बाबुराम भट्टराईलाई अर्को झट्का, नयाँ शक्तिका २०६ केन्द्रीय नेता बाहिरिए

टीकाराम तामाङ

काठमाडौं — नयाँ शक्ति पार्टीका संयोजक एवं पूर्वप्रधानमन्त्री बाबुराम भट्टराईलाई फेरि अर्को झट्का लागेको छ । '१५ भाइ'सहितका केन्द्रीय नेताहरुले पार्टी परित्याग गरेको साता दिन बित्न नपाउँदै ठूलो संख्यामा केन्द्रीय परिषद् सदस्यहरुले 'विद्रोह' गरेपछि नयाँ शक्तिलाई अर्को चोट लागेको हो ।

नयाँ शक्ति पार्टीका संयोजक एवं पूर्वप्रधानमन्त्री बाबुराम भट्टराईलाई फेरि अर्को झट्का लागेको छ ।

'१५ भाइ'सहितका केन्द्रीय नेताहरुले पार्टी परित्याग गरेको साता दिन बित्न नपाउँदै ठूलो संख्यामा केन्द्रीय परिषद् सदस्यहरुले 'विद्रोह' गरेपछि नयाँ शक्तिलाई अर्को चोट लागेको हो । संयोजक बाबुराम भट्टराईलाई छाडेर संघीय परिषद् सदस्य बलराम पुन नेतृत्वमा २ सय ६ जनाले देवेन्द्र पौडेल समूहलाई समर्थन गरेको संयुक्त विज्ञप्तिमार्फत् घोषणा गरेका छन् ।

Yamaha

केही दिनअघि गठित पौडेलको नेतृत्वमा ध्रुविकरण केन्द्रीय संयोजन समितिमा उनीसहित कुमार पौडेल, मुक्ति प्रधान, पासाङ शेर्पालगायत १५ जना केन्द्रीय नेता छन् । ती विद्रोही समितिलाई '१५ भाइ' को रुपमा चिनाइएको छ । पौडेल समूहले पार्टी नीतिविपरीत गतिविधि गरेको भन्दै नयाँ शक्तिले साधारण सदस्य समेत नरहने गरी कारबाही गरिसकेको छ ।

पार्टीबाट निष्कासनमा परेको समूह पर्सी म‌ंगलबारसम्ममा माओवादी केन्द्रमा प्रवेशको तयारी छ । १५ भाइमध्येका एक पासाङ शेर्पाले कान्तिपुरसँग भने, 'माओवादी केन्द्रमा प्रवेशका लागि छलफल भइरहेको छ । सम्भवत पर्सि ६ गते हुन्छ ।' उनले आफूहरुलाई मा‌‌ओवादी केन्द्रमा दिइने जिम्मेवारीलगायत विषयमा छलफल चलिरहेको बताए ।

नयाँ शक्ति छाडेका रामचन्द्र झा, रामकुमार शर्मालगायत दर्जन नेता भने आइतबार नै माओवादी केन्द्र प्रवेश गरिसकेका छन् ।

हेर्नुहोस् नयाँ शक्तिका विद्रोही समूहलाई समर्थन गर्नेहरु

Esewa Pasal

प्रकाशित : भाद्र ४, २०७४ १९:२२
ADVERTISEMENT
प्रतिक्रिया
पठाउनुहोस्
ADVERTISEMENT

निजी क्षेत्रले स्थानीय तहको निर्वाचन सफल बनाउन सहयोग गर्नेछ : प्रधानमन्त्री

टीकाराम तामाङ

काठमाडौं — प्रधानमन्त्री पुष्पकमल दाहालले स्थानीय तहको निर्वाचन सफल बनाउन सरकारले निजी क्षेत्रबाट सहयोगको अपेक्षा गरेको बताएका छन् । बिहीबार काठमाडौंमा नेपाल अन्तर्राष्ट्रिय व्यापार मेलाको समुद्घाटन समारोहमा प्रधानमन्त्री दाहालले स्थानीय सरकारलाई सशक्त बनाउन स्थानीय निर्वाचन घोषणा गरिसकेकोले यसलाई सफल गर्नमा निजी क्षेत्रको ठूलो सहयोगको अपेक्षा गरेको बताएका हुन् ।

प्रधानमन्त्री पुष्पकमल दाहालले स्थानीय तहको निर्वाचन सफल बनाउन सरकारले निजी क्षेत्रबाट सहयोगको अपेक्षा गरेको बताएका छन् ।

बिहीबार काठमाडौंमा नेपाल अन्तर्राष्ट्रिय व्यापार मेलाको समुद्घाटन समारोहमा प्रधानमन्त्री दाहालले स्थानीय सरकारलाई सशक्त बनाउन स्थानीय निर्वाचन घोषणा गरिसकेकोले यसलाई सफल गर्नमा निजी क्षेत्रको ठूलो सहयोगको अपेक्षा गरेको बताएका हुन् ।

अहिले देश राजनीतिक क्षेत्रमा आमूल परिवर्तनपश्चात् संविधान कार्यान्वयन र आर्थिक समृद्धिको दिशामा अगाडि बढिरहेको भन्दै प्रधानमन्त्रीले संविधान कार्यान्वयनको महत्वपूर्ण पक्ष सिंहदरबारमा निहित अधिकार र स्रोत साधनलाई गाउँ गाउँसम्म पु्र्‍याउने गरी नयाँ संरचनाअनुरुप स्थानीय तहलाई अधिकार सम्पन्न तुल्याइएको बताए । यसबाट समेत स्थानीयस्तरमा आर्थिक क्रियाकलापमा बढोत्तरी हुने सरकारको अपेक्षा रहेको उनको भनाइ छ ।

सरकार आर्थिक विकासका लागि उत्तिकै सचेत रहेको भन्दै प्रधानमन्त्रीले आर्थिक विकासका लागि आवश्यक ऐन कानूनहरुलाई सरकारले पारित गर्ने काम निरन्तर रुपमा अगाडि बढाएको बताए ।

उनले भने, 'महासंघ लगायत निजी क्षेत्रको सल्लाह सुझाव समेतलाई मनन गरी देशमा लगानी मैत्री वातावरण तयार गर्ने उदेश्यले नै सरकारले ती ऐन कानुनहरु ल्याएको हो । निजी लगानी प्रवर्द्धन गरी मुलुकको आर्थिक समृद्धि ल्याउन थप कानुन ल्याउने गृहकार्य भइरहेको जानकारी गराउँदछु ।' उनले मुलुकभित्र आर्थिक विकास र समृद्धिका लागि सबैलाई अपिल गरे ।

'राजनीतिक स्थायित्व होला अनि आर्थिक विकासलाई अगाडि बढाउँला भनेर हामी कुरेर बस्ने अवस्था अब छैन' उनले भने, 'हामी धेरै पछाडि परिसकेका छौं, अब यो भन्दा पनि पछाडि पर्ने अवस्था आउन नदिनेतर्फ सबैको सचेत प्रयत्न आवश्यक छ ।'

व्यापार मेलाले नेपाल र अन्तर्राष्ट्रिय देशहरु बीचको आर्थिक सम्बन्ध थप प्रगाढ हुने विश्वास लिएको भन्दै प्रधानमन्त्रीले नेपालमा रहेको स्रोत साधनको प्रचुरता र लगानी सम्भाव्यताका विषयमा बाह्य जगतमा सन्देश पुर्‍याउन समेत मेला सहयोगी हुने विश्वास व्यक्त गरे ।

नेपाल उद्योग वाणिज्य महासंघले सरकारको सहयोगमा आयोजना गरिएको व्यापार मेलामा नेपाल लगायत छिमेकी देशहरु भारत तथा चीन र सार्क क्षेत्रबाट बंगलादेश, पाकिस्तान, भुटान, थाइल्याण्ड समेतको सहभागिता छ ।

प्रकाशित : चैत्र ३, २०७३ १३:४२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT