बबई नदीको टापुमा नौ जना अल्झिए, उद्धार जारी

टापुमा अल्झिएको खबर पाएपछि अहिले ईलाका प्रहरी कार्यालय तुलसीपुरबाट प्रहरी निरिक्षकको कमाण्डमा नेपाल प्रहरी र नेपाली सेना सहितको टोली उद्धारका लागि खटिएको निमित्त जिल्ला प्रहरी प्रमुख डिएसपी भुवनेश्वर तिवारीले बताएका छन् ।

दुई दिनदेखिको निरन्तर बर्षाले बबईमा पानीको वहाव बढिरहेको उनले जानकारी दिए । जसका कारण नदी आसपासका बासिन्दा रातभर जाग्राम बसिरहेको प्रहरीले जनाएको छ ।