सुस्ताको झोलुंगे पुल निर्माण २ वर्षमा २ प्रतिशत काम

नवलपरासी — नवलपरासीको सुस्तामा २२ करोड ८० लाखको लागतमा निर्माण सुरु भएको झोलुंगे पुल २ वर्ष बितिसक्दा पनि बन्न सकेको छैन ।

जिल्लाको पक्लिहवास्थित नारायणी नदीवारिबाट पारिको सुस्ता जोडने झोलुंगे पुल निर्माणको जिम्मा पाएको ठेकेदार केभी एन्ड पशुपति कन्स्ट्रक्सन कम्पनीको लापरबाहीले पुलनिर्माणको काम अघि नबढेको हो । तीन वर्षभित्र निर्माण सक्न पर्ने ठेकेदाले ठेक्का पाएको २ वर्ष बितिसक्दा २ प्रतिशत पनि काम हुन सकेको छैन । 
सीमापारिको सुस्ता जोड्न १५७१ मिटर लम्बाई र १.७ मिटर फराकिलो झोलुंगे पुल नेपालकै तेस्रो लामो पुल हो । नेपालको सबभन्दा लामो झोलुङ्गे पुल महाकाली नदी पार गर्ने दोधारा चाँदनी हो, जसको लम्बाई १ हजार ४ सय ५२.९६ मिटर छ । 
 
२ वर्षअघि पुल निमार्णका लागि १० क्विन्टल फलामे छड, ६ वटा फलामे पाता र एउटा पुरानो जेनेरेटर ल्याएर छोडेपछि ठेकेदार वेपत्ता भएको त्यहाँका सांसद् देवकरणप्रसाद जयसवाल (सन्तु)ले जानकारी दिए । उनले कामको जिम्मा लिएको ठेकेदारले काम पनि अघि नबढाउने र सम्पर्कमा पनि नआएका कारण निर्माण कार्य अलपत्र परेको बताए । २०७५ असोजमा निमार्ण सम्पन्न गरिसक्नुपर्ने पुल निर्माणमा ठेकेदारले चरम लापरबाही गरेको उनको भनाइ छ ।

नारायणी नदी पारिपट्टि रहेको सुस्ता पुग्न स्थानीयहरु डुंगा तर्नपर्ने बाध्यता रहेको छ । पुलनिर्माण हुने जानकारी पाएपछि खुसी भएका सुस्तेलीहरु ठेकेदारले काम नगर्दा निराश भएका छन् । पुल निर्माणको थोरै सामान खसालेपछि ठेकेदार बेपत्ता भयो स्थानीय उमा गिरी भन्छन्, 'ताकेता गनुपर्ने झोलुंगे पुलका सरोकारवालामा पटक पटक लिखित जानकारी पठाउँदा पनि बेवास्ता भएको छ ।'
 
नारायणी नदी पारिको भारतीय भूमिसँग जोडिएको सुस्तेली नेपाली भूभागमा आउजाउ गर्न हिउँद, बर्खा सधैं डुंगा तर्नुपर्ने बाध्यता छ । भूभाग हुँदै सुस्ता जानका लागि उनीहरु घुमाउरो र लामो बाटो तय गरेर भारतीय भूभाग हुँदै जान पर्छ । नत्र हिउँद वर्षा डुंगा तर्नूबाहेक विकल्प छैन । 

प्रकाशित : भाद्र २८, २०७४ १७:२४
ADVERTISEMENT
प्रतिक्रिया
पठाउनुहोस्
ADVERTISEMENT

प्रमुख निर्वाचन आयुक्त भन्छन्, ‘प्रधानमन्त्रीलाई सम्झाउने मात्रै हो, कारबाही गर्न मिल्दैन’

तडकभडक गर्ने उम्मेद्वारहरुको उम्मेद्वारी नै रद्द गर्ने चेतावनी
कान्तिपुर संवाददाता

काठमाडौं — प्रमुख निर्वाचन आयुक्त अयोधीप्रसाद यादवले २ नम्बर प्रदेशको निर्वाचनमा भोज भतेर गरेर तडकभडक गर्ने उम्मेदवारहरुको उम्मेदवारी नै रद्द गर्ने चेतावनी दिएका छन् । यादवले उम्मेदवारहरुले भोजभतेर गरेर चुनावी प्रचारप्रसारमा तडकभडक गरेको प्रमाण फेला परे उम्मेदवार नै रद्द गरिदिने चेतावनी दिएका हुन् ।

प्रमुख निर्वाचन आयुक्त अयोधीप्रसाद यादवले २ नम्बर प्रदेशको निर्वाचनमा भोज भतेर गरेर तडकभडक गर्ने उम्मेदवारहरुको उम्मेदवारीनै रद्द गर्ने चेतावनी दिएका छन् ।

बुधबार रिपोर्टर्स क्लब नेपालले आयोजना गरेको साक्षात्कारमा प्रमुख निर्वाचन आयुक्त यादवले उम्मेदवारहरुले भोजभतेर गरेर चुनावी प्रचारप्रसारमा तडकभडक गरेको प्रमाण फेला परे उम्मेदवार नै रद्द गरिदिने चेतावनी दिएका हुन् । ‘चुनावमा उम्मेदवारहरुले व्यापक खर्च गरिरहेका छन् भन्ने कुरा आएको छ, तर अहिलेसम्म हामीले कुनै प्रमाण फेला पारेका छैनौं,’ उनले भने, ‘यदि कसैले हामीलाई फोटोसहित प्रमाण दिनुहुन्छ भने हामी अन द स्पट कारबाही गर्छौं, उम्मेदवारहरुको उम्मेदवार नै खारेजसम्म गरिदिन्छौं ।’

निर्वाचन आचारसंहिता जारी अवस्थामा सरकारले हालै गरेको मन्त्रिमण्डल विस्तारमा आयोगको ध्यानाकर्षण भएको भन्दै उनले आफूले प्रधानमन्त्रीलाई कारबाही गर्न नमिल्ने भनाइ राखे। ‘के गर्नु प्रधानमन्त्रीलाई कारबाही गर्नु भएन, यसबारेमा हाम्रो ध्यानाकार्षण भएको छ, बस त्यती हो,’ उनले भने ।

प्रकाशित : भाद्र २८, २०७४ १७:२४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT