देउवा र मोदीको संयुक्त पत्रकार सम्मेलन

मोदीले भने– स्थानीय निकायको चुनावको लागि बधाई
देउवाले भने– संविधान संशोधनको प्रयास अझै हुन्छ
कान्तिपुर संवाददाता

काठमाडौं — भारतका प्रधानमन्त्री नरेन्द्र मोदीले नेपालमा स्थानीय तहको निर्वाचन दुई चरणमा भएकोमा बधाई दिंदै त्यसले प्रजातन्त्र तथा स्थायित्वलाई सुदृढ गर्ने आशा व्यक्त गरेका छन् । प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच दुई पक्षीय भेटवार्ता सकिएसंगै संयुक्त पत्रकार सम्मेलनमा बोल्दै मोदीले सो प्रतिक्रिया दिएका हुन् । उनले भारतले नेपालको आर्थिक समृद्धी र विकास चाहेको बताउँदै संविधानको सफलताका साथ लागु गर्न शुभकामना समेत दिएका थिए ।

भारतका प्रधानमन्त्री नरेन्द्र मोदीले नेपालमा स्थानीय तहको निर्वाचन दुई चरणमा भएकोमा बधाई दिंदै त्यसले प्रजातन्त्र तथा स्थायित्वलाई सुदृढ गर्ने आशा व्यक्त गरेका छन् ।

प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच दुई पक्षीय भेटवार्ता सकिएसंगै संयुक्त पत्रकार सम्मेलनमा बोल्दै मोदीले सो प्रतिक्रिया दिएका हुन् । उनले भारतले नेपालको आर्थिक समृद्धी र विकास चाहेको बताउँदै संविधानको सफलताका साथ लागु गर्न शुभकामना समेत दिएका थिए ।

प्रधानमन्त्री देउवा र समकक्षी मोदीबीचको औपचारिक भेटवार्ता सकियो

Yamaha


प्रधानमन्त्री देउवासँग दुई देशको सम्बन्धलाई नयाँ रुपले अगाडि बढाउन विशेष छलफल भएको र हिमालय जति कै पुरानो मित्र नेपाललाई भारतले जुनसुकै अवस्थामा पनि साथ दिने मोदीले बताए ।
यस्तै देउवाले आफूलाई अरुण ३ को शिलान्यासको लागि निम्ता दिएकोमा आभार प्रकट गरे । उनले नेपालको बाढी प्रभावित क्षेत्रमा भारतको तर्फबाट हरेक किसिमको सहयोग रहने प्रतिवद्धता समेत जनाए ।

मोदीपछि पत्रकार सम्मेलनलाई सम्बोधन गर्दै देउवाले आफूले संविधान संशोधन मार्फत संविधानलाई सर्वस्वीकार्य बनाउन खोजे पनि संसदमा दुई तिहाई बहुमत नपुग्दा संशोधन हुन नसकेको स्पष्टोक्ति दिएका थिए । उनले भविष्यमा सबैलाई स्वीकार्य हुने गरी संविधान संशोधन हुनेमा आशावादी रहेको समेत बताए ।

यस्तै उनले कटैया–कुशवाहा र रक्सौल– परवानीपुर विद्युत प्रशारण लाईन विस्तार भएकोमा मोदी सरकारलाई धन्यवाद समेत दिएका थिए ।

प्रकाशित : भाद्र ८, २०७४ १४:३९
ADVERTISEMENT
प्रतिक्रिया
पठाउनुहोस्
ADVERTISEMENT

'मापसे' गरेर सवारी चलाउने १ लाख ४६ हजारको लाइसेन्स प्वाल पारियो

३ सय अठचालीस निलम्बन

काठमाडौं — महानगरीय ट्राफिक प्रहरी महाशाखाले पटक–पकट मादकपदार्थ सेवन गरी सवारी साधान चलाउने ३ सय ४८ जनाको चालक अनुमतिपत्र (लाइसेन्स) निलम्बन गरेको छ ।

महाशाखाका प्रहरी नायब महानिरीक्षक सर्वेन्द्र खनालले पाँचौं पटकसम्म लाइसेन्समा प्वाल पार्ने र छैटौँ पटकमा पनि मादकपदार्थ सेवन गरी सवारी साधान चलाउने चालकको लाइसेन्स निलम्बन गर्ने गरिएको बताए । महाशाखाले विस २०६९ मङ्सिर २२ गतेदेखि मादकपदार्थ सेवन गरी सवारी चलाउने सवारी चालकको लाइसेन्स प्वाल पार्न थालेकामा हालसम्म एक लाख ४६ हजार ४९६ चालकको लाइसेन्स प्वाल पारिसकेको छ । जसमा पहिलोपटक प्वाल पर्ने एक लाख १० हजार २१, दोस्रोपटक २४ हजार ४३७, तेस्रोपटक सात हजार ९५४, चौथोपटक दुई हजार ७५३ र पाँचौँपटक ९७८ जना सवारी चालक पुगेका छन् ।

महाशाखाले आर्थिक वर्ष २०६९/७० मा २२ हजार २७२, २०७०/७१ मा ४८ हजार ६६९, २०७१/७२ मा ३१ हजार ८२४, २०७२/७३ मा २४ हजार १०२ र २०७३/७४ मा १९ हजार ६२४ जना सवारी चालकको लाइसेन्समा प्वाल पारेको जनाएको छ । महाशाखा प्रमुख खनालले पछिल्लो समयमा मापसे गरी सवारी साधन चलाउने चालकको सङ्ख्यामा कमी भएको बताए । रासस

प्रकाशित : भाद्र ८, २०७४ १४:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT