प्रमुख सात राजनीतिक दलको बैठक सकियो, दोस्रो चरणको चुनाव सम्पन्न गर्न राष्ट्रिय सहमति आवश्यक

कान्तिपुर संवाददाता

काठमाडौं — प्रमुख सात राजनीतिक दलका शीर्ष नेताहरुको बैठक बालुवाटारमा सम्पन्न भएको छ ।प्रधानमन्त्री पुष्पकमल दाहालको आब्हानमा बसेको बैठकमा तराई–मधेसमा स्थानीय तहको संख्या थप, सरकारद्वारा संसदमा पेश गरेको संविधान संशोधन विधेयक, दोस्रो चरणको स्थानीय तहको निर्वाचन, बजेट लगायतका विषयमा छलफल भएको थियो ।

प्रमुख सात राजनीतिक दलका शीर्ष नेताहरुको बैठक बालुवाटारमा सम्पन्न भएको छ ।

प्रधानमन्त्री पुष्पकमल दाहालको आब्हानमा बसेको बैठकमा तराई–मधेसमा स्थानीय तहको संख्या थप, सरकारद्वारा संसदमा पेश गरेको संविधान संशोधन विधेयक, दोस्रो चरणको स्थानीय तहको निर्वाचन, बजेट लगायतका विषयमा छलफल भएको थियो ।

बैठकमा नेपाली कांग्रेस, नेकपा (एमाले), नेकपा (माओवादी केन्द्र), राष्ट्रिय प्रजातन्त्र पार्टी, राष्ट्रिय जनता पार्टी, मधेसी जनअधिकार फोरम (लोकतान्त्रिक) र संघीय समाजवादी फोरमका नेताहरु उपस्थित थिए ।

बैठकमा प्रधानमन्त्रीले पहिलो चरणको निर्वाचन सम्पन्न हुनु देशकै लागि गौरवका विषय भएको बताउँदै निर्वाचनमा सहभागी सम्पूर्ण राजनीतिक दल र मतदातालाई धन्यवाद दिए ।

प्रधानमन्त्रीले दोस्रो चरणको निर्वाचन सम्पन्न गरी संविधान कार्यान्वयनको प्रक्रियालाई पूर्णतामा लैजान राष्ट्रिय सहमति आवश्यक रहेकोमा जोड दिँदै दोस्रो चरणको निर्वाचन, तराई–मधेसमा स्थानीय तहको संख्या थप, संविधान संशोधन विधेयक र बजेटबारे सहमति जुटाएर अघि बढ्न दलहरुलाई आग्रह गरेका थिए । बैठकमा प्रधानमन्त्रीले संविधान कार्यान्वयन नै सबैभन्दा ठूलो एजेण्डा र जिम्मेवारी भएको कुरामा जोड दिँदै निर्वाचनको सहज वातावरणका लागि राजनीतिक दलहरुको एकता र सहकार्य आवश्यक भएकोमा जोड दिए ।

बैठकमा प्रमूख प्रतिपक्ष दल नेकपा एमाले र मधेस केन्द्रित दलका नेताहरुले प्रधानमन्त्रीको प्रस्तावमाथि आ–आफ्ना धारणा राखेको थियो । बैठकले राजनीतिक सहमतिबाटै निष्कर्षमा पुग्नुपर्नेमा जोड दिँदै छलफललाई निरन्तरता दिने निर्णय गरेको छ ।

बैठकमा प्रधानमन्त्री पुष्पकमल दाहाल, कांग्रेस सभापति शेरबहादुर देउवा, उपप्रधान एवं गृहमन्त्री बिमलेन्द्र निधि, उपप्रधान एवं स्थानीय विकास मन्त्री विजयकुमार गच्छदार, एमाले उपाध्यक्षद्वय सुवास नेम्वाङ, भीम रावल, कांग्रेस नेता रामचन्द्र पौडेल, माओवादी नेता नारायणकाजी श्रेष्ठ, राप्रपा नेताहरु बिक्रम पाण्डे, सुनिलबहादुर थापा, राजपाका नेताहरु महन्थ ठाकुर, राजेन्द्र महतो, अनिलकुमार झा, संघीय समाजवादी फोरमका नेता अशोककुमार राई लगायत शीर्ष नेताहरु सहभागी थिए ।

प्रकाशित : जेष्ठ ५, २०७४ २०:०१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गाउँपालिका कार्यालयमा पदाधिकारीलाई स्वागत

हरिहरसिंह राठौर

धादिङ — जिल्लामा पहिलोपटक थाक्रेका निर्वाचित गाउँपालिका पदाधिकारीहरुले सपथग्रहण संगै शुक्रबारदेखि पदभार ग्रहण गरेका छन् ।

प्रमुख र प्रमुख, ११ वडाका अध्यक्ष लगायत सबै सदस्यहरुलाई कार्यकारी अधिकृत युवराज अर्यालले स्वागत गरेका थिए । थाक्रेको माहादेव बेंसी बजारमा भाडामा लिएको कार्यालयमा सबै प्रमुख र उपप्रमुख लाई मात्रै आवस्यक कोठा व्यवस्था गरिएको छ ।

निर्वाचनमा खटिएका प्रमुख निर्वाचन अधिकृत महेन्द्रराज काफ्लेले एक कार्यक्रममा प्रमुख नेकपा एमालेका रामकुमार आचार्य र एमालेकै अम्बिका रुपाखेती लगायत ११वटै वडाका निर्वाचित प्रतिनिधिहरुलाई सपथ ग्रहण गराएका थिए । पदाधिकारीहरुलाई निर्वाचित भएको औपचारिक प्रमाण पत्र दिएपछि निर्वाचित पदाधिकारीहरुको हुल गाउँपालिका प्रवेश गरेको थियो । 

सपथ लिनेमा वडानं ५ बाट एमालेबाट सदस्य पदमा  निर्वाचित ८६ वर्षीय चन्द्रमाया विस्वकर्मा र जिल्लामा एक मात्रै वादी समुदायबाट निर्वाचत लक्ष्मी वादी पनि रहेका थिए । सपथग्रहण कार्यक्रममा प्रमाण पत्र लगायत शुभकामना मन्तव्य दिँदै जिल्ला समन्वय समितिका स्थानीय विकास अधिकारी जीवराज भूसालले सम्पूर्ण अधिकारको कार्यान्वयन  वडास्तरबाटै गर्ने स्थानीय निकायको कार्यविधि रहेकोले तल्लो तहको पद मा निर्वाचितहरु पनि सशक्त हुनु पर्ने बताए । 

कार्यक्रममा स्थानीय राजनैतिक दलका प्रतिनिधि तथा नेपाल पत्रकार महासंघका सभापति नवराज छत्कुलीले शुभकामना मन्तव्य दिँदै विजयी भएका जनप्रतिनिधिले आफूलाई सबैको प्रतिनिधीका रुपमा आफूलाई पहिचान गराउनु पर्ने बताएका थिए । 

पदभार ग्रहण गरे लगत्तै गाउँपालिका प्रमुख रामकुमार आचार्यले आगामी साउनदेखि वडास्तरबावाटै विवाह, जन्म, मृत्यु लगायतका घटना दर्ताहरु अनलाईन मार्फत दर्ता गरिने निर्णयमा हस्ताक्षर गरेका थिए । प्रमुख आचार्यको यो पहिलो निर्णय हो ।  

माओवादी तथा नेपाली कांग्रेस को गठबन्धनमा भएको यस गाउँपालिकामा प्रमुख र उपप्रमुख सहित ८ वटा वडामा नेकपा एमाले २ वटा वडामा माओवादी केन्द्र र १ वडामा नेपाली कांग्रेसले वडा अध्यक्ष हात पारेका छन् ।

प्रकाशित : जेष्ठ ५, २०७४ २०:०१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT