कावासोती नपाको नगरसभामा झडप

नवीन पौडेल

काठमाडौं — नवलपरासीको कावासोती नगरपालिकाको प्रथम नगरसभामा झडप भएको छ । आर्थिक वर्ष ७४/७५ को नीति तथा कार्यक्रम प्रस्तुत गर्ने क्रममा नेपाली काँग्रेस र माओवादी केन्द्रबाट निर्वाचित नगरसभाका सदस्य तथा एमालेबाट निर्वाचित जनप्रतिनिधि बिच झडप भएको हो ।

शुक्रवारबाट सुरु भएको नगरसभामा ९ वटा वडाका वडाध्यक्षले विरोध जनाउँदै आफ्ना माग पुरा नभएसम्म सभा चल्न नदिने बताएपछि स्थगित भएको सभा सोमबार पुन: बसेको थियो । विहान १० बजे बस्ने भनेपनि दुईपक्ष वीच कुरा नमीलेपछि मेयर चन्द्रा देवी पुनले सभा सुचारु गरेर नीति तथा कार्यक्रम प्रस्तुत गर्न वडा नम्बर २ का वडाध्यक्ष लक्ष्मी पौडेललाई रोष्टममा बोलाएका थिए । त्यही बेला असन्तुष्ट वडाध्यक्ष र नगरसभाका सदस्यले रोक्ने प्रयास गर्दा झडप भएको हो । झडप पछि केही समयमा लागि पुन: नगरसभा स्थगित गरिएको छ ।

प्रकाशित : श्रावण २, २०७४ १८:५२
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

खोलामा खसेर एकको मृत्यु

भीमबहादुर सिंह

जाजरकोट — त्रिबेणी नलगाड नगरपालिका ३ का ४० बर्षीय बलबहादुर परियारको खहरे खोलामा बगेर मृत्यु भएको छ । परियार काठको अस्थायी लाप्को भाँचिंदा साङ्टा खोलामा खसेका थिए ।

परियार श्रीमती बेलमतिको उपचारका कट्केस्थित घरबाट कैना स्वाथ्य चौकीतर्फ जाने क्रममा साङ्टा खोलाको काठको लाप्को भाँचिंएर खोलामा खस्दा उनको ज्यान गएको वडा अध्यक्ष प्रचण्ड वलीले बताए ।

श्रीमतीलाई खोला पारि राखेर परियारले शुरुमा खोला तर्दै गर्दा लाप्को भाँचिएको हो । लाप्कोद्वारा खोला पार गर्ने क्रममा घटना भएको उनले बताए । खोलामा खसेका परियारको शव २ किलोमीटर टाढा फेला परेको अध्यक्ष वलीले बताए ।

प्रकाशित : श्रावण २, २०७४ १८:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT