विराटनगर विमानस्थलमा कम्मर कम्मर पानी (भिडियो र फोटो फिचर)

लीलाबल्लभ घिमिरे

विराटनगर — शुक्रबार रातिदेखि परेको निरन्तरको वर्षाले विराटनगर डुबानमा परेको छ । दुहबी खोला फुटेर विराटनगर पसेपछि कोशी राजमार्गको पश्चिम क्षेत्र डुबेको छ ।

विराटनगर विमानस्थलमा कम्मर कम्मर (डेढ मिटर) पानी जमेको छ । बिहान ५ बजेदेखि विराटनगरमा हिंडडुल बन्द भएको हो । एयरपोर्ट गेटबाटै खोलाको भंगालो भित्र पसेको छ ।

विराटनगर विमानस्थल डुबानमा परेपछि उडान ठप्प भएको छ । कर्मचारीलाई भुइँतलाका काजगात र सरसामान जोगाउन हम्मे हम्मे परेको छ ।

धावनमार्गमा भने श्री एयरलाइन्सको नयाँ जहाजमात्रै पार्किङमा रहेको छ । यो जहाज शुक्रबार नै विराटनगर आएको थियो ।

भिडियो र फोटोहरु : लीलाबल्लभ घिमिरे/कान्तिपुर

प्रकाशित : श्रावण २८, २०७४ १४:१०
प्रतिक्रिया
पठाउनुहोस्
ADVERTISEMENT

पहिरोले सडक भत्किएपछि धरान धनकुटा अवागमन अवरुद्ध

प्रदीप मेन्याङ्बो

धरान — अविरल वर्षाको कारण पहिरो झरेपछि धरान–धनकुटा सडक खण्डमा शनिबार विहानदेखि यातायात आवगमन ठप्प भएको छ । गए राति झरेको पहिरोले गर्दा अहिले कोशी राजमार्गमा कुनै पनि सवारी साधन चल्न सकेका छैनन् ।

धरान उपमहानगरपालिका १३ स्थित निशाने खोला र आपगाछी विचमा पर्ने कोशी राजमार्गमा पहिरो झरेको हो । पहिरोले सडकको करिव २० मिटर कटान गरेपछि सवारी आवगमन ठप्प भएको हो । पहिरोले सडक नै वगाएपछि धरानबाट भोजपुर, धनकुटा, तेह्रथुम जाने पहाडि रुटका सैयौ सवारी साधान धरानमै रोकिएका छन् । पहाडी क्षेत्रबाट आउने सवारीसाधानहरु भेडेटार र आपगांछीमा रोकिएका छन् ।

धरान–धनकुटाको उक्त सडक खण्ड पहिले देखि नै जोखिमपुर्ण रहेको थियो । एक बर्षअघि नै सडक धसिएर आधाफुट सतह तल झरेको थियो ।

प्रकाशित : श्रावण २८, २०७४ १४:१०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT