एमाले उम्मेदवारको घरमा बम विस्फोट
खोटाङ — एमाले उम्मेदवारको घरमा मंगलबार राति बम विस्फोट भएको छ । रुपाकोट मझुवागढी नगरपालिका वडा नं ८ का अध्यक्षमा एमालेबाट उम्मेदवारी दिएकी लीला चौहानको घरमा मंगलबार राति बम विस्फोट भएको हो ।
विस्फोटमा चौहानकी भाइ बुहारी २२ वर्षीया शकुन्तला चौहान सामान्य घाइते भएकी छन् । उनको अवस्था सामान्य रहेको प्रहरी निरीक्षक किरण गुरुङले बताए ।
चौहानको घरमा राखिएको दुईवटा सुतली बममध्ये साढे सात बजे एउटा विस्फोट भएको प्रहरीले जनाएको छ । एउटा भने नेपाली सेनाको शेरगण मुढे ब्यारेकका डिस्पोजल टोलीले बुधबार बिहान साढे ८ बजे विस्फोट गराएको छ । विस्फोटको कसैले जिम्मेवारी लिएको छैन । विस्फोटपछि स्थानीय आतंकित बनेका छन् ।
प्रकाशित : असार ७, २०७४ ०९:०५प्रतिक्रिया