शुक्रबारदेखि राजधानीमा रोजगार मेला

कान्तिपुर संवाददाता

काठमाडौं — तीन वर्षीय डिप्लोमादेखि स्नातकोत्तर पढेका विद्यार्थीलाई रोजगारी दिन शुक्रबारदेखि राजधानीमा रोजगार मेला लाग्ने भएको छ ।

आसाम डाउनटाउन युनिभर्सिटीको संयोजनमा हुने पहिलो अन्तर्राष्ट्रिय रोजगार र करिअर फेयरमा नेपाल र भारतका विभिन्न प्रख्यात कम्पनीले सिधै रोजगारीका अवसर दिने आयोजकले जनाएको छ । मुलुकमा ब्याप्त बेरोजगार न्यूनिकरण गर्न रोजगारीको खोजीमा रहेका शिक्षित युवालाई लक्षित गरेर मेला गर्न लागिएको लक्ष्मी एजुकेशनल कन्सल्टेन्सीका सिइओ एवं कार्यक्रम संयोजक शंकर भट्टराइले बताए । शनिबारसम्म चल्ने मेला भृकुटीमण्डपस्थित महेन्द्र पुलिस क्लबमा हुनेछ ।
 
भारतका प्रतिष्ठित कम्पनी रिलाइन्स जिओ र र्‍याडिसन होटल मेलामा सहभागी हुने आयोजकले जनाएको छ । मोबाइल कम्पनी रिलायन्सले एक सय ५० जना इलेक्ट्रोनिक्स इन्जिनियरलाई रोजगारीको अवसर दिने भट्टराईले बताए । भारतको चेन होटल सञ्चालन गरेको र्‍याडिसनले आफूलाई आवश्यक पर्ने जनशक्ति मेलामै छनौट गर्ने उनले बताए । त्यस्तै मेलामा सहभागी नेपालका कर्पोरेट हाउसहरुले पनि आफूलाई आवश्यक पर्ने जनशक्ति मेलाबाटै छनौट गर्न सक्ने उनले बताए । नेपालका सिप्रदी, टोयटा, सद्धा, क्लाकि टेक, बिरला टायर, सुबिसु, डिसहोम, यामाहालगायत १८ वटा स्वदेशी कम्पनीहरु सहभागी हुनेछन् । ‘मेलामा आउने विद्यार्थीले आफ्नो बायोडाटा भने अनिवार्य ल्याउनु पर्ने हुन्छ,’ भट्टराईले भने, ‘विद्यार्थीको योग्यता के छ ? रोजगारदाता कम्पनीले कस्ता कामदार माग गरेका छन् ? दुवैलाई भेटाउन मेला आयोजना गरिएको हो ।’ क्याम्पस टु कर्पोरेटको अवधारणा अनुसार मेला आयोजना गर्न लागिएको उनले बताए । 

प्रकाशित : श्रावण २६, २०७४ १०:४७
प्रतिक्रिया
पठाउनुहोस्
ADVERTISEMENT
ADVERTISEMENT

राप्रपाको प्रदेश अधिवेशन भदौमा

काठमाडौं — राष्ट्रिय प्रजातन्त्र पार्टी (राप्रपा) ले सातै प्रदेशमा संगठन समायोजन गर्ने उद्देश्यले आगामी भदौमा प्रदेश अधिवेशन गर्ने भएको छ । संविधानअनुसार नयाँ संरचनामा पार्टी संगठनलाई सुदृढ बनाउन सातै प्रदेशमा नयाँ नेतृत्व प्रदान गर्न अधिवेशन गर्न लागिएको प्रवक्ता भुवन पाठकले जानकारी दिए ।

तत्कालीन राप्रपा–नेपाल राप्रपासँग एकीकरण भएपछि चाँडो सो अधिवेशन गर्ने भनिएको भएपनि आन्तरिक द्वन्द्वका कारण अहिलेसम्म हुन सकेको थिएन । प्रदेशको अधिवेशनपछि देशका ७४४ स्थानीय तहमा पार्टीले सांगठनिक संरचना तयार गर्ने र विभिन्न राजनीतिक गतिविधि सञ्चालन गर्नेछ । प्रत्येक प्रदेशमा अध्यक्षको नेतृत्वमा नौजना रहेको परिषद् गठन गरिनेछ । प्रदेशमा ६० प्रतिशत निर्वाचनबाट प्रतिनिधि छनोट गरिनेछ भने ४० प्रतिशत अध्यक्षले मनोनयन गर्ने गरी गृहकार्य भइरहेको छ । अधिवेशनका लागि तिथि भने अझै निश्चित भइसकेको छैन ।

पार्टीले स्थानीय तहको दुईवटा निर्वाचनमा पार्टीले अपेक्षाकृत सफलता प्राप्त गर्न नसकेपछि नयाँ रणनीति बनाएर आगामी स्थानीय तह तथा प्रादेशिक र केन्द्रीय चुनावमा प्रतिस्पर्धा गर्ने जनाएको छ ।

आगामी असोज २ गते हुने तेस्रो चरणको स्थानीय तहमा धेरै स्थानमा सफलता प्राप्त गर्न शीर्ष नेतृत्व त्यसतर्फ केन्द्रित गरिनेछ । पार्टीले स्थानीय तहमा अन्य दलको अवस्था मूल्यांकन गरी तालमेलसमेत गर्ने जनाएको छ । रासस

प्रकाशित : श्रावण २६, २०७४ १०:४७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT