मन्त्रीको नाम टुंगो लगाउन बोलाइएको माओवादी हेडक्वार्टर बैठक स्थगित

कान्तिपुर संवाददाता

काठमाडौं — पार्टीबाट सरकारमा सहभागी मन्त्रीहरुको नाम टुंगो लगाउन भन्दै बोलाइएको माओवादी केन्द्रको हेडक्वार्टर बैठक स्थगित भएको छ ।

कांग्रेसले आफ्ना तर्फबाट नाम टुंगो लगाउन नसक्नु र पार्टी अध्यक्ष पुष्पकमल दाहाल पनि अन्य भेटघाटमा व्यस्त हुनुभएकोले हेडक्वाटर बैठक भोलिलाई सारिएको दाहालका प्रमुख स्वकीय सचिव जोखबहादुर महराले जानकारी दिए । उनले भने, 'आज सकिएन, भोलि बैठक बसेर क्याबिनेट विस्तार टुंगो लाग्छ ।' मा‌ओवादी हेडक्वार्टर बैठक दिउँसो ३ बजे लाजिम्पाटमा बोलाइएको थियो ।

माओवादीले अब ६ जना मन्त्री पठाउनु पर्नेछ । यसअघि उपप्रधानसहित तीन मन्त्री माओवादीबाट सरकारमा सहभागी भइसकेका छन् । नयाँ मन्त्री बन्नेमा गिरिराजमणि पोखरेल, महेन्द्रबहादुर शाही, टेकबहादुर बस्नेत, सीता नेपाली, शिवकुमार मण्डललगायतको नाम चर्चामा छ ।

प्रकाशित : श्रावण १०, २०७४ १६:०८
प्रतिक्रिया
पठाउनुहोस्

अफगानिस्तानसँगको हारसँगै नेपालको यू–१९ विश्वकप यात्रा समाप्त

कान्तिपुर संवाददाता

काठमाडौं — अफगानिस्तानसँगको अन्तिम खेलमा ९६ रनले पराजित भएपछि नेपालको यू–१९ विश्वकप खेल्ने अवसर गुमेको छ । मंगलबार सिंगापुरमा भएको खेलमा अफगानिस्तानले पहिलो ब्याटिङ गर्दै नेपाललाई १९६ रनको लक्ष्य दिएको थियो । नेपाली टिमले उक्त लक्ष्य पछ्याउने क्रममा सस्तो मै समेटिएपछि अफगानिस्तानले न्यूजिल्याण्डमा हुने विश्वकपमा आफ्नो स्थान सुरक्षित गर्न सफल भएको हो ।

अफगानिस्तानसँगको अन्तिम खेलमा ९६ रनले पराजित भएपछि नेपालको यू–१९ विश्वकप खेल्ने अवसर गुमेको छ ।

मंगलबार सिंगापुरमा भएको खेलमा अफगानिस्तानले पहिलो ब्याटिङ गर्दै नेपाललाई १९६ रनको लक्ष्य दिएको थियो । नेपाली टिमले उक्त लक्ष्य पछ्याउने क्रममा सस्तो मै समेटिएपछि अफगानिस्तानले न्यूजिल्याण्डमा हुने विश्वकपमा आफ्नो स्थान सुरक्षित गर्न सफल भएको हो ।

नेपालले ४०.३ ओभरमा सबै विकेट गुमाउँदै मात्र ९९ रन बनाउन सक्यो । यो हारसँगै नेपालको कुल अंक ८ मै सिमित भयो भने अफगानिस्तानले १२ अंक बटुल्दै छनोट भएको हो ।

जितमा अफगानिस्तानका ब्याट्स्म्यान इब्राहिम जद्रानले महत्वपूर्ण १०१ रन बनाएका थिए । नेपालले कसिलो बलिङ गरेर अफगानिस्तानलाई सस्तोमै समेट्न सफल भएपनि ब्याट्स्म्यानहरुले भने गतिलो प्रदर्शन गर्न नसक्दा जितबाट चुकेको हो । नेपालका लागि सबाब आलमले ४ र दिपेन्द्र ऐरीले ३ विकेट लिएका थिए ।

नेपालको ब्याटिङ क्रममा पनि अलराउन्डर ऐरी नै अब्बल सावित भए । उनले ४८ रनको योगदान गरे भने अन्य सबै ब्याट्स्म्यान थोरै रन बनाउँदै पेभिलिएन फर्किएका थिए । अफगानिस्तानका लागि बलरहरु युसुफ जाजीले ४ मुजिब रहमानले ३ विकेट लिएका थिए ।

नेपालका सन्दीप लामिछाने म्यान अफ द सिरिज भए ।



सच्याइयाे- यस समाचारको शिर्षकमा यू-१९ हुनुपर्नेमा अन्यथा भएकोमा सच्याइएको छ ।

प्रकाशित : श्रावण १०, २०७४ १६:०८
पूरा पढ्नुहोस्
प्रतिक्रिया
पठाउनुहोस्