मधेस आन्दोलनको केन्द्र जनकपुर उपमहानगरमा राजपाका लालकिशोर
काठमाडौं — मधेश आन्दोलनको केन्द्रको रुपमा रहेको जनकपुर उपमहानगरपालिकामा राष्ट्रिय जनता पार्टीले प्रमुख र उपप्रमुखमा जित हात पारेको छ ।
जनकपुर उपमहानगरमा राजपाका लालकिशोर विजयी
सन्तोष सिंह
धनुषा
जनकपुर उपमहानगरपालिकामा राष्ट्रिय जनता पार्टी(राजपा)नेपाल ठुलो मत अन्तरले विजयी भएको छ ।
धार्मिक नगरी जनकपुर उपमहानगरको प्रमुखमा राजपाका लालकिशोर साह र उपप्रमुखमा रिता झा निर्वाचित भएका छन् । जनकपुर उपमहानरपालिकामा प्रमुखमा राजपाका लालकिशोर साहले २१ हजार ९ सय ३ मत प्राप्त गरे । उनका निकटतम प्रतिद्वन्द्वी नेपाली कांग्रेसका मनोज साहले ११ हजार १ सय ६४ मत प्राप्त गरे । उपप्रमुखमा राजपाकी रिता झाले १७ हजार १ सय ४७ मत प्राप्त गरिन् । उनका निकटतम प्रतिद्वन्द्वी नेपाली कांग्रेसकी निलम कर्णले १० हजार ६ सय ५ मत प्राप्त गरिन् ।
जित पछि लालकिशोरले यो जित आफ्नो मात्र नाई सबै जनताको जित भएको बताएका छन् । 'म जनकपुरको सेवक, माँ जानकीको सेवक भएर काम गर्न चाहन्छु' उनले भनेका छन् ।
प्रकाशित : आश्विन ८, २०७४ १२:२८