प्रधानन्यायाधिश पराजुलीको पदबहाली

कान्तिपुर संवाददाता

काठमाडौं — प्रधानन्याायधीश गोपाल पराजुलीले न्यायालयमा हुने ढिलासुस्तीलाई हटाउन पहल गर्ने प्रतिबद्धता जनाएका छन् । राष्ट्रपति विद्यादेवी भण्डारीबाट सपथ ग्रहण गरी सर्वोच्च अदालतमा पदबहाली गर्ने क्रममा प्रधानन्यायाधिश पराजुलीले न्यायालयमा देखिएका सबै खाले विकृति निर्मुल पार्ने बताए

 ।

उनले न्यायाधीशहरुको सम्पत्ति विवरणको नियमित अनुगमन, छानबिन र न्यायाधीशको आचारसंहितालाई कडाइका साथ अनुगमन गर्ने घोषणा गरे । उनले एउटै मुद्दामा लामो समय सुनुवाइ गर्नुपर्ने परिपाटी अन्य गर्ने उल्लेख गर्दै लामो समयदेखि थाती रहेका मुद्दा छिटो किनारा लगाउने प्रतिबद्धता जनाए ।

२०४८ सालमा पुनरावेदन अदालतका न्यायाधीश बनेका पराजुली २०६७ सालमा पुनरावेदन अदालतको मुख्य न्यायाधिश बनेका थिए । उनी २०७१ सालमा सर्वोच्च अदालतका न्यायाधीशमा नियुक्त बनेका हुन् । उनी आगामी १० महिनासम्म प्रधानन्यायाधीश रहनेछन् । 

–रासस

प्रकाशित : श्रावण २, २०७४ १७:१९
प्रतिक्रिया
पठाउनुहोस्

काठमाडौंमा पार्किङ गर्न अब शुल्क तिर्नुपर्ने

कान्तिपुर संवाददाता

काठमाडौं — काठमाडौं महानगरपालिकाले निशुल्क पार्किङ गर्न दिने पूर्व नीतिलाई खारेज गर्दै शनिबार पारित गरेको आर्थिक ऐन–२०७४ पारित गर्दै पार्किङमा शुल्क लिने निर्णय गरेको छ । महानगरपालिकाले पारित गरेको ऐनअनुसार काठमाडौं क्षेत्रलाई ३ क्षेत्रमा विभाजित गरी पार्किङ शुल्क लिने निर्णय गरेको हो ।

काठमाडौं महानगरपालिकाले निशुल्क पार्किङ गर्न दिने पूर्व नीतिलाई खारेज गर्दै शनिबार पारित गरेको आर्थिक ऐन–२०७४ पारित गर्दै पार्किङमा शुल्क लिने निर्णय गरेको छ ।

महानगरपालिकाले पारित गरेको ऐनअनुसार काठमाडौं क्षेत्रलाई ३ क्षेत्रमा विभाजित गरी पार्किङ शुल्क लिने निर्णय गरेको हो । जसअनुसार दुई पांग्रे सवारीले क्षेत्र अनुसार १५ देखी २० रुपैयाँ, चार पांग्रेले ४० देखी ५० रुपैयाँ र छ पांग्रे माथिकाले १०० देखि २०० रुपैयाँ प्रति घन्टा पार्किङ शुल्क बुझाउनुपर्ने भएको छ ।

यस्तै महानगरपालिकाले पार्किङ व्यवसाय संचालन गर्न पनि पूर्व अनुमति लिनुपर्ने र पार्किङ गर्दा सडकको कुल चौढाईको २५ प्रतिशतभन्दा बढी भाग नओगट्ने गरी स्पष्ट रेखांकन गर्नुपर्ने व्यवस्था गरेको छ । महानगरपालिकाले आधुनिक प्रविधि प्रयोग गरेर पार्किङ व्यवसाय संचालन गरे सोमा लाग्ने करमा पनि छुट दिने बताएको छ ।

यस्तो छ क्षेत्र निर्धारण र शुल्क :

प्रकाशित : श्रावण २, २०७४ १७:१९
पूरा पढ्नुहोस्
प्रतिक्रिया
पठाउनुहोस्