दसैंमा यात्रु ओसार्न छ हजार सार्वजनिक सवारी

कान्तिपुर संवाददाता

काठमाडौं — हिन्दु नेपालीको पर्व दसैंको अवसरमा दैनिक छ हजार सार्वजनिक यातायातले यात्रुलाई सुरक्षित गन्तव्यसम्म पुर्‍याउने भएका छन् । दसैंको समयमा धेरै मानिस चाडपर्व मान्न उपत्यका बाहिरिने भएकाले दैनिक छ हजारभन्दा धेरै सवारीसाधनले सेवा दिन लागेका हुन् ।

हरेक वर्ष चाडपर्वलाई लक्षित गरी सार्वजनिक नम्बर प्लेटका सवारीसाधन थपगर्ने गरेपनि यो वर्ष भने कुनै नयाँ बस थप भएको छैन । 

यातायात व्यवसायी राष्ट्रिय महासंघका महासचिव सरोज सिटौलाले बैंकको महँगो ब्याज र बाटोको दूरवस्थाका कारण नयाँ बस थप गर्न नसकेको जानकारी दिए । महासंघले गत वर्षमात्र ठूलो संख्यामा सार्वजनिक यातायात थप गरेको थियो । यसका अलावा दसैंमा पर्यटकीय बस, निजी सवारीसाधनमा समेत यात्रु घर जानेछन् । 

यो वर्षमात्र २०/२१ लाख मानिस दसैं मनाउनका लागि घर जाने यातायात व्यवस्था विभागको अनुमान रहेको छ । विभागका प्रवक्ता डा टोकराज पाण्डे १५/१६ लाख मानिस सार्वजनिक सवारीसाधनमा तथा पाँच/छ लाख मानिस निजी सवारीसाधनमा घर जाने बताउँछन् । 

हाल काठमाडौँको नयाँ बसपार्क, गौशाला, कोटेश्वर, पुरानोबसपार्क, कलंकीलगायत स्थानबाट लामो तथा छोटो दूरीका सवारीसाधन छुट्ने गर्दछन् । दसैंलाई लक्षित गरेर सरकारले यही भदौ २७ गतेदेखि लामो तथा मझौला रुटको टिकट बुकिङ खुला गरिसकेको छ । महानगरीय ट्राफिक प्रहरी महाशाखाका प्रमुख सर्वेन्द्र खनाल दसैंको समयमा उपत्यका भित्रिने तथा बाहिरिने चारवटा नाकाबाट दसैंको समयमा दैनिक एक लाखभन्दा बढी मानिस बाहिरिने बताउँछन् । 

महाशाखा, विभागलगायत विभिन्न संघ संस्थाको सहयोगमा दसैंमा यात्रुलाई सुरक्षित गन्तव्यसम्म पुग्न सहज होस् भन्ने उद्देश्यले उपत्यकाका १२ स्थानमा यात्रु सहायता कक्षसमेत स्थापना गरिएको छ । रासस 

प्रकाशित : भाद्र २९, २०७४ १०:२५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सहयोगको अपिल

सिन्धुपाल्चोक जिल्ला बलेफी गापा वडा नं.– ७ स्थायी घर भई हाल मण्डिखाटार काठमाडौंमा डेरा गरी बस्ने म केशवप्रसाद पराजुली विगत तीन–चार महिनादेखि मृगौला रोगले ग्रसित छु । डाक्टरको सल्लाहअनुसार जतिसक्दो छिटो मृगौला प्रत्यारोपण गर्नुपर्छ ।

त्यसका लागि करिब १५–१६ लाख रुपैयाँ लाग्छ । मेरो घरको आर्थिक अवस्था अत्यन्त कमजोर भएको हुँदा उपचारका लागि आवश्यक रकम जम्मा गर्ने सामथ्र्य मसँग छैन । आजसम्मको उपचार खर्च पनि आफन्तजनहरूबाट ऋण लिएर गरिरहेको छु । म बिरामी परेबाट मेरा स–साना दुई बालबच्चा र श्रीमतीको बिचल्ली भएको छ । उनीहरूको लागि पनि म बाँच्न चाहन्छु । तसर्थ देश–विदेशमा रहनुभएका सहयोगी व्यक्ति तथा संघ–संस्थासँग सहयोगको अपेक्षा गरेको छु । मलाई सहयोग गर्न चाहनुहुने व्यक्ति तथा संघ–संस्थाले प्रभू बैंकमा रहेको खाता नं. ००६०१०००७८३८७७०००००१ वा ००६०१०००९२११८१०००००१ मा आफूले सकेको रकम जम्मा गरी सहयोग गरिदिनु हुन अनुरोध गर्छु साथै ९८४१९८१२१८ वा ९८४९२८६७२३ मा सम्पर्क गरी थप जानकारी लिन सकिनेछ ।

प्रकाशित : भाद्र २९, २०७४ १०:२५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT