मकवानपुरमा पहिरोले घर पुर्दा एकै घरका ६ जना वेपत्ता

बाढी र पहिरोले मृत्यु हुनेको संख्या ६
प्रताप विष्ट

हेटौंडा — मकवानपुरको बकैया गाउँपालिका १० मन्थलीमा पहिरोले घर पुर्दा एकै परिवारका ६ जना वेपत्ता छन् । पहिरोले पुरेको घरबाट एक जना ७ वर्षीय बालकको शव फेला परेको प्रहरीले जनाएको छ । अन्य ६ जना वेपत्ता छन् ।

शुक्रबारदेखि आएको अविरण वर्षाका कारण उत्पन्न बाढी र पहिरोका कारण मकवानपुरमा हालसम्म मृत्यु हुनेको संख्या ६ पुगेको छ । 
बकैया गाउँपालिका १ मा आइतबार खोला तर्ने क्रममा आमा छोराको बगेर मृत्यु भएको छ । मृत्यु हुनेमा ३२ वर्षीया सुनमाया मोक्तान र १३ वर्षीय विशाल मोक्तान छन् । 

यस्तै, हेटौंडा उपमहानगरपालिका १३ पोखरीमा स्थानीय खोलाले बगाएर २५ वर्षीय ज्ञानबहादुर डिमडुङको मृत्यु भएको छ । 

शनिबार मकवानपुरमा बाढी र पहिरोका कारण दुई जनाको मृत्यु भएको थियो । 

प्रकाशित : श्रावण २९, २०७४ १५:०३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

२ दिनपछि एकतर्फी खुल्यो दाउन्ने

नवीन पौडेल

नवलपरासी — पहिरोका कारण अवरुद्ध भएको पूर्वपश्चिम राजमार्गअन्र्तगत नवलपरासीको दाउन्नेमा एक तर्फीरुपमा सडक खुलेको छ । दाउन्नेको एसमोडनजिकै डाँडाबाट आउने भलको पानीले करिब पचास मिटर बगाएको सडकमा अस्थाई डाईभर्सन बनाएर यातायात सुचारु गरिएको ट्राफिक प्रहरी निरीक्षक धर्मेन्द्र रावलले जानकारी दिए ।

दुई दिनसम्म अलपत्र परेका यात्रुलाई एकतर्फी भएपनि यातायात सञ्चालन भएपछि राहतको महसुस गरेका छन् । दाउन्ने खण्डको १५ किलोमिटरमा एक दर्जन बढी स्थानमा पहिरो र रुख ढलेको छ । 

सडक बगाएपछि बैकल्पिक मार्गको प्रयोग गर्न यात्रुलाई सडक डिभिजन र प्रहरीले अनुरोध गरेको छ । दाउन्नेकै ज्यामीरेमा आज फेरी सडक भासिएपछि यातायात सञ्चालनमा थप कठीनाई भएको छ । लामो समयसम्म अलपत्र परेका यात्र र सवारीलाई सुचारु गराएको भएपनि पहिरो खसिरहेकाले नियमित यातायात सञ्चालनका लागि भने कठीनाई हुने प्रहरीले जनाएको छ । 

प्रकाशित : श्रावण २९, २०७४ १५:०३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT