कांग्रेस, एमालेले जिते पनि मैले जिते जस्तै हो: प्रधानमन्त्री दाहाल

टिभि हेर्न छाडेँ

रामपुर (चितवन) — प्रधानमन्त्री पुष्पकमल दाहालले स्थानीय तह निर्वाचनमा कांग्रेस, एमाले, र माओवादीले जस्ले जिते पनि आफैंले जितेको जस्तो लागेको बताएका छन् । ‘यो निर्वाचन सफलतापूर्वक, व्यापक जनताको सहभागिताका साथ सम्पन्न हुँदा मलाई ठूलो जिम्मेवारी पूरा गरेको महशुस भएको छ,' दाहालले भने, ‘निर्वाचन सम्पन्न भएपछि कसले जित्छ कसले हार्छ, मैले टिभी हेर्न पनि छाडेको छु । जस्ले जिते पनि मेरै जित जस्तो लागेको छ।'

प्रधानमन्त्री पुष्पकमल दाहालले स्थानीय तह निर्वाचनमा कांग्रेस, एमाले, र माओवादीले जस्ले जिते पनि आफैंले जितेको जस्तो लागेको बताएका छन् ।

‘यो निर्वाचन सफलतापूर्वक, व्यापक जनताको सहभागिताका साथ सम्पन्न हुँदा मलाई ठूलो जिम्मेवारी पूरा गरेको महशुस भएको छ,' दाहालले भने, ‘निर्वाचन सम्पन्न भएपछि कसले जित्छ कसले हार्छ, मैले टिभी हेर्न पनि छाडेको छु । जस्ले जिते पनि मेरै जित जस्तो लागेको छ।'

निकै भावुक मुद्रामा उनले भने, 'यतिखेर देशले जितेको छ, राष्ट्रले जितेको छ ।' पहिलो चरणको जस्तै दोस्रो चरणको निर्वाचनलाई पनि उत्सवका रुपमा लिन मधेशवादी दललाई आग्रह गरेका छन् ।

कृषि तथा वन विज्ञान विश्वविद्यालयको केन्द्रीय कार्यालय रामपुर भवन उद्घाटन गर्न शुक्रबार गृह जिल्ला चितवन आएका प्रधानमन्त्री दाहालले स्थानीय निकायको पहिलो चरणको निर्वाचन गराउनु आफ्नो सफलता भएको दाबी गरे ।

‘दोस्रो चरण निर्वाचन गराउन पनि निकै चुनौतीहरु छन,’ उनले भने,‘त्यसलाई पनि सफल पार्न साँझ सबै दल र मधेसवादी दललाई छलफलका लागि बोलाएको छु ।’ सबैको सहभागीतामा निर्वाचन सफल पार्ने पहल गरेको उनले स्पष्ट पारे । छोरा प्रकाश सहित हेलिकप्टरमा आएका दाहाल शुक्रबार बिहान नवलपरासीको दुम्कौलीस्थित शास्वत धाम पूजाआजा गरे । त्यस पछि उनी चितवन आएका हुन् ।

स्थानीय तहको पहिलो चरणको निर्वाचनको मतपरिणाम अनुसार एमाले अग्रस्थानमा छ भने कांग्रेस दोस्रो र माओवादी केन्द्र तेस्रोमा छ । तर परिणामको कुनै प्रभाव नगरी उनले धेरै ठूलो मेहनतबाट र धेरै अप्ठाराहरु सामना गरी पहिलो चरणको निर्वाचन सम्म आइपुगेको बताए । उनले पहिलो भन्दा दोस्रो चरणको निर्वाचन धेरै चुनौती रहेको बताए ।

उनले पहिलो चरणको निर्वाचन सम्पन्न भएको उल्लेख गर्दै दोस्रोको निर्वाचन सम्पन्न गरेपछि परिवर्तन संस्थागत हुने बताए । दोस्रो चरणको निर्वाचन पनि उत्सवपूर्ण हुने उनले विश्वास व्यक्त गरे । कार्यक्रमस्थलमा प्रधानमन्त्री दाहाल निकै भावुक देखिएका थिए । उनले सरकार छाड्ने संकेत गर्दै सम्बोधनका क्रममा प्रधानमन्त्रीमा रहने अन्तिम/अन्तिम अवस्था आएको उल्लेख गरे ।

प्रकाशित : जेष्ठ ५, २०७४ १७:०१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सगरमाथा आधारशिविर ‘सम्पर्क अधिकृत’ विहीन

कुम्भराज राई

ओखलढुंगा — सगरमाथा आरोहण धमाधम भईरहेकै बेला आधार शिविर सरकारी सम्पर्क अधिकृत विहीन भएको छ । कतिपय सम्पर्क अधिकृतहरु आधारशिविर नै नपुगि फर्किएका छन् । कतिपयले भने आधार शिविर पुग्ने बित्तिकै विभिन्न वहाना देखाएर फर्किएपछि सम्पर्क अधिकृत विहिन भएको हो ।

‘सगरमाथा आधार शिविरमा एकजना पनि सम्पर्क अधिकृत छैन । यदाकदा दुई चार जना आईपुगे पनि सगरमाथा प्रदुषण नियन्त्रण समितिको कार्यालयमा हाजिर गर्छन् अनि त्यहि दिन फर्किन्छन् ।’ हिमालयन उद्दार संघका आधार शिविर प्रमूख लाक्पानोर्बु शेर्पाले भने, ‘कारणवश माथीतिर कुनै घटना भयो भने भर्पाई लेख्ने अधिकृत सिटो बालेर खोज्नुपर्ने अवस्था छ ।’

केहि साताअघि सम्पर्क अधिकृतकै रुपमा आधार शिविर पुगेका पर्यटन मन्त्रालयका ज्ञानेन्द्र श्रेष्ठसमेत बिहीबार फर्किएपछि आधार शिविर सम्पर्क अधिकृत विहीन भएको आरोहणका लागि गएका एक्सपेडिशन कम्पनीहरुको भनाई छ ।

पर्यटन विभागले भने सगरमाथा आधार शिविर सम्पर्क अधिकृत विहीन नभएको जनाएको छ । ‘ज्ञानेन्द्र श्रेष्ठ हिजो फर्किनु भएपनि हाम्रा अन्य सम्पर्क अधिकृत आधार शिविरमै छन् ।’ पर्यटन विभागका निर्देशक दुर्गादत्त ढकालले भने, ‘आज मात्रै सम्पर्क अधिकृतकै रुपमा जानु भएको नेपाली सेनाका प्रतिनिधिले आधारशिविरबाट फोन गर्नु भएको थियो ।’ उनले केहि अघि गएका टोलीहरु विभिन्न कारण देखाएर फर्किएपनि पछि जाने टोलीहरु आधारशिविरमै भएको दाबी गरे ।

प्रकाशित : जेष्ठ ५, २०७४ १७:०१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT