कङ्गोमा नेपाली सेना तथा विद्रोहीबीच झडप

शम्शेरदल गण २३ औं डफ्फाको सैनिक गस्तीमाथि स्थानिय विद्रोही समूह माई–माईद्वारा भएको आक्रमणको प्रतिकार गर्दा नेपाली सेनाको २ जवान घाईते भएको सैनिक जनसम्पर्क निर्देशनालयले आइतबार जनाएको हो । उक्त झडपमा विद्रोहीतर्फ नेपाली शान्ति सैनिकले प्रहार गरेको गोली लागि ५ जना विद्रोहीको मृत्यु भएको छ । 

उक्त घटनामा विद्रोहीबाट बरामद भएका एके–४७ राईफल २ र सो को एम्युनिशन ५० राउण्ड कंगोको राष्ट्रिय सेना लाई बुझाइएको छ । गण रहेको स्थान बेनीबाट करिब २२ कि.मी. टाढा कवास भन्ने स्थानमा भएको उक्त झडप भएको र घाइते नेपाली सैनिकहरुको गोमास्थित युएनको लेवल ३ अस्पतालमा उपचार भई रहेको सैनिक जनसम्पर्क निर्देशनालयको विज्ञप्तिमा उल्लेख छ । अहिले उक्त स्थानको स्थिति नियन्त्रणमा रहेको बताइएको छ ।