणवश माथीतिर कुनै घटना भयो भने भर्पाई लेख्ने अधिकृत सिटो बालेर खोज्नुपर्ने अवस्था छ ।’

केहि साताअघि सम्पर्क अधिकृतकै रुपमा आधार शिविर पुगेका पर्यटन मन्त्रालयका ज्ञानेन्द्र श्रेष्ठसमेत बिहीबार फर्किएपछि आधार शिविर सम्पर्क अधिकृत विहीन भएको आरोहणका लागि गएका एक्सपेडिशन कम्पनीहरुको भनाई छ ।

पर्यटन विभागले भने सगरमाथा आधार शिविर सम्पर्क अधिकृत विहीन नभएको जनाएको छ । ‘ज्ञानेन्द्र श्रेष्ठ हिजो फर्किनु भएपनि हाम्रा अन्य सम्पर्क अधिकृत आधार शिविरमै छन् ।’ पर्यटन विभागका निर्देशक दुर्गादत्त ढकालले भने, ‘आज मात्रै सम्पर्क अधिकृतकै रुपमा जानु भएको नेपाली सेनाका प्रतिनिधिले आधारशिविरबाट फोन गर्नु भएको थियो ।’ उनले केहि अघि गएका टोलीहरु विभिन्न कारण देखाएर फर्किएपनि पछि जाने टोलीहरु आधारशिविरमै भएको दाबी गरे ।

प्रकाशित : जेष्ठ ५, २०७४ १६:५३
प्रतिक्रिया
पठाउनुहोस्

काठमाडौं महानगरपालिकामा ३४६९८ मत गनिसक्दा बिद्यासुन्दरलाई ११ हजार ५ सय

कान्तिपुर संवाददाता

काठमाडौं — काठमाडौं महानगरपालिकाको शुक्रबार दिउँसो चार बजेसम्म ३४ हजार ६ सय ९८ मतगणना सकिएको छ । त्यसमध्ये मेयरमा सबैभन्दा धेरै मत एमालेका विद्यसुन्दर शाक्यले ल्याएका छन् । उनले एमाले ११ हजार ५ सय ५९ मत पाएका छन् ।

शाक्यको निकटतम् प्रतिद्वन्द्वी नेपाली काँग्रेसका राजुराज जोशीले ७ हजार ८ सय ६८ मत प्राप्त गरेका छन् । उनलाई पछ्याउँदै विवेकशील नेपाली दलबाट उम्मेदवार बनेकी रञ्जु दर्शनाले ४ हजार ५ सय २५ मत पाएकी छिन् । उनी महानगरको कान्छी उम्मेदवारको रुपमा पनि चर्चित थिइन् ।

चुनाव भन्दा केही अघि मात्र खुलेको साझा पार्टीको तर्फबाट उम्मेदवार दिएका पूर्व सचिव किशोर थापाले ३ हजार ५ सय ४६ मत पाएका छन् । माओवादी केन्द्रका उम्मेदवार सर्वोत्तम ड‌ंगोलले १ हजार ३ सय १० मत पाएका छन् ।
काठमाडौं महानगरको उपमेयरमा भने नेपाली कांग्रेसका हरिप्रभा खड्की श्रेष्ठले आग्रता लिइरहेकी छिन् । उनले १० हजार २ सय ७६ मत पाएका छन् । राप्रपाका राजराम श्रेष्ठले ६ हजार २सय ४६ र साझा पार्टीकी अनुपमा यादवले २ हजार १ सय ९५ मत पाएकी छिन् । त्यसैगरी माओवादी केन्द्रका सुशीला पौडेलले हालसम्म १ हजार ७ सय ३० मा प्राप्त गरेकी छिन् ।

प्रकाशित : जेष्ठ ५, २०७४ १६:५३
पूरा पढ्नुहोस्
प्रतिक्रिया
पठाउनुहोस्