३५ वटै जिल्लामा कांग्रेस प्रतिनिधि खटिए

महतको नेतृत्वमा अनुगमन कार्यदल
कान्तिपुर संवाददाता

काठमाडौं — कांग्रेसले स्थानीय तहको दोस्रो चरणअन्तर्गत चुनाव हुने ३५ वटै जिल्लामा केन्द्रीय प्रतिनिधि खटाएको छ । वरिष्ठ नेता रामचन्द्र पौडेलको संयोजकत्वमा रहेको निर्वाचन परिचालन समितिले केन्द्रीय प्रतिनिधि खटाएको हो । चुनाव हुने ३५ जिल्लाबाट प्रतिनिधित्व गर्ने केन्द्रीयस्तरका नेतालाई भने खटाइएको छैन ।

उनीहरु केही दिनयता आफ्ना जिल्ला र क्षेत्रमा चुनावी प्रचारमा व्यस्त छन् ।

कांग्रेसद्वारा सोमबार जारी विज्ञप्तिअनुसार ताप्लेजुङमा भिमसेनदास प्रधान, पाँचथरमा अर्जुनप्रसाद जोशी, इलाममा श्यामकुमार घिमिरे, झापामा रामशरण महत, संखुवासभामा प्रकाशमान सिंह र जीवन परियार, तेह्रथुममा जगदिश्वरनरसिंह केसी र भोजपुरमा बहादुरसिंह लामा खटिएका छन् । धनकुटामा मोहनबहादुर बस्नेत, मोरङमा विमलेन्द्र निधि, सुनसरीमा अर्जुनरसिंह केसी, सोलुखुम्बुमा यज्ञबहादुर थापा, खोटाङमा राजेन्द्रकुमार केसी, ओखलढुंगामा प्रकाश शर्मा पौडेल, उदयपुरमा तेजुलाल चौधरी र गुल्मीमा चन्द्रवहादुर कुँवर खटाइएका छन् । 

यस्तै, पाल्पामा ध्रुव वाग्ले, अर्घाखाँचीमा कमला पन्त, नवलपरासीमा रोमी गौचन र रञ्जीत कर्ण, रुपन्देहीमा महेन्द्र यादव र शंकर भण्डारी, कपिलबस्तुमा धनराज गुरुङ र रामकृष्ण यादव, रुकुममा गोविन्द भट्टराई, रोल्पामा उदयशमसेर राणा, प्यूठानमा रामचन्द्र पोखरेल र खड्गबहादुर बस्याल, दाङमा सुरेन्द्रराज पाण्डे, बाँकेमा हृदयराम थानी, बर्दियामा चित्रलेखा यादव, उमाकान्त चौधरी र रेशमवहादुर बाँनिया, बाजुरामा इन्द्र बाँनिया, अछाममा मोहनप्रसाद बराल, बझाङमा प्रदीप पौडेल, डोटीमा चन्द्र महर्जन, कैलालीमा रत्ना शेरचन, दार्चुलामा गगन थापा, बैतडीमा तप्तबहादुर विष्ट, डडेलधुरामा शेषनाथ अधिकारी र कंचनपुरमा जीवनबहादुर शाहीलाई खटाइएको छ । 

निर्वाचन परिचालन समितिले १, ५ र ७ नम्बर प्रदेशको स्थानीय तहको चुनाव अनुगमन गर्न केन्द्रीय सदस्य प्रकाशशरण महतको संयोजकत्वमा निर्वाचन अनुगमन कार्यदल गठन गरेको छ । जसमा महालक्ष्मी उपाध्याय, नविन्द्रराज जोशी, अम्बिका बस्नेत, चीनकाजी श्रेष्ठ र दिलबहादुर घर्ती सदस्य छन् ।

प्रकाशित : असार ५, २०७४ १९:४६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

चार दिन शै‌क्षिक संस्था बिदा दिन निर्वाचन आयोगको पत्राचार

कान्तिपुर संवाददाता

काठमाडौं — निर्वाचन आयोगले यही असार १४ गते दोस्रो चरणको स्थानीय तह निर्वाचन हुने प्रदेश नं १, ५ र ७ का ३५ जिल्लामा मतदानका दिन सार्वजनिक बिदा दिने व्यवस्था मिलाउन गृह मन्त्रालयलाई निर्देशन दिएको छ ।

सरकारी, अर्धसरकारी कार्यालयमा कार्यरत अधिकांश कर्मचारी मतदानमा परिचालन हुनुपर्ने भएकाले सार्वजनिक सेवा प्रवाह गर्न कठिनाइ हुने जनाउँदै आयोगले ती जिल्लामा सार्वजनिक बिदा दिने व्यवस्था मिलाउन मन्त्रालयलाई लेखी पठाउने निर्णय भएको आयोगका प्रवक्ता सूर्यप्रसाद शर्माले जानकारी दिए ।

स्थानीय तहको निर्वाचनमा मतदान सञ्चालन गर्ने सन्दर्भमा दोस्रो चरणमा निर्वाचन हुने ३३४ स्थानीय तहका अधिकांश मतदान केन्द्र सार्वजनिक एवम् संस्थागत विद्यालय वा क्याम्पसजस्ता शैक्षिक संस्थामा तोकिएको जानकारी दिँदै आयोगले ती जिल्लाका सार्वजनिक एवं संस्थागत विद्यालय र क्याम्पसमा यही असार ११ देखि असार १४ गतेसम्म सार्वजनिक बिदा दिने व्यवस्था मिलाउन पनि शिक्षा मन्त्रालयलाई पत्राचार गर्ने निर्णय गरेको छ ।

आयोगले सार्वजनिक, संस्थागत विद्यालय वा क्याम्पसमा मतगणना हुने अवस्थामा भएको खण्डमा मतगणना सम्पन्न नभएसम्म उक्त विद्यालय वा क्याम्पस भवन र परिसर उपलब्ध गराइदिने व्यवस्था मिलाउन मन्त्रालयलाई निर्देशन दिने निर्णय गरेको छ ।

त्यस्तै निर्वाचन सञ्चालनका लागि कतिपय मतदान केन्द्र गाउँपालिका तथा नगरपालिकाका वडा कार्यालय, स्वास्थ्य चौकी, कृषि सेवा केन्द्रलगायत सार्वजनिक भवन र परिसरमा तोकिएको हुँदा स्थानीय तह निर्वाचनको मतदान प्रयोजनका लागि त्यस्ता भवन र परिसर उपलब्ध गराइदिने व्यवस्था मिलाउन सम्बन्धित निकायलाई पत्राचार गर्ने पनि आयोगबाट निर्णय भएको प्रवक्ता शर्माले जानकारी दिए । रासस

प्रकाशित : असार ५, २०७४ १९:४६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT