७० वटा स्थानीय तहमा मतगणना, प्रतिस्पर्धा तीब्र

कान्तिपुर संवाददाता

काठमाडौं — प्रदेश नम्बर दुईका ८ जिल्लाका १३६ वटा स्थानीय तहका लागि सोमबार भएको निर्वाचनको मतगणना सुरु भएको छ । निर्वाचन आयोगले ७० वटा स्थानीय तहको मतगणना रातिदेखि नै सुरु भएको जनाएको छ ।

बाँकी ६० स्थानीय तहको मतगणना कार्य पनि सुरु गर्ने तयारी भइरहेको निर्वाचन आयोगमा रहेको संयुक्त निर्वाचन परिचालन केन्द्र (जेइओसी) बाट प्राप्त विवरणमा उल्लेख छ । राजविराज नगरपालिकाको वडा नं. १५ का राष्ट्रिय जनता पार्टीका वडाध्यक्षका उम्मेदवारको निधन भएकाले उक्त वडामा असोज ५ गते मतदान भएपछिमात्रै राजविराज नगरपालिकाको मतगणना कार्य सुरु हुने छ ।

प्रारम्भिक मतगणनामा कांग्रेस, एमाले, माओवादी केन्द्र, राजपा र संघीय समाजवादी फोरम तीब्र प्रतिस्पर्धामा छन् । 

प्रकाशित : आश्विन ३, २०७४ ०८:२४
प्रतिक्रिया
पठाउनुहोस्

लागूऔषध प्रयोगकर्ता पक्राउ

छोटकरी
कान्तिपुर संवाददाता

कञ्चनपुर — सुइको माध्यमबाट लागूऔषध प्रयोग गर्ने २ जनालाई महेन्द्रनगर सामुदायिक प्रहरीले पक्राउ गरेको छ । महेन्द्रनगर बसपार्क क्षेत्रको एक होटलमा सिरिन्ज प्रयोग गरिरहेका अवस्थामा उनीहरूलाई नियन्त्रणमा लिएको हो ।

उनीहरू कञ्चनपुरको बेलौरी नगरपालिका ५ का किसन जोशी र भीमदत्त नगरपालिका ६ ऐठपुरका सन्तोष ओखेडा हुन् । सिरिन्ज प्रयोग गरिरहेका बेला उनीहरूलाई पक्राउ गरिएको सामुदायिक प्रहरीले जनाएको छ ।

प्रकाशित : आश्विन ३, २०७४ ०७:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT